مزامیر ۳۴ Popüler Kutsal Kitap Ayetleri

Paylaş

خوداوند، دیل بشکفته آدمأنٚ ورجأ ایسَه و کسأنی‌یَ کی خوشأنٚ اومیدَ جٚه دس بدَییدی، نجات دهه.

خوداوندَ دوخوأدم، و می جوابَ بدَه؛ اون مرَ تومام می ترسأنٚ جأ خلاصَ کوده.

دوروستکارٚ آدم زیاد سختی کشه ولی خوداوند اونَ تومامٚ سختی‌یأنٚ جأ خلاصَ کونه؛

وأچیشید و بیدینید کی خوداوند نیکویه؛ خوشا بحالٚ اونی کی خودا ورجأ پناه بره!

اوشأنی کی خودایَ فندریدی، اَشأنٚ دیم نور وأره؛ و اوشأنٚ رو هیوخت شرمنده نیبه.

دوروستکارٚ آدمأن ایجگره زنیدی و خوداوند ایشنأوه؛ اوشأنَ جٚه تومامی اوشأنٚ سختی‌یأن آزادَ کونه.

خوداوندٚ فرشته اوشأنی کی خودا جأ حیساب بریدی، دور و ور ایسه، و اوشأنَ نجات دهه.

بدی جأ رو وأگردأن و خوروم کارأنَ پیشَ گیر، آرامشٚ رِه وأمج و اونٚ دونبأل بوبو.

تی زوانَ بدی جأ دور بدأر و تی لبأنَ گول زِئنٚ جأ.

خوداوندٚ چوم پارسا آدمأنَ فندره و اونٚ گوش، اَشأنٚ کومکٚ ایجگره صدایَ ایشنأوه.

می اَمرأ خوداوندَ جلال بدید، اونٚ نامَ همدیگرٚ اَمرأ بولندَ کونیم!