Ohuchaaka 32 Popüler Kutsal Kitap Ayetleri

Paylaş

Omusaacha oyo yamuboolera ati, “Eliita lyao haba silichia ohulaangaangwa Yakobbo, nae lichia ohulaangaangwa, Yisiraeli, olwohuba olwaaniise Nasaae neende abaandu basyo mani waabayiingira.”

Omusaacha oyo yaboolera Yakobbo ati, “Leha mbweo, olwohuba obwiire mbao buhya.” Nae Yakobbo yamuboolera ati, “Haba siinjia huhuleha obweeo sa otyo, ohutusaho nga wuumbeerese ehabi.”

Yakobbo yadoong'a sa yeeng'ene; mani omusaacha wuundi yeecha yalwaanakana nae ohwoola obwiire nibwali aambi ohuhya.

Yakobbo yalaanga abuundu ao ati, “Penweeli,” n'aboola ati, “Olwohuba mbweene Nasaae emoni-hu-moni, nae ndadoong'a ni ndi omulamu.”

Nae omusaacha oyo niyabona ati haba saachia ohuyingiira Yakobbo, yakuuda Yakobbo hu baachwa; ebaachwa lya Yakobbo mani nilimenuha mu nyiingo koti omusaacha oyo yalwaana nae.

Omusaacha oyo mani yamuteeba ati, “Eliita lyao nilyo wiina?” Yakobbo nae yaakobbolamo ati, “Yakobbo.”

Mani Yakobbo yateeba omusaacha oyo ati, “Husaba, mboolere, eliita lyao.” Nae yamuteeba ati, “Lwasiina wundeeba eliita lyaange?” Mani n'aberesera Yakobbo ehabi naali abuundu ao.

Haba ese sihoyera kata nabudiidi obuheeri bubitiirifu neende obweesikwa bu wunjekeese, ese omuhalaabani wao. Ndaambuha omwaalo kwa Yorodaani ni ndi neende omukwajo kwoong'ene; nae bulaanu ndeeholere emikaanda kibiri.

Sakira ohwoola buti, Abaisiraeli haba sibalichaanga enyama yohuu baachwa, eyiri aambi neende etaango, olwohuba Nasaae yakuuda hu baachwa lya Yakobbo aambi neende etaango.

Yakobbo yaboola ati, “Ewe Nasaae wa Abburahamu kuuka yaange, haandi Nasaae wa Yisaka laata yaange, mbulire. Omwaami, niiwe owamboolera ohukobola mu syaalo syaange haandi eyiri abanaluyia baange, mani buli siindu sichia ohunjiira bulai sa.

Hwekweeda, wuumonie, wuunduse mu mahono ka mwaanama Esau, olwohuba mutya, anyala ohwiicha yatwiita fweesi yaatumala, kata yeeta neende abahasi bali aasito.