Aba Loma 8 Popüler Kutsal Kitap Ayetleri

Paylaş

Tuzimenye ukuti ivintu vyosi vikubendela akiza abantu babo bamughanite u Chala, babo bitiziwa ukuyana nu bwighane bwache.

Pakuti naloli inzimenye ukuti nachimochimo chicho chingatusabulannya aswe nu lughano lwache. Napapo ubufwe pamo ubumi, napapo abantumi aba kumwanya pamo abalaghili aba kumwanya pamo abamaka, napapo ivintu vivyo vilipo ilelo pamo vivyo vikwiza muntazi, napapo ichisu icha kumwanya pamo ichisu ichapasi—chitalipo nachimochimo muvipeliwa vyosi chicho chingatusabulannya aswe nu lughano ulwa Chala, lulo lwitu ukwendela mwa Kilisitu u Yesu u Mwene witu.

Umwakuyana bulo, wepe u Muzimu Umuzelu akutwavwa aswe twe bantu abadedebazu. Pakuti tutamenye namumo tubaghiye pakwiputila, umwenecho u Muzimu Umuzelu akutwiputila kwa Chala nukukoloma, kuko kutanganeniwa na mazyu.

Muvyosi vinivi, po nkimba tungati choni? Nanti u Chala ali kulubazu lwitu, wewenu angatususya?

Polelo abantu babo bakumamatilana poka nu Kilisitu u Yesu, ilelo yitalipo nayimoyimo inongwa iyakubasusya nayo.

Nanti umuntu akubika inyinong'ono zyache pabuntu ubwa mbibi, ubumalilo bwache, bo bufwe bwene. Loli nanti umuntu akubika inyinong'ono zyache pavintu vivyo u Muzimu Umuzelu akuvilonda, ubumalilo bwache, bo bumi nu mutende.

Awe, loli muvintu vyosi vinivi twe bapoti ukwendela mu yuyo akatughana aswe.

Nkupima ukuti intamyo zizyo tuli nazyo losi ulu zitangafwanikiziwa napo panandi nu buchindamu bubo bukwiza pakuvumbuliwa kukwitu.

Nkimba wewenu angatusabulannya nu lughano ulwa Kilisitu? Fwandi intamyo pamo amayimba, pamo ukuvwimiwa, pamo izala, pamo ubupina, pamo ivyakoghofya, pamo ubufwe?

Sona u Chala yuyo akwenelezya mukasi mumoyo ghitu, azimenye mumo zibeleye inyinong'ono izya Muzimu Umuzelu pakuti u Muzimu Umuzelu akubiputila abantu bache abazelu ukuyana nu bwighane bwache.

Pakuti abantu babo bakulongoziwa nu Muzimu uwa Chala, bo bana aba Chala.

Abantu babo bakukonka ubuntu bwabo ubwa mbibi, bakubika inyinong'ono zyabo pa vinyonywa ivya mubili. Loli abantu babo bakumwivwila u Muzimu Umuzelu, bakubika inyinong'ono zyabo pavintu vivyo u Muzimu Umuzelu akuvilonda.

Ate we Chala, awe, yuyo atakatwima u Mwana wache, loli akamubika ukuti chibanje chakwiyipa pachifukwa icha twebosi! Akatupa u Mwana wache, nkimba atangatupa sona pabulo ivintu vyosi?

Umwenecho u Muzimu Umuzelu akusimikila poka nu muzimu witu ukuti aswe twe bana aba Chala. Po nanti aswe twe bana aba Chala, tukwiza pakupokela nabo ulusayo lulo abasungiye abantu bache. Sona tukwiza pakupokela poka nu Kilisitu ulusayo lulo u Chala amusungiye. Pakuti nanti tukugabana intamyo nu Kilisitu, tukwiza pakugabana poka nawe ubuchindamu bwache.

Nanti umuntu akubika inyinong'ono zyache pabuntu ubwa mbibi, we mulwani uwa Chala pakuti atakukonka Indaghilo izya Chala, naloliloli atangavwilapo nalumo.

Ivipeliwa vyosi amaso ghabo ghali kuzila pakulindilila ukuti u Chala abavumbule abana bache.

Pakuti tuzimenye ukuti mupaka pakabalilo aka ivipeliwa vyosi vikukoloma nu bubavu ngati mukolo pakabalilo akakusayiwa.