EKESODU 20 Popüler Kutsal Kitap Ayetleri

Paylaş

“Ke nna MORENA Modimo wa gago yo ke go ntshitseng mo lefatsheng la Egepeto mo ntlong ya botlhanka. “O se nne le medimo epe e sele kwa ntle ga me.

“O se ka wa itirela modimo wa seseto, le fa e le setshwantsho sepe sa tse di kwa godimo mo legodimong, le fa e le sa tse di mo lefatsheng, gongwe sa tse di mo metsing a a kwa tlase ga lefatshe. O se ka wa e obamela le e seng go e direla. Gonne nna MORENA, Modimo wa gago, ke Modimo o o lefufa, o ke beletsang bana tshiamololo ya borraabo go ya losikeng lwa boraro le lwa bone lwa bona ba ba ntlhoang.

“Tlotla rraago le mmaago gore malatsi a gago a nne mantsi mo lefatsheng le MORENA, Modimo wa gago, o tla le go nayang.

“Gakologelwa letsatsi la Sabata, o le itshepise.

“O se ka wa bolela leina la MORENA, Modimo wa gago, mo go sa tshwanelang; gonne yo o bolelang leina la gagwe mo go sa tshwanelang, MORENA ga a kitla a mo lesa a sa mo otle.

Dira ka malatsi a marataro, o fetse tiro yotlhe ya gago; mme letsatsi la bosupa ke Sabata wa MORENA, Modimo wa gago. Se dire tiro epe ka lone, wena le morwao le morwadio le motlhanka wa gago le lelata la gago le seruiwa sa gago le moeng wa gago yo o mo dikgorong tsa gago.

“O se ka wa eletsa ntlo ya mongwe-ka-wena. O se ka wa eletsa mosadi wa mongwe-ka-wena, le e seng motlhanka wa gagwe, le e seng lelata la gagwe, le e seng kgomo ya gagwe, le e seng esele ya gagwe, le e seng sepe se e leng sa mongwe-ka-wena.”

“O se ka wa bua maaka ka ga mongwe-ka-wena.

“O se ka wa akafala.

“O se ka wa bolaya.

“O se ka wa utswa.