Suku-saakị 37 Popüler Kutsal Kitap Ayetleri

Paylaş

Gbọrụ ḍin, Josẹfụ gbọrụ ḍawọ kọnm, tẹ ori anị ḍuko ori owiapụ-amịnapụ pịrị ye mẹ, ịn kẹ ò ḍiki-ḅioḅuarị ḅara nẹngị ḅara mie ịn kẹ ò ḍiki-ḅioḅu ye.

Mịọkụ Izirẹlị Josẹfụ ḅẹlẹma ori awọmẹ osi apụ ma ḅụ ḅẹḅọ-ḅẹḅọ nẹngịm, ori anie ori omongi sakị ḅẹ owiḅọtụḅọ ẹrẹsị, tẹ ḅirima wararị ḅara nangwọtẹ vọrọrọ-kapa gbin ọ̀ pịrịm.

Kụma ori amịnapụ owiapụ ḅo ẹrịm mịnẹ ịna ḍaḅọ ọ̀ ḅẹlẹma ori amịnapụ owiapụ mamgba nẹngịm tẹso, ini ò ḍiki-ḅioḅum, tẹ ḅarị inetẹ dein ḅara kẹ ẹkwẹn ọ̀ pịrị-a.

Anịtẹso ọ̀ pịkị jen ḍawọ kọnm, tẹ anị ḍuko ori owiapụ-amịnapụ pịrị tẹ ḅẹẹm, “Ḍikii à jen ḍawọ kọnm, tẹ ẹrịm ịrụa mẹ na akalụ mẹ na oyi gbọrụ lolia finji na sịḅị-tuu iderima ị̀ pịrịarị.”

Ori owiapụ-amịnapụ ma nwẹnị miemẹ kẹ ori afana, kụma ọ̀ ḍa anị kẹ ò ḅioḅẹngbọ kokom.

Ori ịn ḅẹẹm, “Ọ́ mị ḍawọ mẹ tẹ à kọn ye mẹ pokii, Wamịnị-mgba ḍụọ ḅio emi tẹ mgbọlị-fịye kẹ puku-puku fịnarị, tẹ ḍikiarị kụma ị̀ mgbọlị-fịye puku mẹ nwẹnị saakị tụkụ tẹ sịẹsime. Ọmịna mgbọlị-fịye apuku ma nwẹnị sịẹ anị ikelema-koro tẹ sịḅị-tuu ì nye mẹ pịrị.”

Mịọkụ ó ḅoo, yee wa ọ̀ ḅaa tẹ kẹ mịna olulu ma ḅe gberie ḅio gbin su; anị sakị wa ḅẹẹ ḅa mịnẹ piri-ḅio-ḅẹ nama ọ̀ ḅaa guluguluma tẹ, anịsakị wa ọ̀ kọn aḍawọ ma paka ḅẹ ḅara ḍiki ḅa.”

Anịtẹso Midiyanị ḅẹ tuḅokọn-apụ ḅo anịanga ḅọrọm, tẹ ịn nwẹnị olulu mẹ ḅio Josẹfụ pakama-ḅo tẹ ọ̀ kẹ seleḅa si apakịrị kẹ Isimẹlị furo-ḅẹ-apụ ma dẹrị; tẹ ịn Josẹfụ ọkị so Ijiputi mum.

Ịn nwẹnị jụmọ-jụmọ ḅẹẹ, “Ḅie ḍawọ kọn-kọn ḅọ ḅe mịanga ḅoarị.

Ịn nwẹnị sụma-jụ ḅụ ori ẹrị tẹ ḅaa-ḅẹrẹ-ḅiya ọ̀ pịrị tẹrẹmẹ ò ḅo ịn kpekim.

Tẹ Rubẹnị nwẹnị ịn ḅẹẹ, “Ọmịnị ọmbie ọsụma ma; ọmịnị ọ̀ kẹ wakị mị olulu mẹ ḅio suu, mị ịkpa mẹ ḅio, kụma ọ́ ḅara kẹ ọ̀ lama ma,” mịẹtẹ ori inetẹ ịna ḅara ḅụ ọ̀ ḍụa pakama-ḅo tẹ ọ̀ pịkịma mu ọ̀ ḍa pịrị ḅẹ ḅara.