Akisy. 37 Popüler Kutsal Kitap Ayetleri

Paylaş

Apei koloŋit, kiruja Yosepu, ani elimokini iŋes ŋikaitotoi keŋ ŋakiro ŋuna abu iŋes kiruja, toremokinos ikes iŋes nooi.

Amina Yakob Yosepu akilo ŋidwe keŋ ŋuluce ŋulusapa daadaŋ, anerae auruunio Yosepu kemojoŋ Yakob. Adonyokinit Yakob Yosepu ekaaso ŋolo ebusan ŋolo aoyan a ŋakan.

Ani eyenunete ŋikaitotoi a Yosepu atemar emina papa kec Yosepu akilo ikes ŋuluce, kimana Yosepu, tojoŋoto akisirwor iŋes eminasi.

Kiruja nabo Yosepu, tolimok ŋikaitotoi keŋ tema, “Kiirasi, abu ayoŋ eruja nabo. Anakiruja a na, apotu akoloŋ ke elap ta ŋikacer ŋitomon ke epei toryediko alokiŋaren kaŋ.”

Aŋun, apotu ŋikaitotoi a Yosepu torakaanikis Yosepu, nai abu papa keŋ kiric ŋakiro ŋun alotau keŋ.

Tema Yosepu neni kec, “Topupokisi ŋakiro ŋuna abu ayoŋ eruja. Ayakae iwon lomanikor aeniyanaryo ŋaeneta, atipei tonyou aenet kaŋ towo kitiira; tosodo nai ŋaeneta kus kirimokis ŋina kaŋ kidiŋ, toryediko neni ka aenet kaŋ.”

Potu oara iŋes, ido emasakisi iŋes kare adio, otemasi ebe anyam etyaŋ ŋolo adedeŋan iŋes; ido oanyutu ŋuna etakanunete aŋuna a ŋakirujaeta keŋ.”

Ani itorunete nen Ŋimidian ŋulu arae ŋimucurus, kiriut ŋikaitotoi keŋ Yosepu alokare, togyelasi neni a Ŋisimael a ŋisilipae a ŋatomoniarei. Yaasi Ŋisimael Yosepu Ijipit.

Kirworikis ikes make temasi, “Abu robo ekerujan lo!

Ani eriŋa Yosepu elwana, kiŋolikis ŋikaitotoi keŋ iŋes; ani eriŋa Yosepu nyedolo neni kec, totukut ikes akiar iŋes.

Tema Ruben neni kec, “Nyikibuko ŋaokot; emasakisi iŋes kare ŋina analoŋisat na, nai nyikitap iŋes.” Alimuni Ruben ŋun aiunia Yosepu anakan kec, ikotere eboŋori Yosepu neni a papa keŋ.