GENESI 25 Popüler Kutsal Kitap Ayetleri

Paylaş

MORENA a mo araba a re: “Ditšhaba tse pedi di mo teng ga gago; merafe e mebedi e tla kgaogana, e tswa mo mpeng ya gago. Morafe mongwe o tla feta o mongwe ka thata. Yo mogolo o tla direla yo mmotlana.”

Ke fa Esau a raya Jakobe a re: “A ko o mphe, ke je bohibidu jo, gonne ke lapile thata.” Ke ka moo ba mo teileng leina la Etomo.

Isaka o ne a rapela MORENA ka ntlha ya mosadi wa gagwe, gonne o ne a le moopa. MORENA a mo utlwa; mme Rebeka, mosadi wa gagwe, a ithwala.

Esau a re: “Bona, ke gaufi le go swa; go tsalwa pele go tla nthusa eng?” Jakobe a re: “Inkanele pele!” A mo ikanela, a rekisa botsalwapele jwa gagwe mo go Jakobe.

Morago ga moo ga tla monnawe, seatla sa gagwe se tshwere serethe sa ga Esau; ene ba mo taya leina la Jakobe. E rile fa ba tsalwa, Isaka a bo a na le dinyaga di le 60.

Isaka o ne a rata Esau, ka a ne a natefelwa ke nama ya phologolo, mme Rebeka ene a rata Jakobe.