METHU 5 Popüler Kutsal Kitap Ayetleri

Paylaş

Malo miyuatañ muru tige lala yagii ura ho atii ma, hojalo ahii kosu ahii siidunii, ho hiikahii hikha ude mi hutoh byohudu. Si chulipa niika hutoh mitrḛ miyu atañka hataho byohu kiineto, niimpalukoda niika aya miigo miiniiñmi mohlumi kala lala ho niika Aba dariiganda hoka duniimi assañ kiine dupa.

Nunu supuñ ka hutoh ke. Putoo ayoh hoka citi donii hiitḛr achu giila kemma.

Lyanko kendo ahha darii atañ, niimpalukoda mohlu Pinii mi kappa kendo.

Lyanko kendo hiika atañ huna denki drihpa haya la hangḛr nyadonii, niimpalukoda mohlumi pote dopa bikiñdo.

Hojalo Ngo nunumi ludu, Nunuka ahha banii atañmi hento ho kubitolya nunumika miihimiire miinii atañpa

Lyanko kendo Yajiyallo arro atañ, niimpalukoda dariiganda ka raddeganda hii mohlukii.

Lyanko kendo chimie dopa lulyañ nii atañ, niimpalukoda mohlumi Pinii ka oho hiila lukiñ do.

Lyanko kendo haru hennii atañ, niimpalukoda mohlumi aroh-aya robyuñ kendo.

Lyanko kendo hiika atañ humina miihimiire biidonii Pinii henko dadula hiila, niimpalukoda mohluko dariiganda ka raddeganda hii do.

Lyanko kendo aroh-aya nii atañ, niimpalukoda mohlu aroh-aya mi pakiñ do.

Lyanko kendo nunu niida miyu atañlo ahiare ho miihimiire ho kapane ayamanii ngiika piigopa khiilii kochi. Soto ho hempyo to, niimpalukoda niika ahmiñayiñ hii kayeke dariiganda ho, niimpalukoda si chulipa miyuatañ nunumika kapyo yapaka nyibuhenii atañ mitrḛ miihimiiretii.

Lyanko kendo yanu atañ, niimpalukoda mohlu kiiddiapiñ mi penko kendo.

Nunu kiiddi ka alho ke; hojalopa alho matiirḛ tihi mi alyu siido koda, niihtañpa hiimi hiira alho tihi dopa miichi? Hiika hii hang piigo ahkiñ kuma agoho ripa lala ho miyu lo alih nyota nanii pasu lyikiñ siidonii.

Nunu, hopa, digoabiayato, niihtañpa niika dariiganda daka Aba tiirḛ digoabiaya ke.

Nunuka luliñnii ḛh milo ḛh malo ma milo ma; siika siimi uro yapa luliñ dokoda hii diimmah kokii ke.

Nunu tapa tiido hiila lutola do, Amee koda amee ho aih koda aih. Hojalopa Ngo nunumi ludu, iche hetrḛ miitḛr siilyayo huna miichi miiho donii. Hojalo nunumi matiirḛ lahbi dalyi moru ho mi pita lyimilo, mohmi pache dalyi miilañmi mohii bitolya

Nunuka mihbi amee matiirḛ ingyamiigya giido milo, hiimi harpa lila la ho ripato; hiika hii amee puhe giima niiya aya yadoke hikha apo mi yamuganda hoka togii saniiñmi hentola. Ho nunuka lahbi alah matiirḛ nunumi ingyamiigya giido milo, hiimi papa lala ho ripato; hiika hii alah buhe giima niiya aya yadoke hikha apo mi yamuganda hoka togii saniiñmi hentola.