ᒉᓂᓯᐢ 28 Popüler Kutsal Kitap Ayetleri

Paylaş

ᒋᐢᐟ ᒥᓇ ᑭ ᐃᐧᒉᑎᐣ ᒥᓇ ᑭ ᑲ ᐸᐹᑲᓇᐁᐧᔨᒥᑎᐣ ᐱᑯ ᐃᑌ ᑫ ᐊᔨᑐᐦᑌᐊᐧᓀ, ᒥᓇ ᑳᐃᐧ ᑭ ᑲ ᐯᓯᑎᐣ ᐅᑕ ᐊᐢᑭᕽ; ᒋᑫᒫ ᓇᒪᐃᐧᔭ ᑭ ᑲ ᓇᑲᑎᑎᐣ ᐹᑎᒫ ᐃᔨᑯᕽ ᑭ ᐃᐦᑐᑕᒫᓂ ᐊᓂᒪ ᑳ ᑭ ᐃᐧᐦᑕᒫᑖᐣ.

ᑳ ᑎᐯᔨᐦᒋᑫᐟ ᒫᑲ ᑭ ᓂᐸᐃᐧᐤ ᐃᐢᐱᒥᕽ, ᐅᒥᓯ ᐁ ᑭ ᐃᑌᐧᐟ, ᓂᔭ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐁᑊᕒᐁᐋᒼ ᑯᑖᐃᐧ, ᒥᓇ ᐅ ᑭᓭᒪᓂᑐᒪ ᐋᐃᓴᐠ, ᐊᓂᒪ ᐊᐢᑭ ᐃᑕ ᑳ ᐱᒥᓯᓇᐣ ᑭᔭ ᑭ ᑲ ᒥᔨᑎᐣ ᒥᓇ ᑭᐟ ᐊᐋᐧᓯᒥᓴᐠ.

ᒉᑲᑊ ᒫᑲ ᑭ ᑯᐢᑯᐢᑳᐤ ᐁ ᑭ ᓂᐹᐟ ᒥᓇ ᑭ ᐃᑌᐧᐤ, ᑫᐦᒋᓈ ᑳ ᑎᐯᔨᐦᒋᑫᐟ ᐅᑕ ᐊᔮᐤ ᐁᑯᓯ ᐁᑳ ᐁ ᑭᐢᑫᔨᑕᒫᐣ.

ᒉᑲᑊ ᒫᑲ ᑭ ᑭᐦᒋᐃᑌᐧᐤ, ᐁ ᐃᑌᐧᐟ, ᑭᐢᐱᐣ ᑭᓭᒪᓂᑐ ᑫ ᐃᐧᒉᐃᐧᑫᐧ ᒥᓇ ᑫ ᑲᓇᐁᐧᔨᒥᑫᐧ ᐅᒪ ᐃᑕ ᑳ ᐃᑐᐦᑌᔮᐣ, ᒥᓇ ᑫ ᒥᔨᑫᐧ ᐸᐦᑫᐧᓯᑲᓇ ᑭᑕ ᒧᐃᐧᒪᐠ ᒥᓇ ᑭᑭᐢᑳᒋᑲᐣ ᑭᑕ ᐳᓯᐢᑲᒫᐣ. ᐁᑯᓯ ᒥᓇ ᐯᔭᐦᑕᑫᔨᒧᐃᐧᓂᕽ ᑭᑕ ᐅᑎᐦᑕᒪᐧᐠ ᓄᑖᐃᐧ ᐅ ᐋᐧᐢᑳᐃᑲᐣ, ᑳ ᑎᐯᔨᐦᒋᑫᐟ ᓂ ᑲ ᐅ ᑭᓭᒪᓂᑐᒥᐣ. ᒥᓇ ᐊᐊᐧ ᐊᓯᓂ ᑳ ᑭ ᒋᒪᔭᐠ ᑭᑕ ᑭᐢᑭᓇᐋᐧᒋᐦᒋᑲᓂᐃᐧᐟ, ᑭᓭᒪᓂᑐ ᑭᑕ ᐅ ᐋᐧᐢᑳᐦᐃᑲᓂᐤ; ᑲᐦᑭᔭᐤ ᒫᑲ ᐊᓂᒪ ᑫ ᐃᓯ ᒥᔨᔭᐣ, ᑫᐦᒋᓇ ᑭ ᑲ ᒥᔨᑎᐣ ᐯᔭᐠ ᐁ ᑭ ᒥᑖᑕᐦᑐᑖᕽ.

ᑭᐟ ᐊᐋᐧᓯᒥᓴᐠ ᒫᑲ ᑖᐱᐢᑯᐨ ᔦᑲᐤ ᑭᑕ ᐃᑌᔭᑎᐊᐧᐠ ᐊᐢᑭᕽ, ᒥᓇ ᒥᓯᐁᐧ ᑭ ᑲ ᓯᓭᐧ ᐊᔮᐣ ᓀᑳᐯᐊᓄᕽ ᒥᓇ ᐋᐧᐸᓄᑖᕽ, ᒥᓇ ᑭᐁᐧᑎᓄᕽ, ᒥᓇ ᓵᐊᐧᓄᕽ; ᑭᔭ ᒥᓇ ᑭᐟ ᐊᐋᐧᓯᒥᓴᐠ ᑭᑕ ᐅᐦᒋ ᓴᐁᐧᔨᑖᑯᓯᐊᐧᐠ ᑲᐦᑭᔭᐤ ᑳ ᑕᐦᑐᐢᑳᓀᓯᒋᐠ ᐊᐢᑭᕽ.

ᐯᐦᑎᓬ ᒫᑲ ᑭ ᐃᓯᔨᐦᑳᑕᒼ ᐁᑯᑕ, ᒫᑲ ᓬᐊᐢ ᑭ ᐃᓯᔨᐦᑳᑌᐤ ᓂᐢᑕᒼ ᐁᑯᑕ ᐁ ᐊᔮᐠ ᐅᑌᓇᐤ.