MATIUS 21 Popüler Kutsal Kitap Ayetleri

Paylaş

Tare atakam Allah ajanimtakam, tanom, ‘Allah era atakam ajanimtam pak aemtamtemaro,’ emes atakam eemnak ambesemkoromay. Armat Ipit arawa, era atakam ajanimtakam pak takes atetamteman.” Emes atakam aesime.

Yesus arawa, “Atakamnak, tare Allah eemnak ambesemkoromtakam, wanam bimak binip arke apok aemtakam, tanom era wus juas “ara” aemmin pak aemtemakam. Me, era taka apok. Tanom atakam ara fami akoromtakam, ‘Baesosey! Era itimbup bwi womba ajurpuey,’ emes atakam aesimtakam, ere ara fami emes taka aemtem.

Me armat ipit bonak ajares owe tananeam, fe asarames owe tananeam, afakea ajaies. “Daut Wurpis, tere aeomamo! Tuhan, asan akot ataendaemmar Ipit baemto! Owe Ju Armat Ipit Allah, basitimtas!” Emes atakam aesima ajaies.

Are atakam era owe akorome. “Alkitabam, ‘Detame, atakam Dera bajanim tame aemamestem.’ Emes atakam akorem. Tare ere, ara tame, wosom owe bajarisiap asan, aemapommakam.” Yesus emes atakam aesime.

“Era kota Sion owe emes atakam akoromay: ‘Baporay! Taraja Ipit adamo bimak binip daytu apok ipit. Are tara ambaromemman. Armat Ipit keledai anama keledai jii beak ten atawejarmara.’ Emes atakam aesimay.” Me Allah atakam bakoretam ipit emes atakam aesimen.

Yesus arawa, “Tare Alkitab atakam baca baepor ape? ‘Tame baeapom owe, eka taka pota apores, wanam era eka aeremtiies. Era eka ere, tame eka anakotnak aemanse. Emesare, Tuhan era pak aeme. Danom era aeme pak akotnak apormarom.’ Alkitab emes atakam akorem.

Emesare, tanom baporay! Allah tare aobaomep owe baemem, atii atetem. Armat Ipit arawa, wan saman ataertem— era saman, Allah karai baetamnak saman are. [