Башталганы 18
18
Авраам ла ӱч эр кижи
1Авраам изӱ тал-тӱште Мамрениҥ эрмен агаштарыныҥ јанында айлыныҥ эжигинде отурарда, ого Кайракан кӧрӱнген. 2Авраам бажын ӧрӧ кӧдӱрӱп кӧрзӧ, ого удура ыраак јокто ӱч эр кижи турган. Ол отурган јеринеҥ тап эдип туруп, олорго јӱгӱрӱп келеле, јерге јетире бажырган. 3Авраам айткан:
– Бийим, мени јакшы кӧргӧн болзоҥ, мениҥ, кулыҥныҥ, јанынаҥ кӧндӱре ӧтпӧ. 4Слерге бут јунарга суу экелип бергилезин. Агаштыҥ кӧлӧткӧзинде амырагар, 5мен дезе калаш экелейин. Јолго јӱрген улус ажанып, кӱчигер кирзин. Слердиҥ алдыгарда кулыгар турган ине.
– Јакшы. Айтканыҥча ла эт, – деп, олор каруу јандырган.
6Авраам айлына кийдире јӱгӱрӱп, Саррага айткан:
– Капшай ӱч кӧнӧк эҥ јакшы кулурдаҥ калаш быжыр.
7Оноҥ Авраам ӱӱр мал-ажына јӱгӱргенче барып, талдама семис бозуны талдайла, тӱрген сойып, курсак белетезин деп, кулына јакарган. 8Сарју, сӱт ле бозуныҥ быжырган эдин айылчылардыҥ алдына тургузуп, бойы дезе, олор ажанганча, агаштыҥ алдында турган.
9– Сарра ӱйиҥ кайда? – олор Авраамнаҥ сураган.
– Мында, айылда, – деп, Авраам каруузын јандырган.
10– Мен сеге эзенде бу ла ӧйдӧ ойто келерим, – деп, олордыҥ бирӱзи айткан, – ол тушта Сарра ӱйиҥ уулду болор.
Сарра дезе оныҥ кийни јанында айылдыҥ эжигинде угуп турган. 11Авраам ла Сарра карыыр јажына јеткен, Сарраныҥ бала табар ӧйи ӧдӱп калган болгон. 12Ол ичинде каткырынып, сананган: «Мен карып калдым, бийим де карып калды. Ондый сӱӱнчи меге кайдаҥ келетен эди?» 13Је Кайракан Авраамга айткан:
– Карып калган бойым бала табадым эмеш пе? – деп айдып, Сарра недеҥ улам каткырынды? 14Кайракан эдип болбос неме бар эмеш пе? Келер јылда, бу ла киреде Мен сеге ойто келерим. Ол тушта Сарра уулду болор.
15– Мен каткырбадым, – коркып калган Сарра тӧгӱнденген.
– Јок, сен каткыргаҥ, – деп, Кайракан айткан.
Авраам Содом учун јайнайт
16Эр улус ӧрӧ туруп, Содом јаар баскандар. Авраам олорды ӱйдежип барган.
17Кайракан айткан:
– Эдерге турганымды Мен Авраамнаҥ јажырбазым. 18Авраамнаҥ улу ла кӱчтӱ калык бӱдер, Авраам ажыра јердиҥ ончо калыктары алкыш алар. 19Мен оны талдап алдым – Кайраканныҥ јолыла барып, ак-чек ле чындык јӱрзин деп, ол бойыныҥ балдарына, ончо калдыктарына јакыыр учурлу. Ол тушта Мен, Кайракан, ого берген сӧзимди бӱдӱрерим.
20Оноҥ Кайракан айткан:
– Содом ло Гоморрага удура комудал-калак тыҥыды, олордыҥ кинчектери ажынды. 21Меге јеткен комудал-калак чын ба, јок по деп тӱжеле кӧрӧйин. Ончозы бурулу ба, јок по деп билип алайын.
22Эр улус Содом јаар баскан, Кайракан дезе Авраамныҥ алдына турганча болгон. 23Авраам Кайраканга јууктап, сураган:
– Сен јаман кылыктуларла кожо ак-чек улусты јоголтодыҥ эмеш пе? 24Айса болзо, бу калада ак-чек бежен кижи бар? Сен каланы јоголтып саларыҥ ба, бу јерди ондогы бежен ак-чек улус учун килебезиҥ бе? 25Сен анайда этпезиҥ, ак-чек улусты јаман кылыктуларла кожо јоголтпозыҥ. Ак-чек улусты јаман кылыктуларла кожо кезедерге јарабас. Сениҥ анайда эдер учурыҥ јок! Јер ӱстиниҥ Јаргычызы чындык эмес керек эдип болор бо?
