Marcos 13
13
Jesús tnikkäjpxy jäts jijtkëxp tsajptëjjk
(Mt 24.1-2; Lc 21.5-6)
1Ku Jesús pyitsëëmy tsajptijkypy, nits tu'uk y'ixpëjkpë nyëë'mxë:
—¡Wintsën, aa'xtuk tsajptëjjk mëët tëjjk mati'jäty tu'ktsajptëjkniwittity, ntsoj oy tsuj tsappötsy kye'exy! 2Nits Jesús y'atsooy:
—¿M'ijxypy yë' ixij mawaatjäty tsappötsy? Pyaatp jä' xëëw maj yë' tukkë'yë tsappötsy kyitaakëxt, jäts nittu'ukë'n pötsy kyatta'nt.
Ntsoj y'ijxë nijaa'w'ëë'yë'n ku wyä'në it naxwiin kyëxwa'any
(Mt 24.3-28; Lc 21.7-24; 17.22-24)
3Nits Jesús mëët y'ixpëjkpëttëjjk nyëjkxtë Olivos kojpk këjxm, tsajptëjjk'awinm. Jämts Jesús tsyëënë'y'ixtaajky, nits Pedro, Santiago, Juan mëët Andrés amää'tsk tyëktëëtë Jesús, 4jäts junë jä' najj jyatt, tij ijxpäjjt kä'äjxjë'ëkp ku wyä'në jä' xëëw tpaatwa'any, maj tukkë'yë kyukkëxë't.
5Nits Jesús y'atsooy: «Na'y'ijxy'ittëtë, jäts katij pën mwin'ëënyëtë. 6Jä'ku nimay jaa'y myi'ntë't jäts nyaknyaxëtë't naa'xkë'n ëjts, nits wya'antë't: “Ëjts jä' yëknitsokpë'eepy”, najjts nimaynyäxy jaa'y twin'ëëntë't.
7»Ku xmato'otë't tsip tyünyë jaxij jayaj, kä' mtsë'ëkëtë't. Jä'ku naa'm jä' jawyiin jyatt; kä'änë'mts wyä'në tpaaty jä' xëëw maj it naxwiin kyëxt. 8Natsyiptunëtë'p jaa'y tu'k'it jatu'k'it, nanyiputtë'ëkë'p naajx kajjp tu'kwiin jatu'kwiin; ujjxë'p mëjknäxy oymyaa'jë, jää'jë'p yuuj xëëw. Najjts tsyoo'nta'akt mëjk'ayoo'n yaj it naxwiin.
9»Na'y'ijxy'ittëtë miits kë'm; jä'ku myëkkë'yaktë'p kuttunktëjjk kyë'jë'm, mëët myëkwoptë't myëkkoxtë't pënmaj ka'amaa'yë'n xjatayo'oymyuktë. Myëkmunëjkxtë'p yëkkuttujkpëttëjjk wyinküjkypy, jakëjx ku ëjts miits xtëyjyawëtë, katits mtsë'ëkëtë, ttamumatya'aktë jä' jaa'ytyë ëjts n'aaw n'ayuujk. 10Kä'änë'm wyä'në it naxwiiny kyexy nits Yës Teety y'aaw y'ayuujk wya'kxta'at tu'k'it naxwiin. 11Katij kyoojyë xwinmaytyë ntsoj y'ijxë mnakyu'atsowëtë't ku jaa'y mmunëjkxëtë't kuttunktëjjk wyinkujkm. Jä'ku kä' miits kë'm mkajpxt, Yës Teety Jyaa'wë'n miits mmo'jëtë'p aaw ayuujk ntsoj m'atso'otë't. 12Nanyimatya'akëtë'p jaa'y tu'kmuku'uktë, nitteety tnimatya'akp y'uu'nk, jäts una'ajnktëjjk nyiputtë'ktë'p tyeety tyaak jäts tnakyëk'ookëtë't. 13Nitukkë'yë jaa'y tu'knaxwiin ooky ke'eky m'ijxëtë't, jakëjx ku ëjts xtëyjyawëtë; pënts ttanajxkëjxp tukkë'yë jä' ayoo'n nits ëjts xtëyjaa'wë'y'atë'ëtst, jä'äts nitsoojkë'n tpaat'të'p.
