MATIUS 23 Popüler Kutsal Kitap Ayetleri

Paylaş

Me termamon juas aptam owe, tabambi karai baetam owe baememtas.

Allah, amba baemetemtem owe takes damke akamemomtem. Me, Are amba baemetemtem apok owe asitimtem.”

Emesare. Ara aemapakam Musa Basakamtam Atakam baememtam oweam, Parisi oweam, tare pir bae owe. Tare ajirisemtemakam. Tare seream, iritam, wan pakam, persepuluhan Allah atetamemakam. Me, tare Musa Basakamtam Atakam anakot pak baem apok. Era anakot pak, ere owe turunak baemem are. Owe soro bajiom are. Pota atakam apok owe are. Ere anakot pak erare. Emesare, tare era pak bimak binip atetaramay. Me wan pakam bimak binip bajanimem bas.

Emesare. Ara aemapakam Musa Basakamtam Atakam baememtam oweam, Parisi oweam, tare pir bae owe. Tare ajirisemtemakam. Tare mbok tasan atet anama piring tasan atet bwi aeosomemakam. Era mbok anama piring bomon atet ere, era tasa aeekem pakam, era paknam pota ataerekem pakam, ere iimkopa.

“Yerusalem owee! Allah, aatakam bakoretam owe, tara ataejinaoma ajiman. Tare ere, era owe atatiia ajimakam. Tanom eka era owe asampirima ajimakam. Ajomo arsoot, ajii, ajaro ajanimapomum. Denom bare tanane, tajii, emes tamen bajanimapom jak aseseroma ajaio. Tararawa, emes pota ajiekem.

Tanom emes are. Owe, tare turunak owe, emes bimak binip atetaramemas. Me, tajak bomon, tare pir bae oweam, Allah atakam baoo oweam, aemapakam.”