26– Мен Содомдо бежен ак-чек кижи тапсам, олор учун бу калага килеерим, – деп, Кайракан каруу јандырган.
27Авраам айткан:
– Мен тоозын-тобрак, кубал, је јӱрӱм берген Кайраканга айдайын деп: 28ак-чек улустыҥ тоозы бежен эмес, је беш кижиге ас болзо, беш кижи јетпей турганынаҥ улам Сен бӱткӱл каланы јоголтодыҥ эмеш пе?
Кайракан каруузын јандырган:
– Анда ак-чек тӧртӧн беш кижи тапсам, јоголтпозым.
29Авраам улалткан:
– Айса болзо, анда јӱк ле тӧртӧн ак-чек кижи табылар.
Кайракан каруу јандырган:
– Тӧртӧн дӧ ак-чек кижини тапсам, јоголтпозым.
30Авраам айткан:
– Мениҥ сурагыма Кайраканым чугулданбазын: айса болзо, анда јӱк ле одус ак-чек кижи табылар?
Кайракан каруу јандырган:
– Анда одус та ак-чек кижи табылза, јоголтпозым.
31Авраам айткан:
– Мен тидинип, Кайраканымнаҥ мынайда сурайын: айса болзо, анда јӱк ле јирме ак-чек кижи табылар?
Кайракан каруу јандырган:
– Јирме де ак-чек кижиге болуп килеерим.
32Авраам айткан:
– Калганчы, база бир сурак берзем, мениҥ Кайраканым меге чугулданбазын: айса болзо, анда јӱк ле он ак-чек кижи табылар?
Кайракан каруу јандырган:
– Он до ак-чек кижиге болуп килеерим.
33Мынайда айдала, Кайракан јӱре берген, Авраам дезе айлына јанган.
Айни замон обунашуда:
Башталганы 18: АЛТ
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025
Башталганы 18
18
Авраам ла ӱч эр кижи
1Авраам изӱ тал-тӱште Мамрениҥ эрмен агаштарыныҥ јанында айлыныҥ эжигинде отурарда, ого Кайракан кӧрӱнген. 2Авраам бажын ӧрӧ кӧдӱрӱп кӧрзӧ, ого удура ыраак јокто ӱч эр кижи турган. Ол отурган јеринеҥ тап эдип туруп, олорго јӱгӱрӱп келеле, јерге јетире бажырган. 3Авраам айткан:
– Бийим, мени јакшы кӧргӧн болзоҥ, мениҥ, кулыҥныҥ, јанынаҥ кӧндӱре ӧтпӧ. 4Слерге бут јунарга суу экелип бергилезин. Агаштыҥ кӧлӧткӧзинде амырагар, 5мен дезе калаш экелейин. Јолго јӱрген улус ажанып, кӱчигер кирзин. Слердиҥ алдыгарда кулыгар турган ине.
– Јакшы. Айтканыҥча ла эт, – деп, олор каруу јандырган.
6Авраам айлына кийдире јӱгӱрӱп, Саррага айткан:
– Капшай ӱч кӧнӧк эҥ јакшы кулурдаҥ калаш быжыр.
7Оноҥ Авраам ӱӱр мал-ажына јӱгӱргенче барып, талдама семис бозуны талдайла, тӱрген сойып, курсак белетезин деп, кулына јакарган. 8Сарју, сӱт ле бозуныҥ быжырган эдин айылчылардыҥ алдына тургузуп, бойы дезе, олор ажанганча, агаштыҥ алдында турган.
9– Сарра ӱйиҥ кайда? – олор Авраамнаҥ сураган.
– Мында, айылда, – деп, Авраам каруузын јандырган.
10– Мен сеге эзенде бу ла ӧйдӧ ойто келерим, – деп, олордыҥ бирӱзи айткан, – ол тушта Сарра ӱйиҥ уулду болор.
