ROMA 4 Popüler Kutsal Kitap Ayetleri

Paylaş

Hanye tatap parisaya nelang puang bembang janji Alatalla. Likan imanni ngulah hanye batambah mansing, hampe hanye nawat nante Alatalla. Hanye parisaya tatuu Alatalla tau nampalus inun sa haut najanjini.

Daya Alatalla kaeau kalayiti ma hi Abraham, “Aku haut nanyari hanyu jari ambah ma wahai bangsa.” Kala yiru Alatalla ngami janji yiru ma hi Abraham. Balalu hi Abraham parisaya ma hanye. Hanyeyiru Alatalla sa nyamelum ulun matei; hanye pada Alatalla sa ekat anri pantane ngulah inun sa puang suah naan jari naan.

Yesus yiru haut nasarah nampan nawunu daya kawan dosa takam; balalu hanye nasamelum kamulek daya Alatalla nampan ngami tau pada takam ikaeh kamulek anri Alatalla.

Hi Abraham saratang harap nelang parisaya biar haut puang uweng harapan lagi. Daya yiru hanye jari ambah ma wahai bangsa. Kala sa nasurat hawuang Surat Barasis, “Katurunannu sagar jari rama tatuu.”

Jari janji Alatalla yiru miundan kaparisayaan ulun ma Alatalla. Yiru jari isa jaminan ma katuluh katurunan Abraham neu janji yiru naami ma here yalah pangamian sa naami tuu eleh teka Alatalla; puang ekat ma here sa ngalut nuu ma hukum agama Yahudi, kude pada ma here sa parisaya ma Alatalla sameh kala hi Abraham parisaya ma hanye. Daya hi Abraham samula ambah takam katuluh sara rohani.

“Tuu sanang ulun sa kawan kahalaenni naampun nelang kawan dosani haut bapasar daya Alatalla! Tuu sanang ulun sa kawan dosani puang natagis daya Tuhan!”

Hawuang Surat Barasis nasurat, “Hi Abraham parisaya ma Alatalla, nelang daya kaparisayaanni yiru hanye natarime daya Alatalla yalah ulun sa ngampi sanang atei Alatalla.”