Máfìù 24 Popüler Kutsal Kitap Ayetleri

Paylaş

Lɔ̀‐kɛ̀à‐mɔ̀ lɛ́ e mia búnùzɛ̀ yía wɔ̃̀ wũ lɛ́ɛ̀ lo gaà, ɓii kɛ‐pɛ̀ yɔɔ kɛɛ̀ là lɛ kpɔ́pìàa mɔ́ɔ̀ wɔ̃̀ mɔ̀. Kɛɛ mi lɛ́ è lo e zò dɔɔ̀ gágà é ɓɔ à líé‐nyɛpìàa, lɛ́ɛ̀ lo laà.

Óò lo wɔ̃́ làṹ yiè e ké, lɛ́ à gbɛ̃̀ɛ̃̀ lɛ Wálà là tò‐mia‐là mɔ̀ɔ, gèeè lòũ̀ ká sɛ́lɛ́ séĩ́ yí, kɛ é kɛ kélá ká sɛ́lɛ́ séĩ́‐séĩ́ yí‐mìà wɛlɛ mɔ̀. Yé aà kɛ kília, wɔ̃́ léĩ́‐tó‐lùò áà nù gbaa.

Káà lo gèlè yé lɛ ka ká kɔ̀ɛ́ɛ vĩ maà, ɛ̃́ɛ̃́ káà lo gèlè yé lɛ ka ká gbèĩa, làṹ maà. Kɛɛ yékɛ̀ ka zò é mɛ̀ ka mɔ̀. Ƃii lɛ wɔ̃́ nì e kília mɔ̀ ó kɛ. Kɛɛ wɔ̃́ séĩ́ léĩ́‐tópìè wá nɛ́ à ká.

Wè gbɛɛ̀ gbɛɛ gèe‐mìà óò lo gèlè gɔ̃ɔ̀ o kíe ká. Ɛ́ɛ̃́ sɛ́lɛ́ gbɛɛ̀ gbɛɛ lɛ́ɛ̀ lo gèlè dàà e kíe là. Lɔ̀ɔ lɛ́ɛ̀ lo dàà. Kpóṹ là lɛ́ɛ̀ lo kɛɛ̀ kã́pìà, áà lò gìè lɛ̀ gbɛɛ̀ gbɛɛ mɔ̀. Wɔ̃́ nyɔ́ɔ̀ɔ è lo kɛɛ̀ ɓea, o séĩ́ o gbɛ̃̀‐pìè lɛ́ e kília.

Lɛ̀í wà tã́ã̀ zèe o nyɛ‐pɛ̀ ká. Kɛɛ m lé‐wè lɛ̀ɛ́ ló nyɛɛ̀.

Ƃii mia búnùzɛ̀ óò lo nuù m tɔ́ yí, wáà gèè, ‘Ma lɛ́ m Kɛ́lɛ̀ìa káa.’ Ɛ́ɛ̃́ óò lo mia búnù‐búnùzɛ̀ bèkɛ̀ ɓoò.

“Yé aà kɛ kília, óò lo ka kṹũ̀, tó o ka nɔ mia lɛ̀ɛ ó ka sã̀ dɔ, tó wáà ka zɛ̀. Ka lɔ̀ lɛ́ɛ̀ lo nyɛɛ̀ sɛ́lɛ́ séĩ́‐séĩ́ yí‐mìà mɔ̀ m mɔ́ɔ̀ wɔ̃̀ mɔ̀. Yé aà kɛ kília, mia búnùzɛ̀ óò lo góò zía mɔ̀. Óò lo o kíe nì lé góò mia lɛ̀ɛ, tó o kíe nì lɔ̀ áà nyɛ̀ o mɔ̀. Mia búnùzɛ̀ lɛ́ ò o dìè si Wálà là dɔ̀‐lé‐là‐mìà, lɛ́ o wá mɔṹ à káa, óò lo kɛɛ̀ ɓe. Ɛ́ɛ̃́ óò lo mia búnùzɛ̀ bèkɛ̀ ɓoò.

Zízɛ̀ a gèe kélɛ̀, “Kà ka yɛ́lɛ́ kɛ ka dìè píé, yékɛ̀ ká tó mi nɔ́ɔ fé é ka bèkɛ̀ ɓo.

À mɔ́ɔ̀ wɔ̃̀ mɔ̀ɔ, lɛ ka bɛ̃̀ɛ̃ ka mɔ̀ ka pɛ̀ kɛɛ̀ é kɛá teele. Ƃii Mi Gbe lɛ nupìà lúó lɛ́ ye wá ka gé é nuáa ká.

Yé lɛ kília, kà ka yɛ́lɛ́ kɛ ka dìè píé. Ƃii lúó lɛ́ ka Dàa‐mì è lo nuù à káa, káà à dɔ.

“Kɛɛ mi nɔ́ɔ fé lɛ̀ɛ́ lúó ɛ̃́ɛ̃́ lɛ̀‐kpɛ̀iì è lo nuù kília dɔ. Wálà là vɔ‐mìà lɛ́ o lɛ̀ía, ɛ̃́ɛ̃́ ma à Gbe, é kɛ bɛ̃̀ɛ̃ ko káa, kòó à dɔ. M Dàa doó lɛ́ nɔ́ è à dɔɔ.

Ƃii mia lɛ́ ò o dìè si Kɛ́lɛ̀ì, ɛ̃́ɛ̃́ o yé ò o dìè si Wálà là dɔ̀‐lé‐là‐mìà, lɛ́ o wá mɔṹ à káa, óò lo kɛɛ̀ ɓe. Óò lo lé‐pa‐wɔ̃̀ kpó‐kpó, ɛ̃́ɛ̃́ à kpàlézɛ̀ nì kɛɛ̀, kɛ ó mia lɛ́ Wálà aà o sía, bèkɛ̀ ɓo, yé bɛ̀i lɛ o mɔ̀ɔ ká.

Mi Gbe nu‐lùò lɛ́ɛ̀ lo kɛɛ̀ lɛ̀ Nóà kɛ̀‐à‐yí lùò lɛ́ ɓe. Lúó lɛ́ e kília ká, kɛ yíí paàa é tĩã́ nuùa, mia o kɛ pɛ ɓèlèpìà wáà pɛ mì, ɛ̃́ɛ̃́ gɔ̃à wà loà nì wáà o kíe sì, é ló é ɓɔá lúó kpó‐kpó lɛ́ Nóà e lóá gɔɔ yía mɔ̀. Kɛɛ òó gbaa wɔ̃́ lɛ́ e kɛ kɛpìàa yí dɔ, é tóá kíli yíí paàa é nu, é o séĩ́ o sí, é ló o ká. Zía lɛ́ è lo kɛɛ̀á yé Mi Gbe aà nua káa.