လံာ်ယၡါယၤ 26 Popüler Kutsal Kitap Ayetleri

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

နာ်ယွၤတဘိယူၢ်ဃီတက့ၢ်. ဒီးအဝဲကဒီဒၣ်အိၣ်ပှိၤပှၤထီဘိလီၤ.

လၢမုၢ်နၤန့ၣ်, ယသးဆၢန့ၢ်နၤလၢယသးဒီဖျၢၣ်ညါလီၤ. ဖဲနစံၣ်ညီၣ်ဟီၣ်ခိၣ်ဒီးအပှၤဂီၢ်မုၢ်န့ၣ်, အဝဲသ့ၣ်ခဲလၢာ်ကမၤလိန့ၢ်တၢ်စံၣ်ညီၣ်တီမ့ၢ်တၢ်မနုၤလဲၣ်န့ၣ်လီၤ.

ယွၤဧၢ, နကဟ့ၣ်ပှၤတၢ်ဘီၣ်ထီၣ်ညီထီၣ်လီၤ. တၢ်ခဲလၢာ်လၢပမၤန့ၢ်န့ၣ်မ့ၢ်ဒၣ် တၢ်လၢနမၤဘၣ်ပှၤဒ်ပမၤတၢ်အသိးလီၤ.

ပမၤထွဲတၢ်ဘၣ်နသးဒီးပာ်ပတၢ်မုၢ်လၢ်လၢနပူၤလီၤ. ကယဲၢ်ပတၢ်သးအိၣ်န့ၣ်မ့ၢ်ထဲနၤတဂၤလီၤ.

ယွၤဧၢ, နမၤဘျ့ပှၤအဂ့ၤတဖၣ်အကျဲလီၤ. ကျဲလၢအဝဲသ့ၣ်ပိာ်ဝဲန့ၣ်မုာ်ဝဲပၢၤဝဲလီၤ.

အဝဲဒၣ်ဆီၣ်လီၤကွံာ်ပှၤလၢအပာ်ထီၣ်ထီအသးတဖၣ်လီၤ. အဝဲဒၣ်မၤဟးဂီၤကွံာ်ဝ့ၢ်အဂံၢ်ဆူၣ်အဘါဆူၣ်လၢအဝဲသ့ၣ် အိၣ်တ့ၢ်ဆိးတ့ၢ်ဝဲ, ဒီးမၤလီၤပှီၢ်လီၤကလဲကွံာ်အခိၣ်ဒူတဖၣ် ဆူဖၣ်ကမူၣ်ဖၣ်ဆါအပူၤန့ၣ်လီၤ.

အိးထီၣ်ဝ့ၢ်အတြဲၤတဖၣ် ဒီးပျဲပှၤအတီအလိၤတကလုာ်လဲၤနုာ်ဝဲ, ပှၤတကလုာ်လၢအပှၤဂီၢ်မုၢ်မၤတၢ်တီတၢ်လိၤ န့ၣ်တက့ၢ်.