14»Ku miits x'ijxtë't tsajptijkypy kä' Yës Teety y'okyëkwintsë'ëjk'eenyë't jäts kä' jaa'y Yës Teety y'aaw y'ayuujk t'okkajpxnëtë't, (pënpën ya'at nöky twin'ijxp, winjawëtë yëkxon) najjts pënjäty jäm Judea, kä'äktë, nnëjkxtë kojpk këjxm; 15pënts jäjp tyëjknikkejxypy, katij tniwinäky myaay pyëjkta'aky; 16pënjätyts jäjp kyamjötyptyë, katij mkujkwop xniwimpit'të. 17¡Yëk'ayoopë jä' to'oxytyëjjk jyat'të't pën wyä'në uu'nk tnikkëjxm'eetyë'p, ok pën wyä'në y'uu'nk tsi'tspnë'm! 18Mmunuu'kxta'aktë Yës Teety jäts katij najj jyäty ku wyä'në tuuj tëj myinnë ok ku tëj mëjknäxy it xyujxtaknë, 19tsätsyëk'ayoopë jaa'y jyat'të't, nijunë xëëw najj kya'itynyë'm ayoo'n, ku Yës Teety it naxwiin tpëëmy tkojjy, nikya'itt jatu'uk ayoo'n ku jä' tukkë'yë nyaxt. 20Yës Teety kë'm xëëw tyëkko'mp jäts nyitso'oktë't pënjäty tëj twin'ijxy twinway, ku xëëw tkayëkko'nt oo'këxtë'p jaa'y nitukkë'yë.
21»Ku jaa'y mnëë'mxëtë't: “Mmintë, aa'xtuktë tëj Yëknitsokpë myiny”, ok ku mnëë'mxëtë't: “ixim jä', ok yë' jä'” Katii'm xtëyjyawëtë. 22Jä'ku mi'ntë'p ëë'mpëjaa'y jäts nyatyijjëtë't yëknitsokpë ok yëk'ayuujknajxpë; nits tyëknikkä'äxjë'ëktë't mëjjputtëjjk'ëë'ny mëjj'ijxpäjjt, jäts jaa'y twimpit'të't twin'ëëntë't, jä' paat yyëkwin'ëëntë't pënjäty tëj Yës Teety kë'm tjawin'ijxy tjawinway. 23¡Na'y'ijxy'ittëtë mëjknäxy! Tëj ëjts tukkë'yë nnikkäjpxy tij tunë'p.
Ku naxwiinë'tjaa'y y'Uu'nk wyimpitt
(Mt 24.29-35,42,44; Lc 21.25-36)
24»Kuts tëj wyä'në ayoo'n nyajxkexy, nits xëëw y'ookt jäts kä' po' y'ok'annë't, 25ka'ap may matsa' jäts tukkë'yë tsajpwiin myëjk'ajjtë'n kyuttujjkë'n yyo'oyty xyi'nt. 26Nits naxwiinë'tjaa'y y'Uu'nk yyëk'ijxt myi'nt yootsjotm mëët tukkë'yë myëjk'ajjt kyëjxm'ajjt. 27Jä'äts tpakkäxp tsajpjaa'y, Yës Teety tyumpëttëjjk jäts twaamuktë't pënjäty tëj Yës Teety twin'ijxy twinway, wä'n majktaxk'atsow it, tu'ktsajp'akita'aky tu'knax'akita'aky.
28»Yyëktuntë ijxpäjjt tsajptsuuky kepy: Ku x'ijxtë nits tëj tukkë'yë kya'atikkajtskexy, mnijaa'w'eetyë'p miits jäts winkonnë'p pootjoojty. 29Ninyajjts xwinjawëtë't, ku x'ijxtë't najj tukkë'yë tyünyë naa'xk ëjts tëj nwa'any, winkonnë'pts wyä'në naxwiinë'tjaa'y y'Uu'nk myi'nt. 30Ixyamts ëjts nnikkäjpxy, kä'änë'm wyä'në ya'at jaa'y y'oo'kkëxtë ku najj jyatt. 31Kutakko'ypy yë' tsajpwiin, naxwiin, kuts ëjts n'aaw n'ayuujk kä' yë' najjyë nyaxt, kuytyunë'p yë' pu'uky kä'pxy.
