Matius 20 Popüler Kutsal Kitap Ayetleri

Paylaş

Mar ngoni jang sama deng dorang! Sapa tu suka jadi orang basar di antara pa ngoni, dia musti jadi orang yang ja layani pa ngoni. Kong sapa yang suka jadi paling penting di antara ngoni, dia musti ja layani pa ngoni sama deng budak. Itu sama deng tu Anak Manusia. Dia datang ka dunia bukang for orang mo layani, mar Dia datang for layani banya orang deng datang for srahkan Dia pe diri for tubus banya orang pe dosa.”

Yesus bilang lei, “Jadi bagitu lei nanti di hari kiamat tu orang yang orang anggap nyanda penting, dia itu mo dapa hormat, kong tu orang yang orang bilang orang penting, dia itu nyanda mo jadi apa-apa.”

Pe dengar itu, Yesus jadi rasa kasiang pa dorang. Dia raba dorang pe mata kong waktu itu jo dorang so bole balia. Abis itu, dorang iko pa Yesus.