Suku-saakị 9 Popüler Kutsal Kitap Ayetleri

Paylaş

Tẹ Tamụnọ nwẹnị pịkị ḅẹẹ, “Miemẹ anie ọḅọkụ mẹ tẹ yẹrị na, ọmịnị na, tẹmẹ tẹ ḍumo wararị ye goyegoye tẹ ọmịnị na emi ye na, tọrọkọ-jụ ḅọ ḅarị ḅụọ-ḅẹ-atomi mamgba na fị ọḅọkụ mẹ tẹ wamịna ogboku simearị ye mẹ ḅẹ elekima mẹ: àrị ì ogono mẹ kẹ kpiti So-tọrụ mẹ ḅụ sụarị, anịsakị anị yẹrị na, tomikiri mẹ na ogboku simearị ọḅọkụ mẹ ḅẹ elekima sọ ḅa.

Ogono mẹ kpiti So-tọrụ ma ọgọnọ emi nwẹn ḅẹẹ sakị, arị anị ḍiki ḅa tẹ Tamụnọ na, tẹmẹ tẹ ḍumo wararị ye goyegoye ḅẹ meni, mamgba tẹ kiri mẹ ọgọnọ simearị aị ma na ogboku simearị sime gbamaso ọḅọkụ mẹ kẹ ḅiokoroma ḅa.”

Tomḅọ ọmbie ọsụma ḅọ ọsụma ḅọ, mḅọ pembema tomḅọ pịkị mḅọ ọmbie sọ ọsụma ḅa, kẹ gotẹ ọkọ ḅẹẹarị, Tamụnọ tomi kẹ ọ̀ ḅụụ kịkama tẹmẹm.

Tamụnọ nwẹnị Noha na ori owiapụ-awọmẹ na boma tẹ ịn ḅẹẹ, “Ọmịnị iyima-iyima tẹ lolo-kama tẹ tomikiri mẹ ḅin.

Àrị eleleinda tọrụ sụa asịn ma kẹ ọ́ pịrị ḅara, ḍumo tẹ mẹnjịarị ye goyegoye pẹị-pẹị ye sọ ọ́ pịrị ḅa. Ye goyegoye à kẹ ọ́ pịrịm.

Tomikiri mẹ ḅụ simearị piri-ḅio-ḅẹ nama goyegoye na, So-tọrụ ḅẹ feni goyegoye na, kiri mẹ ọgọnọ ikiriarị ye goyegoye na, tọrụ minji ḅẹ inji mamgba na siye ḅụụ la ḅẹ kuroma na, opu ḅalafa na nyana ọ́ pịrị ḅa; àrị ịn ḅọrọma ọmịna ḅara-ḅio suu tẹ.

Ọ́ tọnwa ḅara kẹ iyi-iyi saraa tomikiri mẹ ḅụ, tẹ anị ḅio kamaa.”