32»Junë'ts jä' najj jyatt, nippën tkanijawë, tsajpjaa'ytyë pën jäm tuntë'p, jäts kë'm Yës Teety y'uu'nk kä' jä' tnijawëtë. Kë'm jä' nTeety'ajjt nityu'uk tnijawë.
33»Jakëjxts ëjts ixyam nwa'any: Na'y'ijxy'ittëtë jäts nakyujüky'attëtë, jä'ku kä' pën tnijawë junë jä' najj jyatt. 34Najj'ämpy jä' naa'xkë'n tu'uk jaa'y mati' y'ijjty nëjkxwamp jatu'uk naajx jatu'uk kajjp, jäts tnëëjmjaay tyumpëttëjjk nits tyëjjk y'ijxy'ijjtxëtë't. Jäts këëjjä' tu'uk jatu'uk ttunkmooy, nits tnëëjmjaay pën y'ijjty tëjk'akkaj t'ijxy'ijtp jäts jyup'ijxë't ijtp, pën junë wyimpity. 35Jakëjxts ëjts miits nnëëjmë, nakyujüky'attëtë nits jup'ijxy m'a'ijxtë't, jä'ku nippën tkanijawë junë jä' kuttëjjk wyimpitt, ja'atp jä' möny'it, tsuu'm, xëëjnytya'akwamp, ok jokyë; 36Ntsoj ku atsu'ujky jya'att jäts mmaap mpaatëtë't. 37Naa'xkë'n ëjts miits ixyam nnëëjmëtë, ninyajj ëjts nitukkë'yë jaa'y nnëëjmë: ¡Nakyujüky'attëtë nits jup'ijxy m'a'ijxtë't!»
Айни замон обунашуда:
Marcos 13: YTYA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.
Marcos 13
13
Jesús tnikkäjpxy jäts jijtkëxp tsajptëjjk
(Mt 24.1-2; Lc 21.5-6)
1Ku Jesús pyitsëëmy tsajptijkypy, nits tu'uk y'ixpëjkpë nyëë'mxë:
—¡Wintsën, aa'xtuk tsajptëjjk mëët tëjjk mati'jäty tu'ktsajptëjkniwittity, ntsoj oy tsuj tsappötsy kye'exy! 2Nits Jesús y'atsooy:
—¿M'ijxypy yë' ixij mawaatjäty tsappötsy? Pyaatp jä' xëëw maj yë' tukkë'yë tsappötsy kyitaakëxt, jäts nittu'ukë'n pötsy kyatta'nt.
Ntsoj y'ijxë nijaa'w'ëë'yë'n ku wyä'në it naxwiin kyëxwa'any
(Mt 24.3-28; Lc 21.7-24; 17.22-24)
3Nits Jesús mëët y'ixpëjkpëttëjjk nyëjkxtë Olivos kojpk këjxm, tsajptëjjk'awinm. Jämts Jesús tsyëënë'y'ixtaajky, nits Pedro, Santiago, Juan mëët Andrés amää'tsk tyëktëëtë Jesús, 4jäts junë jä' najj jyatt, tij ijxpäjjt kä'äjxjë'ëkp ku wyä'në jä' xëëw tpaatwa'any, maj tukkë'yë kyukkëxë't.
5Nits Jesús y'atsooy: «Na'y'ijxy'ittëtë, jäts katij pën mwin'ëënyëtë. 6Jä'ku nimay jaa'y myi'ntë't jäts nyaknyaxëtë't naa'xkë'n ëjts, nits wya'antë't: “Ëjts jä' yëknitsokpë'eepy”, najjts nimaynyäxy jaa'y twin'ëëntë't.
