2 Коринфянэнгэ 4 Popüler Kutsal Kitap Ayetleri

Paylaş

и амэ думинаса на пал дова́, со исын бицяло́, а пал дова́, со нанэ бицяло́; пал-дова́ со саро́ бицяло́ исын пэ наборо (кротко) часо, а набицяло исын ве́чно.

Палдава́ амэ ние́кхвар на пэраса дро ило́. Нэ хоць амарэ́ маса́ яврестыр хасякирэна зор, то амарэ́-Духоскири андратуны́ паш со дывэ́с зоралёла. Пал-дова́ со амарэ́ кро́тка и локхэ́ пиридживибэна янэ́на бут-бут барэды́р ве́чно сла́ва

амэн тасавэна сарэ́ ригэ́ндыр, нэ амэ́нгэ нанэ цясно (танго); амэ кунинасапэ, нэ амэ на пэраса Духо́са; амэн традэ́на, нэ амэ на сам бистырдэ; амэн вычхурдэна яври́, нэ амэ на хасёваса.

А дава́ кучипэ́н амэ рикираса дрэ ґлэя́на (глины́тка) пирья, соб (кай) тэ сыкавас зорьякиро барипэ́н, саво́ исын Дэвлэ́стыр, а на амэ́ндыр

пал-дова́ со лэ́ндэ, напатяибнаскирэндэ, дава́ свэтоскиро хохано́ дэвлоро штылякирдя лэ́нгири годы́, соб (кай) ёнэ тэ на дыкхэ́н дуд (свэ́то) и тэ на ґалён роспхэныбэн пал бахталы́ зан (звесь) пал Христососкири ярко сла́ва, а Христо́со исын Дэвлэ́скири патри́н (о́бразо).

Адава́ исын Дэвэ́л, Саво́ пхэндя́: “Тэ зяинэл дуд (свэ́то) цямлыпнастыр”, исын дова́-паць Дэвэ́л, Кон зачхудя дава́ дуд тэ зяинэл дро амаро́ ило́, соб (кай) амэ тэ ґалёвас Дэвлэ́скири ярко сла́ва, сави́ зяинэла Исусо́стыр Христосостыр.