ᐁᐠᓴᑕᐢ 2 Popüler Kutsal Kitap Ayetleri

Paylaş

ᐁᑯᓯ ᑭᓭᒪᓂᑐ ᑭ ᐯᐦᑕᒣᐧᐤ ᐅ ᑯᑕᑲᑌᐧᒧᐃᐧᓂᔨᐤ, ᑭᓭᒪᓂᑐ ᒫᑲ ᑭ ᑭᐢᑭᓯᑐᑕᒼ ᑳ ᑭ ᐃᓯ ᐊᓱᑕᒪᐋᐧᐟ ᐁᑊᕒᐁᐋᒼ, ᐋᐃᓴᐠ, ᒥᓇ ᒉᑲᑊ. ᑭᓭᒪᓂᑐ ᒫᑲ ᑭ ᑲᓇᐋᐧᐸᒣᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒥᓇ ᑭᓭᒪᓂᑐ ᑭ ᑭᑎᒫᑭᓇᐁᐧᐤ.

ᑭ ᐃᐦᑭᐣ ᒫᑲ ᒥᐦᒉᑐ ᑭᓯᑳᐊᐧ ᐃᔨᑯᕽ, ᐃᒋᑊᐟ ᑭᐦᒋ ᐅᑭᒫᐤ ᑭ ᓂᐱᐤ, ᐊᓂᑭ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᒧᐢᑫᐧᔨᑖᒪᐧᐠ ᐁ ᐃᐢᐱᐦᒋ ᑯᑕᑭᐦᐃᐦᒋᐠ, ᑭ ᒫᑐᐊᐧᐠ ᒫᑲ, ᐊᓂᒪ ᒫᑲ ᐅᒫᑐᐃᐧᓂᐋᐧᐤ ᑭ ᐅᑎᐦᑎᑯᔨᐊᐧ ᑭᓭᒪᓂᑐᐊᐧ ᐁ ᐃᐢᐱᐦᒋ ᑯᑕᑭᐦᐃᐦᒋᐠ.

ᐊᓇ ᐊᐊᐧᓯᐢ ᒫᑲ ᑭ ᐊᑎ ᐅᐦᐱᑭᐤ, ᑭ ᐯᑕᒪᐁᐧᐤ ᒫᑲ ᐯᕒᐅᐊᐧ ᐅᑖᓂᓯᔨᐊᐧ ᐁᑯᓯ ᐁ ᑭ ᐅᑯᓯᓵᑯᒫᐟ, ᒧᓯᐢ ᒫᑲ ᑭ ᐃᓯᔨᐦᑳᑌᐤ; ᒥᓇ ᑭ ᐃᑌᐧᐤ, ᒋᑫᒫ ᓂᐱᕽ ᓂ ᑭ ᐅᐦᒋ ᑲᐸᑌᓯᐱᑖᐤ.

ᐯᕒᐅ ᐅᑖᓂᓴ ᒫᑲ ᐅᒥᓯ ᑭ ᐃᑌᐤ, ᐅᑎᐣ ᐊᐊᐧ ᐊᐋᐧᓯᐢ ᐁᑯᓯ ᑲᓇᐁᐧᔨᑕᒪᐃᐧᐣ, ᑭ ᑲ ᑎᐸᐦᐊᒫᑎᐣ ᒫᑲ. ᐊᓇ ᐃᐢᑫᐧᐤ ᒫᑲ ᑭ ᐅᑎᓀᐤ ᐊᓂᐦᐃ ᐊᐋᐧᓯᓴ, ᒥᓇ ᐁ ᑭ ᑲᓇᐁᐧᔨᒫᐟ.

ᐯᕒᐅ ᒫᑲ ᐅᑖᓂᓴ ᑭ ᐯ ᓈᓯᐯᐤ ᑭᑕ ᐸᑳᓯᒧᐟ ᓯᐱᕽ; ᐊᓂᐦᐃ ᒫᑲ ᐅᐟ ᐊᑐᐢᑫᔮᑲᓂᐢᑫᐧᒪ ᑭ ᐸᐹᒧᑌᔨᐊᐧ ᒋᑭ ᓯᐱᕽ; ᑭ ᐋᐧᐸᐦᑕᒼ ᒫᑲ ᐊᓂᒪ ᐊᔭᑲᐢᑲᐢᑯᓯᐃᐧᐊᐧᐟ ᒣᑳᐧ ᑎᒪᐢᑳᕽ, ᐁᑯᓯ ᑭ ᐃᓯᑎᓴᐁᐧᐤ ᐅᐟ ᐊᑐᐢᑫᔮᑲᓂᐢᑫᐧᒪ ᑭᑕ ᓈᑕᒥᔨᐟ.

ᑭ ᐊᔨᑭᐣ ᒫᑲ ᐁᑯᐢᐱ ᐁ ᐊᑎ ᑲᑭᓯᑳᐠ, ᐃᐢᐱ ᒧᓯᐢ ᐁ ᑭᓯ ᐅᐦᐱᑭᐟ, ᑭ ᓇᑕᐃᐧ ᐋᐧᐸᒣᐤ ᐅᒋᐋᐧᒪ, ᐁᑯᓯ ᐁ ᑭ ᑲᓇᐋᐧᐸᐦᑕᒫᐧᐟ ᐅ ᓇᔭᒋᑲᓂᔨᐊᐧ; ᑭ ᐋᐧᐸᒣᐤ ᒫᑲ ᐯᔭᐠ ᐁᒋᑊᓯᐊᓇ ᐁ ᐸᑲᒪᐋᐧᔨᐟ ᐦᐃᐸᕒᐅᐊᐧ ᐯᔭᐠ ᐅᒋᐋᐧᒪ. ᑭ ᐃᑖᐱᐤ ᒫᑲ ᐅᑌ ᐃᑎᑫ ᒥᓇ ᓀᑌ, ᐃᐢᐱ ᒫᑲ ᐃᐧᔮᐸᐦᑕᕽ ᐁᑳ ᐊᐃᐧᔭ ᐊᔨᓯᔨᓂᐊᐧ ᐁᑯᑕ ᐁ ᐊᔮᔨᐟ, ᑭ ᓂᐸᐁᐤ ᐊᓂᐦᐃ ᐃᒋᑊᓯᐊᓇ ᐁᑯᓯ ᔦᑳᕽ ᐁ ᑭ ᑳᑖᐟ.