Mga Salmo 51 Popüler Kutsal Kitap Ayetleri

Paylaş

Putlia, O Dios, ang akong kasingkasing ug hatagi akog bag-o ug masinugtanong espiritu.

Ibalik kanako ang kalipay tungod sa pagluwas mo kanako; lig-ona ako ug himoang masinugtanon kanimo.

Ayaw ako isalikway ug ayaw ipahilayo kanako ang imong espiritu santo.

Ang halad ko, O Dios, mao ang espiritu nga mapaubsanon; dili mo isalikway, O Dios, ang kasingkasing nga mapaubsanon ug mahinulsolon.

O Dios, kaluy-i intawon ako tungod sa gugma mo nga walay paglubad. Papasa ang akong mga sala tungod sa dako mong kaluoy! Hugasi ako sa tanan kong pagkadaotan, ug hinloi ako sa akong sala!

Hinloi ako pinaagi sa hisopo ug maputli ako; hugasi ako ug mahimo akong puti gayod kaayo.

Nakasala ako kanimo—kanimo lamang— ug nakabuhat ug butang nga giisip mong daotan. Busa husto ka sa imong paghukom ug pagsilot kanako; gipakita mo ang imong pagkamatarong.