7»Ku xmato'otë't tsip tyünyë jaxij jayaj, kä' mtsë'ëkëtë't. Jä'ku naa'm jä' jawyiin jyatt; kä'änë'mts wyä'në tpaaty jä' xëëw maj it naxwiin kyëxt. 8Natsyiptunëtë'p jaa'y tu'k'it jatu'k'it, nanyiputtë'ëkë'p naajx kajjp tu'kwiin jatu'kwiin; ujjxë'p mëjknäxy oymyaa'jë, jää'jë'p yuuj xëëw. Najjts tsyoo'nta'akt mëjk'ayoo'n yaj it naxwiin.
9»Na'y'ijxy'ittëtë miits kë'm; jä'ku myëkkë'yaktë'p kuttunktëjjk kyë'jë'm, mëët myëkwoptë't myëkkoxtë't pënmaj ka'amaa'yë'n xjatayo'oymyuktë. Myëkmunëjkxtë'p yëkkuttujkpëttëjjk wyinküjkypy, jakëjx ku ëjts miits xtëyjyawëtë, katits mtsë'ëkëtë, ttamumatya'aktë jä' jaa'ytyë ëjts n'aaw n'ayuujk. 10Kä'änë'm wyä'në it naxwiiny kyexy nits Yës Teety y'aaw y'ayuujk wya'kxta'at tu'k'it naxwiin. 11Katij kyoojyë xwinmaytyë ntsoj y'ijxë mnakyu'atsowëtë't ku jaa'y mmunëjkxëtë't kuttunktëjjk wyinkujkm. Jä'ku kä' miits kë'm mkajpxt, Yës Teety Jyaa'wë'n miits mmo'jëtë'p aaw ayuujk ntsoj m'atso'otë't. 12Nanyimatya'akëtë'p jaa'y tu'kmuku'uktë, nitteety tnimatya'akp y'uu'nk, jäts una'ajnktëjjk nyiputtë'ktë'p tyeety tyaak jäts tnakyëk'ookëtë't. 13Nitukkë'yë jaa'y tu'knaxwiin ooky ke'eky m'ijxëtë't, jakëjx ku ëjts xtëyjyawëtë; pënts ttanajxkëjxp tukkë'yë jä' ayoo'n nits ëjts xtëyjaa'wë'y'atë'ëtst, jä'äts nitsoojkë'n tpaat'të'p.
14»Ku miits x'ijxtë't tsajptijkypy kä' Yës Teety y'okyëkwintsë'ëjk'eenyë't jäts kä' jaa'y Yës Teety y'aaw y'ayuujk t'okkajpxnëtë't, (pënpën ya'at nöky twin'ijxp, winjawëtë yëkxon) najjts pënjäty jäm Judea, kä'äktë, nnëjkxtë kojpk këjxm; 15pënts jäjp tyëjknikkejxypy, katij tniwinäky myaay pyëjkta'aky; 16pënjätyts jäjp kyamjötyptyë, katij mkujkwop xniwimpit'të. 17¡Yëk'ayoopë jä' to'oxytyëjjk jyat'të't pën wyä'në uu'nk tnikkëjxm'eetyë'p, ok pën wyä'në y'uu'nk tsi'tspnë'm! 18Mmunuu'kxta'aktë Yës Teety jäts katij najj jyäty ku wyä'në tuuj tëj myinnë ok ku tëj mëjknäxy it xyujxtaknë, 19tsätsyëk'ayoopë jaa'y jyat'të't, nijunë xëëw najj kya'itynyë'm ayoo'n, ku Yës Teety it naxwiin tpëëmy tkojjy, nikya'itt jatu'uk ayoo'n ku jä' tukkë'yë nyaxt. 20Yës Teety kë'm xëëw tyëkko'mp jäts nyitso'oktë't pënjäty tëj twin'ijxy twinway, ku xëëw tkayëkko'nt oo'këxtë'p jaa'y nitukkë'yë.
