Mga Salmo 18 Popüler Kutsal Kitap Ayetleri

Paylaş

Ang GINOO mao ang akong tigpanalipod. Siya ang lig-on kong kota ug manluluwas. Ang akong Dios akong kalig-on ug siya ang akong dalangpanan. Manalipod siya kanako sama sa taming, ug luwason niya ako kay siya ang akong sandiganan.

Pagkahingpit sa mga buhat sa Dios! Kasaligan gayod ang iyang mga pulong! Manalipod siya sa tanang modangop kaniya.

Nagsangpit ako sa GINOO ug giluwas niya ako gikan sa akong mga kaaway. Dalaygon ang GINOO!

Sa akong kalisdanan gisangpit ko ang GINOO; nagpakitabang ako sa akong Dios. Gikan sa iyang templo gidungog niya ako ug gipatalinghogan niya ang akong pangamuyo.

O GINOO, gihatagan mo akog kahayag, ug giwagtang mo ang kangitngit.

Siya ang Dios nga naglig-on kanako ug nagbantay sa akong paglakaw.

Buhi ang GINOO! Dalaygon ang akong tigpanalipod! Isangyaw ang pagkagamhanan sa Dios nga akong manluluwas.