O ROMA 4 Popüler Kutsal Kitap Ayetleri

Unanga kahirahi wongaku deʼ wododatoua mangale ma Jou Madutu aijaji. Gënanga hongoli aingongaku yadiai ünanga idogo wokuata, hiädono ünanga wihigogiriri ma Jou Madutu. Unanga duru wongaku ma Jou Madutu wakunu wadiai okianaga wohijäjajioka.

Hababu ma Jou Madutu wïtemo o Abrahamika hokonënanga, ”Ngohi tonihidadioka ngona o hoana de o berera mangöe manga ama.” Hoko gënanga ma Jou Madutu wohidöaka o jaji gënanga o Abrahamika. Deʼ o Abraham wïngaku Unangika. Unanga ma Jou Madutu wahiwango-wango o nyawa yohone-honengoka; Unangö ma Jou Madutu kade wotemo dika wadiai okia komaiwa naga idadi dema ënanga.

O Yesus gënanga iwihilapahioka Ai diri la iwitoma karana nangabaradoha; daha Unanga ma Jou Madutu wihiwangookali la ngone yakunu homateke oa-oaokali de ma Jou Madutu.

O Abraham kagila-gila dika wönganono deʼ wongaku ngarokö koiwaka aingonganono. Karana gënanga ünanga wodadi o hoana de o berera mangöe manga ama. Hokä itulihi Ma Jou Ai Demo ma Buku magoronaka, ”Ani difauku aha yodadi duru ka mangangöe.”

Hoʼ ma Jou Madutu aijaji gënanga mahohol̄e o nyawa iwingaku ma Jou Madutuika. Gënanga idadi o ngongike moi o Abraham aidifaukuika mata-mata, ho o jaji gënanga yahidöaka onangika hokä o ngongike moi karana o dora ma Jou Madutuino; ka onangikaua dika yamote-moteke o agama Yahudi matita, mä onangikaö yongaku-ngaku ma Jou Madutuika, imatero hokä o Abraham wongaku Unangika. Hababu o Abraham gangala mata-mata tongone nanga ama cara rohani.

”Halamati woutumu o nyawa aihowo-howono ya apongoka deʼ aibaradoha-baradoha ma Jou Madutu walungunoka! Halamati woutumu o nyawa aibaradoha ma Jou Madutu wölehaokaua!”

Ma Jou Ai Demo ma Buku magoronaka yatulihi, ”O Abraham wïngaku ma Jou Madutuika, deʼ karana aingongaku nënanga ünanga ma Jou Madutu wïtarima hokä o nyawa yasosanangi ma Jou Madutu aihininga.”