ALuka 9 Popüler Kutsal Kitap Ayetleri

Paylaş

A ma fɛ̀ ni iba ngma yɛ, “Ngma ayɔng fɛ́ a shim a di kuus mo, i se gbing-gbing na a rawu ice wu, na a kok kukon itegak wu kaakyi izen, na di kuus mo.

Nek ngma ayɔng fɛ́ a tsɛt a sheshek kutset wu, a da bit iko; awɛt ngma ayɔng fɛ́ a nɔɔk nwaa kutset wu nek imi, a bi sɛ iko.

AYeso fɛ̀ ni wu, “Vit anet fɛ́ a mi sak kubɔk ni kutsé ikap, na tɛ na yɛrɛ kama, fɛ́ a kyem na ba ku sok ni kutomong igwɔm Adakunom.”

Kɛ anet sɛ kazatse kusum, a da nɛ a bit kutset wu, kɛ na bit ice wu ayi, wat itek e yet akyɛ?

Ngma ayɔng fɛ́ a foos nsum min, ni ifɛ̀ hom, imi, Arim Anet, in bi fok nsum wu ni izen fi in bi bɛ́ ayɛt ízɔk in, ni ízɔk Ada hom, ni ízɔk batomaza bafɛ́ aJɛrɛ.

Wat aYeso fɛ̀ ni wu, “ÁGbayɔrɔ bɛ̀ asɔs na, nanon bɛ̀ arɛ na, awɛt Arim Anet bɛ̀ karɔ fɛ́ a di ki sak ice wu awo.”

A fɛ̀ ni iba, “Kaakyɛ anet fɛ́ a shan nggon ka ni iyerek in, imi wu a di shan. Kaakyɛ anet fɛ́ a di shan imi, a shan ayɔng fɛ́ a di tom. Nek ngma ayɔng fɛ́ a yet a wosong ayɛt yin ngma, iwu wu a yet aratek.”