AYohana 14 Popüler Kutsal Kitap Ayetleri

Paylaş

Kukyang fi in tsin ki won yin e, kukyang kunaan fi ki nɔɔk yin. Da in ki nɔɔk in kuyɔng fɛ́ kazatse nesek awo. I bi won yin iyɛ yin ni kudaam awo, i bi fok yin nnyim awo.

AYeso fɛ̀ ni ba, “Imi yet irèn, atsak, ni kutset. Vit anet fɛ́ a tse narɔ Ada, ma a got ni mi.

“Da iyɛ yin bi beseng awo. Nɔk yin atsak nɛ Adakunom, ni nɔk yin atsak ni mi bà.

Awɛt kɛ Afidang Itseet e, Kabik aJɛrɛ me, ayɔng fɛ́ Ada bi ki tom yin e, ni iyerek hom, iwu bi ki tees yin kaakyɛ, na ki yiring yin ngma ikyɛng fi in ki mang ki tak yin.

Kaakyɛ anet fɛ́ a rēn ntsi hom, na nyes ina, ayɔng wu fɛ́ a foos ifɛ̀ hom. Ayɔng fɛ́ a foos ifɛ̀ hom, Ada, da ku tonong ishim, imi di ki te iyɛ ni wu, in da ku tonong ice min wɛshɛk.”

Imi da ra awon sak na Ada hom, a da ki tom yin nɛ Afi itabak, fɛ́ a bi sot gung ni yin, ayɛ nɛ ayɛ. Afi itabak e, yet Kabik fɛ́ ka tees banet atsak. Banet azatse da kyem ba ku shan na ayɛ ba awo, nek iba ki mang ku di awo, ba ku rēn awo. Iyin ku rēn yin, nek a se gung ni yin, a da ya kashon ni isot ayɛt yin.

Kaakyi ikyɛng fi i rip yin ni iyerek hom, in da ki nye yin e, na anɔng fɛ́ banet da ki di iratek Ada hom. Kaakyi ikyɛng fi i rip yin ayɛt iyerek hom, in da nye ide.

“Ki i di shim yin, i da nye yin ifɛ̀ hom.

Ari Ada min, narɔ isosok di se dot; ki da anɔng awo, ki in man ki tak yin. Imi yɔng, in tsin nye karɔ azɔng nek iyin.

Ama fi in tsin nye karɔ nek iyin, in bi tun bun, in ki sok yin nɔng i da sonong yin ni mi, nɔng iyin da se yin gung ni mi bà.

AToma fɛ̀ ni wu, “ATisa, iyit da in rēn yit karɔ fi ngɔn shim i di tse awo, nɛ anɛ fi in da rēn yit irèn e yɛ?”