Luù 7 Popüler Kutsal Kitap Ayetleri

Paylaş

Kpeiŋ tɔ̀ miŋ woòum, esàɓù e mànaŋ gbeeɛ̀ wò naim tɔɔ̀ lɛ, è naŋ tɔɔ̀ kɛ̀ maŋ jùumù zimgbeum màŋ nɔ̀ŋ hakɛ̀ jùùyà miŋ. Kɛɛ wo nyùnɔ̀ɔŋ àŋ naŋ jùùyè hakɛ̀ wèè e nɛ̀ŋ jɔa wɔ̀, wò do nɔŋ nàŋ tɔ̀ɔ̀ e mànaŋ jɔa.” Kpeiŋ wo Jisɛ̀ naŋ wòò wo nìeɔ̀ wààŋ, “Kà jùùyà maŋ jùumùum màŋ hakɛ̀.”

Kɛɛ wo Jisɛ̀ naŋ wòò wo nìeɔ̀ wààŋ, “E hààwe mɔ̀ɛ̀ èum joeyè. Tɔ̀ wo Dayà kiɛ̀um ke jii fàa.”

yèè wò naŋ sìè wo Jisɛ̀ jɛ̀wɛ̀ maŋ golòuŋ màŋ kɔɔ wò yaà gulie, maŋ fɛɛ̀màìuŋ màŋ dè maŋ gòlò Jisɛ̀ maŋ. Kpeiŋ wò naŋ miŋ hààngè e ɗì dumuuŋ nɛ̀, wo miŋ kisì, yèè wò naŋ miŋ kpàlèè maŋ kuùmàì.

Miŋ fè ngèè pɛɛ tɛ̀ɛ̀ wèè miàŋ bi ka hnàŋ kò nɛ̀ɛ̀ŋ muìŋ. Wòò nɔŋ mààŋ wo ɓɔìjɔ̀à miɔ̀ŋ jòèyà, wò do nàŋ jòèyè. Mìŋ naŋ tɛɛ̀ haawè esaɓù kɛ̀, miàŋ pɛɛ mìŋ kuwa anyuùŋ gbeegbèè aŋ yè nyaŋ mìŋ toomàŋ dìì. Sèè àŋ woàìm nyààŋ nyɛnɛ̀ŋ tɛɛ̀, ka niŋ nyɛ̀nɛ̀ŋ. Mìŋ kuwa ɓɛìŋ aŋ kààlòòɗùà aŋ yè nyaŋ toomàìm dìì. Sèè mìŋ woà wo bà guùŋ mìàŋ, ‘Kɔ̀à!’ wò do nàŋ kɔ̀. Sèè mìŋ woà ɓɛìŋ wo bà mìàŋ ‘Hnaàŋ!’ wò do nàŋ hnè. Mìŋ woà wo ɓɔìjɔ̀à miɔ̀ŋ mìàŋ, ‘Nyɛnɛ̀ŋ tɛɛ̀!’ wò do niŋ nàŋ nyɛ̀nɛ̀ŋ.” Nààŋ wo Jisɛ̀ naŋ wa kòmò e keì wòo lɛɛ̀, è nauŋ wa foonò zimgbe. Kpeiŋ wò naŋ kìlè yèè wò naŋ wòò anyùùŋ nyaŋ yàaùŋ wa maŋjɛ̀wɛ nyàŋ wààŋ, “Tɔ̀ miŋ woòiŋ e tɔɔɓaaà kɛ̀, nààŋ gbà wɔŋ fùɔ̀ŋ Ezɔ̀ɛ̀ɔ gbiŋ sùà, kòò mìŋ yɛ̀mɛ̀ wò nyùùŋ gbiŋ wò yèɔ kuwa è hààwe gbee mààŋ tɛɛ̀.”

E teenga lii sùà wo Jisɛ̀ naŋ wa sùngò anyuùŋ zimgbe kɛ̀ɛ̀nɛ̀ŋ maŋ sàaŋ gɛ̀wɛɛ̀, wo gè aŋ jinàŋ naanààŋ anyùùŋ maŋjɛ̀wɛ, yèè wò naŋ kpuumò wo gbàì maŋ fɛ̀ɛ̀ anyuùŋ zììlè le fɛ̀ɛ̀ zimgbe. Wo Jisɛ̀ naŋ nyiŋ fasàì wààŋ, “Kɛ̀ɛìŋ maŋjɛ̀wɛ niŋ woò wo Jɔ̀ɔŋ e yèɛ nìŋ naŋ kòmò yèè nìŋ naŋ yɛmɛ̀ lɛ. Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Kà nyɛ̀nɛ̀ŋ anyuùŋ fàa nyàŋ yèwà e fàa dìì wɔŋ nyiiŋ gèe sùà, yèè kà wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.