1
လံာ်ယၡါယၤ 45:3
Sgaw Karen Common Bible
KSWC
ယကဟ့ၣ်လီၤနၤတၢ်လုၢ်ဒိၣ်ပှ့ၤဒိၣ်တဖၣ်လၢ တၢ်လီၢ်ခူသူၣ်ခံးသူတဖၣ်အပူၤန့ၣ်လီၤ. အန့ၣ်တစု, နကသ့ၣ်ညါလၢယမ့ၢ်ယွၤ ဒီးအံၣ်စရ့လးအကစၢ်ယွၤလၢအကိးတ့ၢ်နၤလၢနမံၤန့ၣ်လီၤ.
2
လံာ်ယၡါယၤ 45:2
“ယနီၢ်ကစၢ်ဒၣ်ယဲ, ယကကတဲာ်ကတီၤနကျဲ ဒီးမၤပၢၤလီၤကစၢၢ်တဖၣ်ဒီးတၢ်လူၢ်တဖၣ်လီၤ. ယကမၤကၢ်ကွံာ်တြဲၤတိၢ်ဘီတဖၣ်ဒီးတီၢ်လီၤကလဲအဝဲသ့ၣ် အထးဘိတဖၣ်လီၤ.
3
လံာ်ယၡါယၤ 45:5-6
ယမ့ၢ်ယွၤဒီးကစၢ်အဂၤတအိၣ်ဘၣ်. နတသ့ၣ်ညါယၤဘၣ်ဆၣ်ဒီး, ယကဟ့ၣ်နၤတၢ်ဂံၢ်တၢ်ဘါလၢနလိၣ်ဘၣ်အီၤလီၤ. ယမၤတၢ်အံၤဒ်သိးပှၤတဂၤလၢ်လၢ်လၢဟီၣ်ခိၣ်အကတၢၢ်တခီဆူအဂၤ တခီကသ့ၣ်ညါဝဲလၢယမ့ၢ်ယွၤဒီးလၢကစၢ်အဂၤတအိၣ်ဘၣ်အဂ့ၢ်န့ၣ် လီၤ.
4
လံာ်ယၡါယၤ 45:7
ယတ့လီၤတၢ်ကပီၤဒီးတၢ်ခံးခံမံၤလိာ်လီၤ. ယဟဲစိာ်တၢ်ဆိၣ်ဂ့ၤဒီးတၢ်တတၢးတနါခံမံၤလိာ်လီၤ. ယၤ, ယွၤန့ၣ်, မၤတၢ်သ့ၣ်တဖၣ်အံၤခဲလၢာ်လီၤ.
5
လံာ်ယၡါယၤ 45:22
ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.
6
လံာ်ယၡါယၤ 45:1
ယွၤဃုထၢတ့ၢ်စီၤပၤကိရ့ၣ်လၢကမ့ၢ်စီၤပၤလီၤ. အဝဲဃုထၢပာ်ထီၣ်တ့ၢ်အီၤဒ်သိးကမၤနၢၤမၤဃၣ်ပှၤကလုာ်တ ဖၣ်လီၤ. အဝဲမၢလီၤအီၤဒ်သိးကဘ့ၣ်ကွံာ်စီၤပၤတဖၣ် အစိကမီၤလီၤ. ယွၤကအိးထီၣ်ဝ့ၢ်တဖၣ်အတြဲၤတဖၣ်လၢ အဝဲအဂီၢ်လီၤ. ယွၤစံးဘၣ်စီၤကိရ့ၣ်
7
လံာ်ယၡါယၤ 45:23
ယတၢ်အၢၣ်လီၤတီဝဲလိၤဝဲ ဒီးတဘၣ်တၢ်လဲလိာ်ဘၣ်အီၤဘၣ်. ယအၢၣ်လီၤတၢ်လၢတၢ်သမှံၤသပှၢ်အပူၤဒ်ယမ့ၢ်တၢ်အသိးလၢာ်လၢာ်ဆ့ ဆ့န့ၣ်လီၤ. ပှၤကိးဂၤဒဲးကဟဲဒီးတီၤလီၤကဒွံကျိာ်လၢယမဲာ်ညါ ဒီးဆီၣ်လီၤအသးလၢအသးကတီဒီးယၤအဂီၢ်လီၤ.
8
လံာ်ယၡါယၤ 45:4
ယဃုထၢပာ်ထီၣ်နၤလၢနကမၤစၢၤယခ့ယပှၤ ကီၢ်အံၣ်စရ့လး, ပှၤဂီၢ်မုၢ်လၢယဃုထၢတ့ၢ်အီၤန့ၣ်လီၤ. နတသ့ၣ်ညါယၤဘၣ်ဆၣ်ဒီး, ယဟ့ၣ်တ့ၢ်နၤလၢတၢ်လၤကပီၤဖးဒိၣ်လီၤ.