Exodus 23 Popüler Kutsal Kitap Ayetleri

Paylaş

Fa’an gimed ra pigpig ngog, i Gag SOMOL ni Got romed, mu gu ra fal’eg wa’athmed ko ggan nge ran, mu gu chuweg urngin mit e m’ar romed. Dariy be’ ni bpin u lan e nam romed nra maraggil ara par ndabiyag ni nge fakay e bitir. Bay gu n’uwnag nap’an e yafos romed.

“Bay gu l’oeg ba engel nge m’on romed ni ngi i yororiymed nnap’an ni gimed be milekag ma nge fekmed i yan ko fa gin kug fal’eg rogon.

Machane fa’an gimed ra fal’eg e motoyil ngak mi gimed rin’ urngin ban’en ni kugog ni ngan rin’, ma aram e gu ra cham ngak urngin e to’ogor romed.

Dab mu uned ko kireb ni bochan e aram rogon nima rin’ e tin yo’or e girdi’, ara mu’uned ngorad ngan micheg ban’en nde riyul’ nge dabi gagyel e tin nib mat’aw. Dab mu laniyan’ ngak be’ nib gafgow u nap’an ni yibe pithig e oloboch rok.

“Dab mu weliyed i yan murung’agen ban’en nde riyul’, ma dab mu folgad ngak be’ nib kireb e rok ngam micheged ban’en nde riyul.