Klei Mphŭn Dơ̆ng 28 Popüler Kutsal Kitap Ayetleri

Paylaş

Nĕ anei, Kâo dôk mbĭt hŏng ih, leh anăn Kâo srăng kiă kriê ih hlăm djăp anôk ih srăng nao, leh anăn srăng lŏ atăt ih wĭt kơ čar anei; kyuadah Kâo amâo srăng lui ih ôh tơl Kâo ngă leh klei Kâo blŭ kơ ih.”

Nĕ anei, Yêhôwa dôk dơ̆ng ti dlông êñan leh anăn lač, “Kâo jing Yêhôwa, Aê Diê Y-Abraham aê ih leh anăn Aê Diê Y-Isăk. Lăn ih dôk đih Kâo srăng brei kơ ih leh anăn kơ phung anak čô ih.

Y-Yakôp mdih pĭt leh anăn lač, “Sĭt nik, Yêhôwa dôk hlăm anôk anei, leh anăn kâo amâo yŏng thâo klei anăn ôh.”

Y-Yakôp ngă klei ƀuăn leh anăn lač, “Tơdah Aê Diê srăng dôk mbĭt hŏng kâo, tơdah Ñu srăng kiă kriê kâo hlăm êlan kâo hiu, tơdah Ñu sơrăng brei kpŭng kơ kâo ƀơ̆ng leh anăn čhum ao kơ kâo čŭt hơô, čiăng kơ kâo lŏ wĭt hŏng klei êđăp ênang kơ sang ama kâo, snăn Yêhôwa srăng jing Aê Diê kâo. Leh anăn boh tâo anei kâo mdơ̆ng leh jing mnơ̆ng bi knăl srăng jing sang Aê Diê; leh anăn kâo srăng brei sa kdrêč hlăm pluh mơ̆ng jih jang mnơ̆ng Ih srăng brei kơ kâo.”

Phung anak čô ih srăng jing lu msĕ si ƀruih lăn; ih srăng bi lar phă yŭ, phă ngŏ, phă dưr, leh anăn phă dhŭng, leh anăn jih jang phung găp djuê hlăm lăn ala srăng mâo klei jăk jĭn kyua ih leh anăn kyua phung anak čô ih.

Ñu pia anôk anăn Bêthel; ƀiădah mphŭn dô ƀuôn anăn arăng pia Lus.