Fingec fingec 1 Popüler Kutsal Kitap Ayetleri

Paylaş

Anu Anutungo yofi deec, “Nerang siric isocngoc ngicngac mede nerang siric isoc ambisia. Amma yeneng kondunggac yang nga sawaac neng amma bangectoa bangecfu amaac yang nga bangecfu kateyang sasawa amma wiac sasawa kekecnginagoc bangecgoc wegenac kengha amma kecandae yeneac garengngina amma kecbisia.” Ifi dema ye ngicngac yengena siric isoc meficyuruec. Ye ngic nga ngac meficyuruu yengena siric anoc.

Meficyuruma kenecyuruma yofi dema edeyuruec, “Ngeri fingecsahe amma seregurutoa amma kemma bangec sokoma kecma bangec mema henggareng amma kecbisia amma kondunggac yang nga sawaac neng amma yang amma wiac sasawa kekecnginagoc bangecfu kengha amma kecandae yeni garengyunubisia.”

Hanac hanaheaungoc Anutungo bangec nga kurumenga kurumenga meficyunuec.

Anu bangec kisic anu wiac mong imohai mi feec. Nga kundungngo doku keme kemea hedzickema feec. Anu Anutuac Asungo doku witiau sawau yerecgema nangkefec.

Anu Anutungo yofi deec, “Kperagi fingeru.” Ifi deu kperagi fingerec.

Fingecdaru ye wiac sasawa meficgeec imoc henu gombunga yombong andarec. Anu ama monggoc toforema wereckenu uameme siks anec.

Fingeru kperagi henu ngereu kperagi nga kundung mendzicyuruec.

Ifi dema torokpema yofi edeyuruec, “Ni bangecfu ic nga kpindzing hania hania sasawa forakomohanginagoc faingemmeduae imocngo yakangina ambeso.

Mendzicyuruma kperagiac kpara hadzing kparec nga kundunggac kpara tofocnac kparec. Anu ama toforema wereckenu uameme mocgu anec.

Anu Anutungo yofi deec, “Doku botuhau oda mong fingeru imocngo doku hendzicyuruu tembuc tembuc febesera.”

Anu bangecfu yang sasawa kecdacdae nga sawaac neng sasawa amma yang nga wiac sasawa kekecnginagoc bangecgoc wegenac kengha amma kecdae yeneac yaka imoc dzaring nga kpindzing sasawa faiduae.” Anu ye deec, ifi isoc fingecdarec.

Anu Anutungo yofi deec, “Sawau kperagi fingeru. Fingecma yeneng hadzing toforec mendzicyuruma kpete yabung nga uameme amma kifanaso deficgema febisia.

Anu yofi deec, “Bangecfunac wiac kekehagoc hania hania erebeso. Bangecfu dzaring nga kpindzing komohanginagoc siricngina arenga arenga fingecdacbeso nga ic forakomohanginagoc siricngina arenga arenga, ifi fingeru.” Ifi deu wiac imoc fingecdarec.

Ye ifi dema odatoa mong meu imocngo doku hendzicyuruu oda bageau yengena feec nga oda witiau yengena feec. Ye deu ifi fingerec.

Bangecfunac wiac kekehagoc hania hania ereec. Dzaring nga kpidzing siricngina arenga arenga komohanginagoc fingecgec nga ic siricngina arenga arenga forakomohanginagoc fingecgec. Ifi fingecdaru henu ngereec.

Ifi negemma kperagitoa yohockang meficyuruec, kperagi kuneng imoc hadzing garenggeudeac faiec nga kapia imoc tofocnac garenggeudeac faiec. Amma asomeng momoc meficyunuec.

Anu Anutungo yofi deec, “Sawa bageau doku mocgungoc kpedzucnebisia anu bangec gbanggebeso.” Deu ifi fingerec. Ifi fingeru ye gbangge gbanggea imocac kpara bangec kparec anu doku kpedzucnegec tembuha feu kpara kondung kparec. Ifi meficgema henu naric anec.

Henu ngereu yofi dema kenecyunuec, “Ngeni fingecsahe amma seregurutoa amma doku nga kondung wakedacbisia amma neng yeni bangec witiau seregurutoa ambisia.”

Imocac ngadeau Anutungo yofi deec, “Bangecfunac wiac kekehagoc hania hania siricngina arenga arenga fingeru, imoc amaac yang nga bangecac kateyang amma wiac kekecnginagoc bangecgoc wegenac kengha amma kecgecde hania hania sasawa siricngina arenga arenga fingeru.” Ye deu ifi fingecdacgec.

Imocac ngadeau Anutungo yofi deec, “Wiac kekehagoc hania hania yeni kondunnu fingecma gurugoctoa kengha ambisia. Anu neng yeni fingecma sawau kpututuckema kengha ambisia.”

Ye bangecac kateyang hania hania siricngina arenga arenga amma ramaburumaka siricngina arenga arenga amma wiac sasawa kekecnginagoc bangecgoc wegenac kengha amma kecandae imoc ifingoc siricngina arenga arenga meficyunudacma henu ngereedarec.