EFESIOS 1 Popüler Kutsal Kitap Ayetleri

Paylaş

Niźaśa Yöśki anćhuka quś thëźinla, niźaśa nïź qhawźta jilanaka nïź taqu onźta śiśaxu, ni Yöś źkayi quśśiś jilanakźkiś thäta pataki añcha k'achha śumaćha, niźaśa nïź aśiki añcha paqhi ana źerañićha, xalla nïki ućhum Yöś kirïchi jilanakźkiś watćha. Xalla ti aśiki Yöś thëźta aśiśaqaśśa nïź thapa aśtan thëźtaćha neqhśtan Yöśki Criśtu jakatatsqatźku ni tsewkta yoqkin nïź źewqhuttan julsqatchićha, thappacha ni aśinakź juntuñ jiliri uchchićha, niźaśa thappacha źelhñi ćhhultaqinakźkiśimi niźaśa ti pachkiś khiñinakźkiśimi ni uśhka thonñiźkiśimi ni irpiś jiliri thächićha.

Yöśki ućhumnak ima ti yoqa thulźkan illśipanćha, nïź tukkiś ućhumnak źkayi quśśiś khiśxapa niźaśa ch'uwa quśśiś khexu, niźaśa Yöś Ephki Jesucriśtu ućhumnakakin kuchanśkiś quś thutśićha, ućhumnak nïź mati khisqatśxapa, Yöśki tukitanpacha nuźupanź pinsitqalćha.

Xalla ni Criśtuź kuruśhkiś tikhźtikiśtan Yöśki ućhumnaka ujkiśtan pertunchićha, niźaśa thappacha ućhumnaka ujnakkiśtan liwrïchićha

Ni Jesucriśtu Tatź Yöś Ephki añcha walix khila, niźaśa ni Criśtućha ućhumnakakiś ni tsewkta yoqa thächiki, niźaśa thappacha ni Yöś animunaka thäźkichićha.