2 कुरिंततोर 9 Popüler Kutsal Kitap Ayetleri

Paylaş

मीट सबे बेसताङ कबस्किन कीसोर दायनाह, सबे पोल्‍लोने मीक गर्ज अरयनव, सबेटव अमेसा मियगा मनदलाह, सबे बर्कततुन आलिस पिसनाह, देवुळि मीक ईया पग़यह्‌ता.

अदिनेनाह्‌क बोग़े पेग़्के-मुनेह आसोर एमाकेग़, अहे दान ईयनद अडोतुन नोमिय पोयतग़ा इनजोर वने एमाकेग़. बेस गिर्दाते दान ईयनद, देवुळतुह्‌क विचर वास्ता. अदिह्‌कु ओर्वोग़-ओर्वोग़ मन्कल, बेचोक ईकन इनजोर विचर कीतोग़, अचोके ईयेग़.

इद पोल्‍लोतुन सीता कीम्ह्‌टु: बोग़ उचुने विजा वीतिह्‌तोग़, ओन्क उचुने अनम दोर्कग़ा. ओसो बोग़ वेल्‍ला विजा वीतिह्‌तोग़, ओन्क वेल्‍ला अनम दोर्कग़ा.

देवुळि वीतवाल मन्कह्‌क विजा ईस्ता, ओसो ओन्क तिनदलाह, अनम पुटिह कीस्ता. अदे देवुळि मीवा वने मालसोमतुन बोल्गिह कीयग़ा, कीसि वेल्‍लाटोरिह्‌क मीवा दर्ममता पाय्दा दोर्कग़ा. मीट अमेसा चिव्टम आयवा ईयलाह, मीक सबे रीतिना बर्कत ईयग़ा. अहे मीट मावा कयदे लोहतनव कोताङ दोर्कवालोर मन्कलोर, अविस्कनेनाह्‌क देवुळतुन जोहर कीयनुर.

देवुळ माक ईतद देय्वा बेचोन बेरा मन्ह्‌ता, अद वेहता वावो! तान्क जोहर आयि.