21»Ku jaa'y mnëë'mxëtë't: “Mmintë, aa'xtuktë tëj Yëknitsokpë myiny”, ok ku mnëë'mxëtë't: “ixim jä', ok yë' jä'” Katii'm xtëyjyawëtë. 22Jä'ku mi'ntë'p ëë'mpëjaa'y jäts nyatyijjëtë't yëknitsokpë ok yëk'ayuujknajxpë; nits tyëknikkä'äxjë'ëktë't mëjjputtëjjk'ëë'ny mëjj'ijxpäjjt, jäts jaa'y twimpit'të't twin'ëëntë't, jä' paat yyëkwin'ëëntë't pënjäty tëj Yës Teety kë'm tjawin'ijxy tjawinway. 23¡Na'y'ijxy'ittëtë mëjknäxy! Tëj ëjts tukkë'yë nnikkäjpxy tij tunë'p.
Ku naxwiinë'tjaa'y y'Uu'nk wyimpitt
(Mt 24.29-35,42,44; Lc 21.25-36)
24»Kuts tëj wyä'në ayoo'n nyajxkexy, nits xëëw y'ookt jäts kä' po' y'ok'annë't, 25ka'ap may matsa' jäts tukkë'yë tsajpwiin myëjk'ajjtë'n kyuttujjkë'n yyo'oyty xyi'nt. 26Nits naxwiinë'tjaa'y y'Uu'nk yyëk'ijxt myi'nt yootsjotm mëët tukkë'yë myëjk'ajjt kyëjxm'ajjt. 27Jä'äts tpakkäxp tsajpjaa'y, Yës Teety tyumpëttëjjk jäts twaamuktë't pënjäty tëj Yës Teety twin'ijxy twinway, wä'n majktaxk'atsow it, tu'ktsajp'akita'aky tu'knax'akita'aky.
28»Yyëktuntë ijxpäjjt tsajptsuuky kepy: Ku x'ijxtë nits tëj tukkë'yë kya'atikkajtskexy, mnijaa'w'eetyë'p miits jäts winkonnë'p pootjoojty. 29Ninyajjts xwinjawëtë't, ku x'ijxtë't najj tukkë'yë tyünyë naa'xk ëjts tëj nwa'any, winkonnë'pts wyä'në naxwiinë'tjaa'y y'Uu'nk myi'nt. 30Ixyamts ëjts nnikkäjpxy, kä'änë'm wyä'në ya'at jaa'y y'oo'kkëxtë ku najj jyatt. 31Kutakko'ypy yë' tsajpwiin, naxwiin, kuts ëjts n'aaw n'ayuujk kä' yë' najjyë nyaxt, kuytyunë'p yë' pu'uky kä'pxy.
32»Junë'ts jä' najj jyatt, nippën tkanijawë, tsajpjaa'ytyë pën jäm tuntë'p, jäts kë'm Yës Teety y'uu'nk kä' jä' tnijawëtë. Kë'm jä' nTeety'ajjt nityu'uk tnijawë.
33»Jakëjxts ëjts ixyam nwa'any: Na'y'ijxy'ittëtë jäts nakyujüky'attëtë, jä'ku kä' pën tnijawë junë jä' najj jyatt. 34Najj'ämpy jä' naa'xkë'n tu'uk jaa'y mati' y'ijjty nëjkxwamp jatu'uk naajx jatu'uk kajjp, jäts tnëëjmjaay tyumpëttëjjk nits tyëjjk y'ijxy'ijjtxëtë't. Jäts këëjjä' tu'uk jatu'uk ttunkmooy, nits tnëëjmjaay pën y'ijjty tëjk'akkaj t'ijxy'ijtp jäts jyup'ijxë't ijtp, pën junë wyimpity. 35Jakëjxts ëjts miits nnëëjmë, nakyujüky'attëtë nits jup'ijxy m'a'ijxtë't, jä'ku nippën tkanijawë junë jä' kuttëjjk wyimpitt, ja'atp jä' möny'it, tsuu'm, xëëjnytya'akwamp, ok jokyë; 36Ntsoj ku atsu'ujky jya'att jäts mmaap mpaatëtë't. 37Naa'xkë'n ëjts miits ixyam nnëëjmëtë, ninyajj ëjts nitukkë'yë jaa'y nnëëjmë: ¡Nakyujüky'attëtë nits jup'ijxy m'a'ijxtë't!»
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.