Niźaśa ućhumnakki mäź mathtikiśtanpacha judiu źoñinakćhumćha, ana ni ana judiu źoñinaka ujchiś irata. Ans anaź jëkhmi ni lï patxparu qamtikiśtan źkayi quśśiś paxtaki, ans ni Jesucriśtuźkin thapa quśśiś khen paxtaćha. Xalla niźtikiśtan ućhumnakmi ni Jesucriśtuźkiś kirïtaćha, ni Yöś ućhumnak źkayi quśśiś paxaxućha, ana ni lï patxparu qamtikiśtan ans nuź thapa quśśiś khen sparakićha. Niźaśa anaź jëkhmi ni lï patxparu qamñinakaki źkayi paxta khesaćha.