BaRoma 8 Popüler Kutsal Kitap Ayetleri

Paylaş

Iyit rēn yit fok ayɛt akaakyi ikyɛng, Adakunom nyes ikyɛng itek nek bayɔng fɛ́ ba kushim, bayɔng fɛ́ ba mi ka ba yes kpaf ni ite iyɛ wu.

Nek imi rēn tsɛngtsɛng fok vit iku kɛ kutset, kɛ batomaza kɛ itséng, kɛ nkyɔrɔk ayɔkɔnɔng kɛ nyɔng fi in bi bɛ́ ayi, kɛ bafi kukyem, kɛ kusɔp kɛ kutsik, kɛ ikikak fɛ́ ba nye ide, fi i da kyem i ki kam yit ni ishim Adakunom fi i ne na Anet-Isheshek aYeso aTisa yit awo.

Kpaf anɔng wu fɛ́ Kabik e ki sɛs yit mo ayɛt avit agap yit. Nek da iyit rēn yit irèn fi in di ki ra yit awon awo, tit Kabik ka ice ka, ka ras awon akuce yit ni irus vit kucɛɛt.

Akyɛ fi in da fɛ̀ yit naton ikyɛng deng ɛ? Ke Adakunom se abak yit, angan da kyem a ra ifa ni iyit ɛ?

Nek anɔng, yɔkɔnɔng vit ishɔt fi i kyɛk naton bayɔng fɛ́ ba se ayɛt Anet-Isheshek aYeso.

Nek kuyiring nse anet inɛn bes ni iku, awɛt kuyiring nse abik, bes ni kusot kukyang.

Koba! Ayɛt akaakyi ikyɛng, iyit waat yit agap bayɔng fɛ́ ba ya mben, ni irèn ayɔng fɛ́ a ki shim yit.

Nek imi mi di fok, izot fi in tsin sɔ yit yɔkɔnɔng, ba da kyem ba mara ide ni ízɔk fɛ́ ba bi ki tonong yit ashon awo.

Angan da kyem a ki kam yit ni ishim Anet-Isheshek yɛ? Ki ndaam ɛ? Ki izot ɛ? Ki mgbang ɛ? Ki nzong ɛ? Ke avit ares ite yɛ? Ke kawɛy ɛ? Ke awal ɛ?

Iwu Adakunom fɛ́ a yɛrɛ kutsik ayɛ yit, a rēn ngma kutɔrɔng Kabik, nek Kabik e ras awon akuce bafɛ́ ajɛrɛ kpaf ni kushim Adakunom.

Nek bayɔng fɛ́ Kabik Adakunom ka ba kɔk kutaa, iba ba, ba yet nnon Adakunom.

Nek bayɔng fɛ́ ba se kusot ni nse anet awe, ba tes iyɛ bá ni nkyɔrɔk fi nse me shim, awɛt bayɔng fɛ́ ba se kusot ayɛt abik, ba tes iyɛ bá ni nkyɔrɔk abik.

Iwu fɛ́ da a rone ari wu awo, awɛt a nabak ari wu me nek iyit ngma, a da won dang ki nɔɔk yit kaakyi ikyɛng ni kubɔk washak ɛ?

Kabik Adakunom ice wu, gung na kabik kafiit, ki taas yit fok, iyit yet yit nnon Adakunom. Yɔkɔnɔng fi in yet yit nnon, in mi sot yit bafi iya itekari Adakunom. In da ya yit itekari me gung na Anet-Isheshek, ki in sɔ yit izot gung ni iwu, anɔng e da sak in bi sɔ yit nta gung ni iwu bà.

Nek kuyiring anet inɛn, yet ifa na Adakunom. I fok itabak ntsi Adakunom awo, kɛ ni nye ide ayi.

Nek ngma nkyɔrɔk fɛ́ Adakunom nye, in bi iyɛ ingash makiyi nek ku di izen fɛ́ Adakunom bi tonong nnon wu.

Nek iyit rēn yit, sak atut ana, ngma nkyɔrɔk fɛ́ ba nye, in tsin rus ni mgbang tɛ abin-ites.