ᒉᓂᓯᐢ 22 Popüler Kutsal Kitap Ayetleri

Paylaş

ᐁᑊᕒᐁᐋᒼ ᒫᑲ ᒋᐦᐆᐊᐧ ᒑᐃᕒᐃ ᑭ ᐃᓯᔨᐦᑳᑕᒼ ᐁᑯᑕ, ᑳ ᐃᑖᐧᓂᐠ ᐱᔨᐢ ᐊᓄᐦᐨ ᑳ ᑭᓯᑳᐠ, ᐅ ᐊᐧᒋᒥᕽ ᑳ ᑎᐯᔨᐦᒋᑫᐟ ᑭᑕ ᓄᑲᐧᓂᔨᐤ.

ᑭ ᐃᑎᐠ ᒫᑲ, ᐅᑎᐣ ᐁᑲᐧ ᑭᑯᓯᐢ ᑳ ᐯᔭᑯᐟ ᑭᑯᓯᐢ ᑳ ᓵᑭᐦᐊᐟ, ᐋᐃᓴᐠ ᐅᑎ, ᐃᑐᐦᑌ ᒫᑲ ᒧᕒᐋᔭ ᐊᐢᑭᕽ, ᐁᑯᑕ ᒫᑲ ᐸᑭᑎᓈᓱ ᑭᑕ ᐃᐢᑯᑌᐃᐧ ᐸᑭᑎᓈᓱᔭᐣ ᐊᓂᑕ ᓈᐣᑕᐤ ᐊᐧᒋᕽ ᑫ ᐃᐧᐦᑕᒫᑖᐣ.

ᑭ ᐃᑎᐠ ᒫᑲ, ᐁᑳᐃᐧᔭ ᐅᑎᐦᑎᐣ ᐅᐢᑭᓂᑭᐢ ᒥᓇ ᐁᑳᐃᐧᔭ ᓈᐣᑕᐤ ᐃᐦᑐᑕᐤ, ᒋᑫᒫ ᐁᑲᐧ ᓂ ᑭᐢᑫᔨᑌᐣ ᐁ ᑯᓯᑫᐧᔨᒪᐟ ᑭᓭᒪᓂᑐ, ᐃᐧᔭ ᐁᑳ ᐁ ᒥᒋᒥᓇᐟ ᑭᑯᓯᐢ, ᑳ ᐯᔭᑯᐟ ᑭᑯᓯᐢ, ᐁᑳ ᐁ ᓵᑭᑐᐃᐧᔭᐣ.

ᐁᑊᕒᐁᐋᒼ ᒫᑲ ᑭ ᐃᑌᐧᐤ, ᓂᑯᓯ ᑭᓭᒪᓂᑐ ᑭᑕ ᐅᐦᒋᐢᑕᒫᓱ ᒫᔭᑎᐦᑯᓯᓴ ᑫ ᐃᐢᑯᑌᐃᐧ ᐸᑭᑎᓈᓱᐃᐧᔨᐟ; ᐁᑯᓯ ᑭ ᐊᑎ ᓂᓱ ᓯᐯᐧᑌᐊᐧᐠ.

ᓴᐁᐧᔨᐦᒋᑫᐃᐧᓂᕽ ᑭ ᑲ ᓴᐁᐧᔨᒥᑎᐣ, ᒥᓇ ᒥᐦᒉᑐᐃᐁᐧᐃᐧᓂᕽ ᓂ ᑲ ᒥᐦᒉᑐᐋᐊᐧᐠ ᑭᐟ ᐊᐋᐧᓯᒥᓴᐠ ᑖᐱᐢᑯᐨ ᐊᒐᐦᑯᓴᐠ ᑭᓯᑯᕽ, ᒥᓇ ᑖᐱᐢᑯᐨ ᔦᑲᐤ ᓯᓱᓀ ᑭᐦᒋᑲᒥᕽ ᑳ ᐊᔮᐠ; ᑭᐟ ᐊᐋᐧᓯᒥᓴᐠ ᒫᑲ ᑭᑕ ᑎᐯᔨᐦᑕᒪᐧᐠ ᐅᐟ ᐃᐢᑳᐧᑌᒥᔨᐤ ᐅ ᓄᑎᓈᑲᓂᐋᐧᐊᐧ. ᑭᐟ ᐊᐋᐧᓯᒥᓴᐠ ᒫᑲ ᑲᐦᑭᔭᐤ ᑳ ᑕᐦᑐᐢᑳᓀᓯᒋᐠ ᐊᔨᓯᔨᓂᐊᐧᐠ ᐊᐢᑭᕽ ᑭᑕ ᐅᐦᒋ ᓴᐁᐧᔨᑖᑯᓯᐊᐧᐠ, ᒋᑫᒫ ᑭ ᑭ ᓇᓇᐦᐃᑕᐃᐧᐣ.

