مزامیر ۱۸ Popüler Kutsal Kitap Ayetleri

Paylaş

خوداوند می صخره‌یه، می قلعه‌یه، کسی کی مرَ نجات دهه؛ خودا می صخره‌یه کی اونَ پناه برم؛ اون می سپر ایسه، می قوّت کی مرَ نجات دهه و می پیله قلعه‌یه.

ولی خودا رأ و روش کامله؛ خوداوندٚ کلام خالصه. خودا، تومامٚ کسأنی رِه کی اونَ پناه بریدی، ایتأ سپره.

خوداوندَ کی سزاوارٚ ستایش کودن ایسه، دوخوأنم و می دوشمنأنٚ دسٚ جأ نجات یأفم.

می سختی دورون خوداوندَ دوخوأدم و می خودا ورجأ ایجگره بزم و کومک بخوأستم. اون خو معبدٚ جأ می صدایَ بیشنأوسته و می فریادٚ کومک اونٚ ورجأ اونٚ گوش فأرسه.

تویی کی می چراغَ روشن دأری؛ یهوه، می خودا، می تاریکی‌یَ روشنَ کونه.

خودایه کی می کمرَ قوّتٚ اَمرأ دٚوٚده و می رأهَ کاملَ کونه.

خوداوند زنده‌یه! موتبارک ببه می صخره! موتعال ببه خودایی کی مرَ نجات دهه!