A̱romawa 2 Popüler Kutsal Kitap Ayetleri

Nwan a̱tyubishyi! Mat nang a mbat á̱ghyang á̱niet a̱bun tazwa a̱ka̱tuk nyia̱ nang a mun nyia̱ a̱ni, a̱nia wa nang a nfa a na nshot shi̱ri̱ya A̱gwaza ji a? Ke a jhyuai si̱sak nang A̱gwaza nfa̱k a̱gba̱ndang shok, a̱ si̱ nyap fwuo, a̱ si̱ nwai vwuot lyen hu da̱ nwan a̱ni a? Si̱ huni yet a̱buk kyang wa da̱ a̱vwuo ang a? Ka̱ doot a li nang A̱gwaza, mat shok nggu ji, a̱ nwuat ang a̱wat a ghwon a̱ka̱tuk nyia̱ ang wu, a shyak a̱chyet kya baa?

Ma a̱nia wa, nwan a̱tyu a dam a na bat á̱ghyang á̱niet a̱bun a̱ni, a mun nyia̱ a̱ka̱tuk nyia̱ wu nang ba̱ nyia̱ a̱ni. Mat a̱nia, a byia̱ ta̱fwat bah! A̱wot jen nang a mbat ntangka̱i á̱niet a̱nia a̱bun, nyia̱ ku myim á̱ nyiak mba a̱ni, a nyia̱ a̱pyia̱ ang kya shi̱ri̱ya ji. Mat nwan a̱tyu a bat á̱ghyang ang a̱bun a̱ni, nwan meang, a mun nyia̱ a̱ka̱tuk nyia̱ a̱wa.

Mat A̱gwaza khai á̱niet da̱ á̱ghyi bah.

Mat fwuong doka ma̱ng a̱fufwuo bya ma̱nyin hu, na tyia̱ nzi̱t zi̱ ngyet á̱tsotswat á̱niet sang a̱bun a̱zaghyi A̱gwaza bah. A̱wot khwi a̱mgba̱m doka huhwa na tyia̱ zi̱ ngyet á̱tsotswat a̱zaghyi A̱gwaza.

A̱gwaza na nyia̱ konyan shi̱ri̱ya ma̱ cha̱chaat ma̱ng kyang hu nang gu nyia̱ a̱ni.

Ma a̱nia wa, á̱niet chat á̱pyia̱, á̱niet lak khwi a̱tsak a̱lyiat, ma̱ng á̱niet ba̱ swan swat a̱ka̱tuk nyia̱ a̱ni; A̱gwaza na fa̱k a̱lyia̱ ya ma̱ng a̱mba ba̱t. A̱wot a̱ tak ba mwai lyen nggu hu kpa̱sai.

A̱wot mat gba̱p a̱pyia̱ ang hu, ma̱ng fufwuo nchet ang hu, a si̱ lak ghwon a̱ka̱tuk nyia̱ ang wu. A̱nia wa a mban a̱pyia̱ ang kya si̱sak nang A̱gwaza na nnyia̱ ang shi̱ri̱ya ji byia̱ chet a̱ni. Mat a̱tuk mwai lyen A̱gwaza ka chobai, nang gu na nnyia̱ a̱tsotswat shi̱ri̱ya tazwa á̱niet ka kpa̱sai a̱ni.