Сарра дезе оныҥ кийни јанында айылдыҥ эжигинде угуп турган. 11Авраам ла Сарра карыыр јажына јеткен, Сарраныҥ бала табар ӧйи ӧдӱп калган болгон. 12Ол ичинде каткырынып, сананган: «Мен карып калдым, бийим де карып калды. Ондый сӱӱнчи меге кайдаҥ келетен эди?» 13Је Кайракан Авраамга айткан:
– Карып калган бойым бала табадым эмеш пе? – деп айдып, Сарра недеҥ улам каткырынды? 14Кайракан эдип болбос неме бар эмеш пе? Келер јылда, бу ла киреде Мен сеге ойто келерим. Ол тушта Сарра уулду болор.
15– Мен каткырбадым, – коркып калган Сарра тӧгӱнденген.
– Јок, сен каткыргаҥ, – деп, Кайракан айткан.
Авраам Содом учун јайнайт
16Эр улус ӧрӧ туруп, Содом јаар баскандар. Авраам олорды ӱйдежип барган.
17Кайракан айткан:
– Эдерге турганымды Мен Авраамнаҥ јажырбазым. 18Авраамнаҥ улу ла кӱчтӱ калык бӱдер, Авраам ажыра јердиҥ ончо калыктары алкыш алар. 19Мен оны талдап алдым – Кайраканныҥ јолыла барып, ак-чек ле чындык јӱрзин деп, ол бойыныҥ балдарына, ончо калдыктарына јакыыр учурлу. Ол тушта Мен, Кайракан, ого берген сӧзимди бӱдӱрерим.
20Оноҥ Кайракан айткан:
– Содом ло Гоморрага удура комудал-калак тыҥыды, олордыҥ кинчектери ажынды. 21Меге јеткен комудал-калак чын ба, јок по деп тӱжеле кӧрӧйин. Ончозы бурулу ба, јок по деп билип алайын.
22Эр улус Содом јаар баскан, Кайракан дезе Авраамныҥ алдына турганча болгон. 23Авраам Кайраканга јууктап, сураган:
– Сен јаман кылыктуларла кожо ак-чек улусты јоголтодыҥ эмеш пе? 24Айса болзо, бу калада ак-чек бежен кижи бар? Сен каланы јоголтып саларыҥ ба, бу јерди ондогы бежен ак-чек улус учун килебезиҥ бе? 25Сен анайда этпезиҥ, ак-чек улусты јаман кылыктуларла кожо јоголтпозыҥ. Ак-чек улусты јаман кылыктуларла кожо кезедерге јарабас. Сениҥ анайда эдер учурыҥ јок! Јер ӱстиниҥ Јаргычызы чындык эмес керек эдип болор бо?
26– Мен Содомдо бежен ак-чек кижи тапсам, олор учун бу калага килеерим, – деп, Кайракан каруу јандырган.
27Авраам айткан:
– Мен тоозын-тобрак, кубал, је јӱрӱм берген Кайраканга айдайын деп: 28ак-чек улустыҥ тоозы бежен эмес, је беш кижиге ас болзо, беш кижи јетпей турганынаҥ улам Сен бӱткӱл каланы јоголтодыҥ эмеш пе?
Кайракан каруузын јандырган:
– Анда ак-чек тӧртӧн беш кижи тапсам, јоголтпозым.
29Авраам улалткан:
– Айса болзо, анда јӱк ле тӧртӧн ак-чек кижи табылар.
Кайракан каруу јандырган:
– Тӧртӧн дӧ ак-чек кижини тапсам, јоголтпозым.
30Авраам айткан:
– Мениҥ сурагыма Кайраканым чугулданбазын: айса болзо, анда јӱк ле одус ак-чек кижи табылар?
Кайракан каруу јандырган:
– Анда одус та ак-чек кижи табылза, јоголтпозым.
31Авраам айткан:
– Мен тидинип, Кайраканымнаҥ мынайда сурайын: айса болзо, анда јӱк ле јирме ак-чек кижи табылар?
Кайракан каруу јандырган:
– Јирме де ак-чек кижиге болуп килеерим.
32Авраам айткан:
– Калганчы, база бир сурак берзем, мениҥ Кайраканым меге чугулданбазын: айса болзо, анда јӱк ле он ак-чек кижи табылар?
Кайракан каруу јандырган:
– Он до ак-чек кижиге болуп килеерим.
33Мынайда айдала, Кайракан јӱре берген, Авраам дезе айлына јанган.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025