1 Korinfianenge 12 Popüler Kutsal Kitap Ayetleri

Paylaş

Ne Dúho (Fáno) sykavéla pes raznes pir kažnoné manušéste vaš sarengiri l'góta.

Kažno tuméndyr khetané isyn Xristosóskire Masá i kažno tuméndyr isyn paš dalé Masengiri.

I kóli jekh paš menčynelape, saré pašá menčynenape khetané lása; i kóli šarena jekh paš, saré pašá radynénape lása.

Jekhe manušéske Dúho (Fáno) déla taláno te phenél god'varó lav, i davá-pac' Dúho (Fáno) déla javire manušéske te džinél lav. A javire manušéske délape dalé-pac' Duhósa patiaibén, a javire manušéske Dúho (Fáno) déla taláno te vysastiakirel; a javire manušéske te kerél dívy, javire-manušéske te angilphenen, javire manušéske te ĥaljol rozn' maškír lačhé i nalačhé dúhi, javire manušéske taláno te rakirél pe nadžindle čibá (čibjá), i javire manušéske taláno te piriphenel, so rakirlape pe čibá (čibjá).

Davá isyn jekh i davá-pac' Dúho (Fáno) keréla saró davá; Jov déla razno taláno kažnoné manušéske, syr Jov Kokoró vykedéla.

sob (kaj) te jačélpe jekhipén dre masá, i, sob (kaj) saré pašá te dykhén jekh pal jekhéste, adiáke-pac', syr pal péste.

Ne isyn rázna Duhóskire talany (darovanii), a isyn jekh Svénto Dúho (Fáno), Savó déla dalé talany; isyn rázna služénii (dynaribená) Devléske, a isyn jekh Raj Devél; isyn rázna saštypena (vozmožnosti) te dynarinén, a isyn kadavá-pac' jekh Devél, Savó xulainela pir saró i pe sarénde.

I Devél čhudiá sarén pe péskiro štéto dre khangirí: Apostolen pe pérvo štéto, prorokén pe javír štéto, sykliakiribnaskiren pe tríto štéto; tedy Jov dyjá zor javirénge te kerén dívy; adiáke-pac' talany te sastiakiren, te pomoginen; te xulainen; te rakirén pe nadžindle čibá (čibjá).

Masá isyn na jekhe pašatyr (pašestyr), a butendyr.

Davá isyn na adiáke: masengire pašá, savé sykadjona sýrby bizorjákire, butýr trej

Kóli saré masá isyn sýrby jekh jakh, kaj ža isyn šunybén? Kóli saré masá isyn sýrby jekh šunybén, kaj ža isyn sungipen (obonianijo)? Dykhén, syr Devél rosčhudiá kažno razno paš pe masá pe péskiro štéto, syr Léske treindiá. Kóli ame javasas sýrby jekh paš, savé by javélas céla tedy masá?