BaRoma 3 Popüler Kutsal Kitap Ayetleri

Paylaş

nek kaangan mi ra inɛn, a mi gaat itsa sak ni imara ízɔk fɛ́ Adakunom nesek. Wat Adakunom mi tonong itek kunang wu, in mi sot yit tabat anu ashon Adakunom, nek ibisik fɛ́ aYeso ki nye yit e.

Kusot kutabat nes na Adakunom, ni irèn inɔɔk atsak na aYeso Kristi sak na bayɔng fɛ́ ba nɔɔk atsak. Nek iwu tonoso ishim ice awo

Adakunom nabak aYeso na a sot kunang inabak ifuut anɛn, nek mok nasok wu, banet di sɛ ifuut anɛn bá nek inɔɔk atsak bá. Adakunom nye anɔng nek a di tonong kusot kutabat wu, nek ayɛt akabɔk wu a di wosong anɛn fɛ́ ba ki mang ra. Adakunom kin nye anɔng ni izen e yɔng, nek a di tonong kusot kutabat wu, ama anɔng, a di tees bayɔng fɛ́ ba nesek atsak na aYeso ba di sot bafɛ́ kusot kutabat.

Nek vit anet fɛ́ a da kyem a sɛ ihwyet anu ashon Adakunom nek ntomong ntsi, i yet ntsi na fi in tonoso anet inɛn wu.

I se ni ijɛk fok, “Vit azining fɛ́ a yet afɛ́ kusot kutabat, vit kitsarang e. Vit akak fɛ́ a bi irēn, vit ayɔng fɛ́ a tsɛt Adakunom. Ngma ba ba mi nɔɔk Adakunom kama, ngma ba ba mi sot ahwye me. Vit azining ba fɛ̀ a nye ikyɛng itek, vit itsarang e.”

Nek iyit mi di yit, anet sɛs kusot kutabat ashon Adakunom nek inɔɔk atsak da nek iras ntomong ntsi awo.

Koba! Won Adakunom na a sot afɛ́ atsak, won kaangan na a sot afi mbɔɔs, ti i di se ni ijɛk, “Nek ba di di katsak ngɔn ni icɛɛt, nɔng i di waat akaangan na atsak ni izen ishɔt.”