ᐁᐠᓴᑕᐢ 34 Popüler Kutsal Kitap Ayetleri

Paylaş

ᑳ ᑎᐯᔨᐦᒋᑫᔨᐟ ᒫᑲ ᑭ ᐱᒫᐸᒣᐤ, ᐁᑯᓯ ᑭ ᐃᐧᐦᑕᒼ, ᑳ ᑎᐯᔨᐦᒋᑫᐟ, ᑳ ᑎᐯᔨᐦᒋᑫᐟ, ᑭᓭᒪᓂᑐ ᑳ ᒧᐢᑭᓀᐟ ᑭᑎᒫᑭᓈᑫᐃᐧᐣ ᒥᓇ ᓴᐁᐧᔨᐦᒋᑫᐃᐧᐣ, ᑳ ᐹᐧᐢᑕᐃᐧᐟ, ᑭᑕ ᑭᓯᐋᐧᓯᐟ, ᒥᓇ ᑳ ᐁᐧᔪᑎᓯᐟ ᑭᓭᐋᐧᑎᓯᐃᐧᐣ ᒥᓇ ᑖᐯᐧᐃᐧᐣ. ᐁ ᑲᓇᐁᐧᔨᑕᒪᐊᐧᐠ ᑭᓭᐋᐧᑎᓯᐃᐧᐣ ᑭᐦᒋᒥᑖᐦᑐᒥᑕᓇᐤ, ᐁ ᐳᓂᔨᑕᒫᑫᐟ ᒪᒋᐃᑌᐃᐧᐣ ᒥᓇ ᐊᐧᓂᑐᑕᒧᐃᐧᐣ ᒥᓇ ᒪᒑᔨᐃᐧᐣ; ᒫᑲ ᐁᑳ ᓈᐣᑕᐤ ᐃᓯ ᑫ ᐁᐧᐯᔨᑕᒪᐋᐧᐟ ᑳ ᒪᒋᑐᑕᒥᔨᐟ; ᐁ ᐅᑎᐦᑎᑯᔨᐟ ᐊᐋᐧᓯᓴ ᐅᑖᐃᐧᐋᐧᐊᐧ ᐅ ᒪᒋᑐᑕᒧᐃᐧᓂᔨᐊᐧ, ᒥᓇ ᐊᐋᐧᓯᓴ ᐅᐟ ᐊᐋᐧᓯᒥᓯᔨᐊᐧ, ᐱᔨᐢ ᓂᐢᑐ ᒥᓇ ᐱᔨᐢ ᓀᐤ ᐁ ᐊᔮᓂᐢᑫ ᐱᒫᑎᓯᒋᐠ.

ᒋᑫᒫ ᓇᒪᐃᐧᔭ ᑭ ᑲ ᐊᔭᒥᐦᐋᐃᐧ ᐊᑐᐢᑲᐋᐧᐤ ᑯᑕᐠ ᒪᓂᑐ; ᒋᑫᒫ ᑳ ᑎᐯᔨᐦᒋᑫᐟ ᐅᐦᑌᔨᑕᒼ ᑳ ᐃᓯᔨᐦᑳᓱᐟ ᐅᐦᑌᔨᑕᒧᐃᐧ ᑭᓭᒪᓂᑐᐃᐧᐤ.

ᑭ ᐃᑌᐧᐤ ᒫᑲ, ᒫᑎᑲ, ᓄᓯᑖᐣ ᐊᓱᑕᒫᑫᐃᐧᐣ ᐁ ᐋᐧᐸᐦᑕᐦᑭᐠ ᑲᐦᑭᔭᐤ ᑭᐟ ᐊᔨᓯᔨᓂᒪᐠ ᑭᑕ ᐃᑐᑕᒫᐣ ᐁ ᒫᒪᐢᑳᑌᔨᑖᑲᐧᐦᑭ, ᑐᐊᐧ ᐁᑳ ᐃᐧᑳᐨ ᑳ ᑭ ᐃᑐᒋᑳᑌᑭ ᒥᓯᐁᐧᐢᑲᒥᐠ, ᒥᓇ ᓈᐣᑕᐤ ᐃᑕ ᐁ ᐃᑕᐦᑐᐢᑳᓀᓯᒋᐠ ᐊᔨᓯᔨᓂᐊᐧᐠ; ᐁᑯᓯ ᑲᐦᑭᔭᐤ ᐊᔨᓯᔨᓂᐊᐧᐠ ᒣᑳᐧᐨ ᐃᑕ ᑳ ᐊᔮᔭᐣ ᑭᑕ ᐋᐧᐸᐦᑕᒪᐧᐠ ᐅᐟ ᐃᓯᐦᒋᑫᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᒋᑫᒫ ᑭᑕ ᑯᐢᑖᑌᔨᑖᑲᐧᐣ ᐊᓂᒪ ᑫ ᐃᑐᑕᒫᐣ ᑭᔭ ᐅᐦᒋ.