ᑭ ᐊᔨᑭᐣ ᒫᑲ ᒣᐧᐢᑕᐢ ᐃᔨᑯᕽ ᐅᐦᐃ, ᑭᓭᒪᓂᑐ ᑭ ᑲᑫᐧᒋᐦᐁᐤ ᐁᑊᕒᐁᐋᒪ, ᐅᒥᓯ ᐁ ᑭ ᐃᑖᐟ, ᐁᑊᕒᐁᐊᒼ, ᐁᑯᓯ ᑭ ᐃᑌᐧᐤ, ᐅᑕ ᓂᐟ ᐊᔮᐣ.

ᐅᑭᓯᑯᒪ ᒫᑲ ᑳ ᑎᐯᔨᐦᒋᑫᐟ ᑭ ᑌᐹᐧᑎᐠ ᑭᐦᒋ ᑭᓯᑯᕽ ᐅᐦᒋ ᐅᒥᓯ ᐁ ᑭ ᐃᑎᑯᐟ, ᐁᑊᕒᐁᐋᒼ, ᐁᑊᕒᐁᐋᒼ, ᑭ ᐃᑌᐧᐤ ᒫᑲ, ᐅᑕ ᓂᐟ ᐊᔮᐣ.

ᒥᓇ ᑭᐦᑖᐧᒼ ᐅᑭᓯᑯᒪ ᑳ ᑎᐯᔨᐦᒋᑫᐟ ᑭ ᑌᐸᐧᑎᐠ ᐁᑊᕒᐁᐋᒼ ᑭᐦᒋ ᑭᓯᑯᕽ ᐅᐦᒋ, ᐅᒥᓯ ᐁ ᑭ ᐃᑎᑯᐟ, ᑫᐦᒋᐋᐧᐠ ᓂᔭ ᓂ ᑭᐦᒋᐃᑖᐧᐣ ᐃᑌᐧᐤ ᑳ ᑎᐯᔨᐦᒋᑫᐟ, ᒋᑫᒫ ᐅᒥᓯ ᐁ ᑭ ᐃᑐᑕᒪᐣ, ᒥᓇ ᐁᑳ ᐁ ᑭ ᓵᑭᑐᐃᐧᔭᐣ ᑭᑯᓯᐢ, ᐊᓇ ᑭ ᐯᔭᑯᓵᐣ

ᑭ ᑕᑯᓯᓇᐧᐠ ᒫᑲ ᐃᑕ ᑭᓭᒪᓂᑐᐊᐧ ᑳ ᑭ ᐃᐧᐦᑕᒫᑯᐟ, ᐁᑯᑕ ᒫᑲ ᐁᑊᕒᐁᐋᒼ ᑭ ᐸᑭᑎᓈᓱᐃᐧᓈᐱᐢᑯᑫᐤ, ᒥᓇ ᒥᑐᓂ ᐁ ᑭ ᐊᐧᐁᐧᔭᐢᑖᐟ ᒥᐦᑕ, ᐁᑯᓯ ᐁ ᑭ ᒪᒫᒋᑳᐧᐱᑖᐟ ᐋᐃᓴᑲ ᐅᑯᓯᓴ, ᒥᓇ ᐁ ᑭ ᑌᒋᓯᒫᐟ ᐸᑭᑎᓈᓱᐃᐧᓈᐱᐢᑯᕽ ᑕᐦᑯᐨ ᒥᐦᑎᕽ.