ᐁᐠᓴᑕᐢ 31 Popüler Kutsal Kitap Ayetleri

Paylaş

ᒫᑎᑳ, ᐯᓴᓬᐃᓬ ᓂ ᑭ ᓇᑐᒫᐤ ᐁ ᐃᐧᔭᐠ, ᐅᑯᓯᓴ ᔪᕒᐊᐩ ᐅᑯᓯᓴ ᐦᐊᕒ, ᒍᑕ ᐅ ᐱᐢᑭᑐᑌᐃᐧᓯᐃᐧᓂᕽ ᐅᐦᒋ. ᓂ ᑭ ᓵᑲᐢᑭᓇᐋᐤ ᒫᑲ ᑭᓭᒪᓂᑐᐊᐧ ᐅᐟ ᐊᐦᒑᐦᑲᐧ ᐅᐦᒋ, ᐃᔨᓂᓯᐃᐧᐣ, ᓂᓯᑐᐦᑕᒧᐃᐧᐣ, ᑭᐢᑫᔨᑕᒧᐃᐧᐣ ᒥᓇ ᓇᓈᑐᕽ ᐊᑐᐢᑫᐃᐧᓇ. ᑭᑕ ᒥᐢᑲᐋᐧᑖᐟ ᑲᑫᑖᐃᐧ ᐅᓯᐦᒋᑫᐃᐧᓇ ᐁ ᐅᓯᐦᒋᑳᑫᐟ ᐅᓵᐃᐧ ᓱᓂᔮᐊᐧ, ᒥᓇ ᐋᐧᐱᐢᑭ ᓱᓂᔮᐊᐧ, ᒥᓇ ᐅᓵᐋᐧᐱᐢᐠ. ᒥᓇ ᐁ ᓇᐃᑲᐋᐧᐠ ᐊᓯᓂᔭ, ᑭᑕ ᐅᔭᔮᐟ ᒥᓇ ᑭᑕ ᓂᑖᐃᐧᑯᑕᕽ ᒥᐢᑎᑲᐧ, ᒥᓇ ᑭᑕ ᐊᑐᐢᑳᑕᕽ ᓇᓈᑐᕽ ᑐᐃᐧ ᐊᑐᐢᑫᐃᐧᓇ.

ᐊᔭᒥᐃᐠ ᑭᐢᑕ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐅᒥᓯ ᑭᑕ ᐃᑕᒋᐠ, ᑖᐯᐧ ᓂᐟ ᐊᔭᒥᐦᐁᑭᓯᑳᒼ ᑭ ᑲ ᓈᑲᑕᐁᐧᔨᑌᓈᐋᐧᐤ; ᒋᑫᒫ ᐁᐊᐧᑯ ᐁ ᑭᐢᑭᓇᐋᐧᒋᑌᐠ ᐁ ᐃᑕᐱᐢᑖᑐᔭᕽ ᓂᔭ ᒥᓇ ᑭᔭᐋᐤ, ᐃᔨᑯᕽ ᑫ ᐊᑎ ᐋᔭᓂᐢᑫ ᐱᒫᑎᓯᔦᐠ; ᑭᑕ ᑭᐢᑫᔨᑕᒣᐠ ᓂᔭ ᐁ ᑎᐯᔨᐦᒋᑫᔮᐣ ᑳ ᑲᓈᒋᐃᑕᑯᐠ.

ᐁᐊᐧᑯ ᐁ ᑭᐢᑭᓇᐋᐧᒋᑌᐠ ᐁ ᐃᑕᐱᐢᑖᑐᔭᕽ ᓂᔭ ᒥᓇ ᑭᔭᐋᐧᐤ, ᒥᓇ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳᑭᑫ; ᒋᑫᒫ ᓂᑯᑖᐧᓱᑭᓯᑳᐤ ᑳ ᑎᐯᔨᐦᒋᑫᐟ ᑭ ᐅᓯᐦᑖᐤ ᑭᓯᐠ ᒥᓇ ᐊᐢᑭ, ᑌᐸᑯᑊ ᒫᑲ ᐁ ᑕᐦᑐ ᑭᓯᑳᔨᐠ ᑭ ᐊᔦᐧᐱᐤ ᐁᑯᓯ ᐁ ᑭ ᐋᐢᑌᓯᕽ.