1 PEDRO 4 Popüler Kutsal Kitap Ayetleri

Paylaş

Niźaśa thapa anćhukakiś ni oqśx źelhla, xalla ni oqśki wakchi ujnakaź pertunćha.

Niźaśa ni Yöś onanchiźkita śuma irpiñi jiliriźtaqaś waqaychakićha, niźaśa anćhukki śapamayni anćhukaź tanźtikiśtan xama ni yaqha jilanaka yanapakićha.

Niźaśa yaqhapa anćhukakiś chïźinanaki, anćhuka taquki Yöś taquźtaqaś khiśtanćha. Niźaśa tshïsuñaki Yöś qhuy mantat päćhax nïki, Yöś aśtanpanx päla. Niźaśa thapa anćhukaź pätanakaki Jesucriśtuź qharkiśtan tanźtax khila, xalla ni Jesucriśtuźkiś ni chawkh aśśiś qhana wakiśićha. Xalla nuźupanx khila.

Ans ni źoñiki Yöś kirïtikiśtan t'aqhiśićhax nïki, ana aś wakiśićha, ans Yöś thü chhichku ni źoñiki Yöśkin amtiś wakiśićha.

Thappacha ti ćhhultaqinakź źeranśki irantiźkićha. Xalla niźtikiśtan anćhukki naynayipanź khella, niźaśa thapa quśtanpanź mayiśa.

Weth q'ay jilanaka, anćhukki ni ujkiś thxotsku anaź llakiśha, xalla ni ujki tshi anawal tsukhchukaźtaqaśśa. Ans anćhukki ni llakiź thonan chipa, xalla nuź anćhukki Criśtu irataź t'aqhiśa, niźaśa ni Criśtuź chawkh aśi thonan chipśxapaki.

Niźaśa anćhukki porapatź perśun qhuykiś qhawsasa, ana jëkhźxapami chuchaśkan.

Xalla ni Yöś quśkama t'aqhiśiñinakaki, tirapan ni śumanaka päkan qamśtanćha niźaśa ninakź animu Yöś qharkiś thïśtanćha, ni Yöś ućhumnak pächiki nïśaqaśa ni źerañiki.

Xalla niźtikiśtan Criśtuki nïź perśun xañchikiś añcha t'aqhiśichićha, niźtaśaqaś anćhukmi ni irata t'aqhiśiśtanćha. Xalla ni perśun xañchikiś t'aqhiśichiki ni uj päśnakkiśtan saraqchićha, niźaśa Yöś muntakama nïź źetkiś tira qamśxapa, ans ana ni quś pektakama qamśxapa.

Niźaśa Criśtuźkiśtan anćhukki ar arakiź nïki añcha walićha, xalla ni Yöś aśśiś Espirituki amtan chikapachapanćha.