Génesis 32 Popüler Kutsal Kitap Ayetleri

Paylaş

Mãpai ma eperãpa mãgaji: —Idideepa waa pɨ tꞌɨ̃jarada–e paitꞌeeda aji, Jacob. Tꞌɨ̃jarapataadaitꞌeeda aji, Israel nama Tachi Akꞌõre ome chõoda perã mãikꞌaapa eperãarã pꞌoyaada perã.

Mãpai ma eperãpa mãgaji: —Mɨ kꞌena pëipáde aji, tapꞌeda paru perã. Mamĩda Jacobpa pꞌanauji: —Mɨa pɨ kꞌena pëi–eda aji, pɨa mɨmaa pedee pia jara–emãi.

Ichi ituaba tꞌẽe beeji. Mãga nɨde eperã aba chepꞌeda, Jacob ome chõomaa beeji tapꞌeda parumaa.

Mãgá Jacobpa kꞌawaji Tachi Akꞌõre ome chõoda mãikꞌaapa ma chõo pꞌanadapꞌedaamãi tꞌɨ̃ bɨji Penuel mama ichia jarada perã: “Mɨa Tachi Akꞌõre unuji mɨ kꞌĩrapite. Mamĩda piu–e paji.”

Mamĩda Jacobpa pꞌoyaa wãkꞌãri, ma eperãpa Jacob makꞌara golpe sĩtꞌaaji. Mãgá Jacob bɨɨrɨ nɨkꞌanɨkꞌaadachi.

Mãpai ma eperãpa iidiji: —Pɨ ¿kꞌasaa tꞌɨ̃jarapatama? aji. Jacobpa pꞌanauji: —Mɨ tꞌɨ̃jarapatada aji, Jacob.

Mãpai Jacobpa iidiji: —¿Pɨ́rama? ¿Kꞌasaa tꞌɨ̃jarapatama? aji. Mamĩda ma eperãpa pꞌanauji: —¿Sãapꞌeda mɨ tꞌɨ̃ iidi bɨma? aji. Mãpai ma eperãpa Jacobmaa pedee pia jaraji.

¿Kꞌaima mɨ, pɨa mɨ nãgá kꞌaripamerã? Mɨ pɨ mimiapari. Pɨa oopi bɨkꞌa oopariitꞌee. Na to sĩakꞌãri Jarandee wãde, mɨ oveja akꞌɨpari pakꞌuru aupai ateeji. Mamĩda ɨ̃rá pɨ kꞌaurepa mɨa eperãarã chokꞌara iru bɨ, netꞌaa, ne–animalaarã paara.

Maperã Israeldeepa uchiadapꞌedaarãpa ne–animalaarã makꞌaradepema kꞌĩu kꞌodakꞌaa, Tachi Akꞌõrepa mama Jacob kꞌapꞌɨa pꞌua ooda perã.

Maapꞌeda Tachi Akꞌõremaa nãga ɨtꞌaa tꞌɨ̃ji: —Aai, Tachi Akꞌõre, pɨta mɨ akꞌõchona Abraham, mɨ akꞌõre Isaac Akꞌõre Waibɨa. Pɨata jaraji mɨchi eujãdee mãikꞌaapa mɨchi temaa wãmerã. Pɨta mɨ ome baitꞌeeda aji, mãikꞌaapa mɨ pia akꞌɨitꞌeeda aji.

Mɨ chupɨria kꞌawáaji. Mɨ ɨ̃pema Esaú juadeepa kꞌaripáji waawee bairã mɨ ome chõo cheru pɨrã, tai jõmaweda, mɨ, mɨchi wẽraarã warrarã ome peekꞌoodai.