Mateo 28
28
Yëknikkäjpxy ku Jesús jyükypyeky
(Mr 16.1-8; Lc 24.1-12; Jn 20.1-10)
1Ku poo'kxë'nxëëw it nyajjxy, jäts jatu'kyaajjë xyëëjntyaajky, nits María Magdalena mëët jatu'uk María nyëjkxtë maj jäjp Jesús yyëkpëëmy. 2Nits atsu'ujky mëjk y'ujjx'ajjty, jä'ku tu'uk tsajpjaa'y wyinajjky tsajpjotm, jäts jya'ajty tsaajut'am nits tsaaj tjë'këëy mati' y'ijjty ta'akkë'ëyë'p jäts jämyë ttatsëënë'y'ijxtaajky. 3Najj jä' y'ijjty tsajpjaa'y tyee'kxy naa'xkë'n witsuk, jäts najj y'ijjty wyit pyooppë naa'xkë'n tsajp'öö'pky. 4Kuts tsaajjut ijxy'ijtpë najj t'ijxtë jäts tsyë'ëjkë'y'oo'ktë nits najjyë xyujxkëjxtë. 5Nits jä' tsajpjaa'y tnëëjmjaay to'oxytyëjjktë:
—Katij mtsë'ëkëtë. Nnijaa'w'eepy ëjts jäts Jesús m'ijxtäätyë'p mati' yëk'oo'ktë krus këjxm. 6Kä'äts jä' yaj pyën'ity, tëj jä' jyükypyeky naa'xkë'n jä' wyaany. Nnaxtë jäts x'ijxtë't maj jäjp yyëkkejjxy. 7Nnëjkxtë atëtspekyë jäts nëëjmëtë ixpëjkpëttëjjk: "Tëj Jesús jyükypyeky, jäts Galilea jä' nyijkxy, jämts jatu'kyaajjë mwaamukkëtë't; jäm jä xmëëtnawyaattëtë't." Yë' ëjts miits jä'yë nwanwaajnjääpy.
Jesús nyaknyikä'äjxjë'ëkyë to'oxytyëjjk wyinkujjky
8Nits to'oxytyëjjktë atëtspekyë tsyoo'nëtë jäjp tsaajutjötypy, jäm y'ijjty y'ajtstsë'ëkkëtë jämts y'ijjty ttajotkujjkta'aktë, nits pujtp nyëjkxtë jäts tmatyaajkëtë't ixpëjkpëttëjjk. 9Ku atsu'ujky Jesús kyä'äjxjë'ëjky nits kyajpxpoo'kxëtë, nits jä' to'oxytyëjjktë Jesús twinkunëjkx'eetyë nits t'oyjyaa'w'eetyë ttaxontaktë, nits tyekyëjjxy tmo'kx'oo'ktë, 10nits Jesús nyëë'mxëtë:
—Katij mtsë'ëkëtë. Nëjkx xnëëjmëtë ëjts nmuku'uktëjjk jäts nyëjkxtë't Galilea, jäm ëjts jä' nmëëtnawyaattëtë't.
Tsip'attänääpyë yyëkmujuytyë jäts y'ëëntë't
11Kuts to'oxytyëjjk y'ijjty nyëjkxtë matyakpë, nits ni'ey tsip'attänääpyë nyëjkxtë mëjj kajjpjotm jäts teety niwintsëntëjjk tmatyakkëjjxjäätyë tij y'ijjty tëj tyünyë. 12Nits teety niwintsën t'anëjkx'eetyë majaa'ytyëjjk jä'äts tyamëëtkäjpxy'eetyë tij tyu'ntë'p. Nits këjx'am meeny tmoytyë tsip'attänääpyë, 13jäts mëjk tnëëjmjäätyë:
—Nëm miits mwa'antë't, jäts koots ku miits y'ijjty mma'atë nits jya'atë Jesús y'ixpëjkpëttëjjk jäts nyikkëjjx ttsëmkääjkjäätyë. 14Kuts yëkkuttujkpë tnijawë't, ëëts jä' nmëëtnakyajpxë'p jäts kä' miits tij mtsipjajjtxëtë't.
15Nits tsip'attänääpyë meeny tkontsootë jäts najj ttuntë naa'xkë'n yyëknëëjmjäätyë. Najjts judíostëjjk ixyam paat ya'at ayuujk tkajpxtë tmatya'aktë.
Jesús tunk ttakkë'wanë y'ixpëjkpëttëjjk
(Mr 16.14-18; Lc 24.36-49; Jn 20.19-23)
16Nits wä'n nimajktu'uk ixpëjkpëttëjjk nyëjkxtë Galilea, jä' kojpk këjxm mati' Jesús ttani'ijx'ajjtëtë. 17Ku jäm tmëëtnapyaajtëtë Jesús jäts t'oyjyaa'w'eetyë ttaxontaktë oyë'm jä' y'ijjty nitukkë'yë tkattëyjyaawëtënë'm. 18Nits Jesús nyimiijnëtë winkon jäts nyëë'mxëtë:
—Tëj ëjts Yës Teety xmo'oy mëjk'ajjt jäts nyëkkuttukt tsajpjotm mëët yaj it naxwiiny. 19Nëjkxtë'ts miits tukkë'yë tsajp'akita'aky nax'akita'aky jäts nnëëjmëtë jaa'y nits ëjts xpatuu'yo'oyty; yyëknëppät'të Yës Teety xyëëw këjxm, y'Uu'nk jäts Jyaa'wë'n këjxm, 20jäts ttokjat'të tkuytyu'ntë't tukkë'yë mati' ëjts miits tëj ntappawa'any. Nnijawëtë jäts ijtp ëjts miits nmëëtjää'jëtë't, kunë'm it naxwiin kyutakko'yty
Айни замон обунашуда:
Mateo 28: YTYA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.
Mateo 28
28
Yëknikkäjpxy ku Jesús jyükypyeky
(Mr 16.1-8; Lc 24.1-12; Jn 20.1-10)
1Ku poo'kxë'nxëëw it nyajjxy, jäts jatu'kyaajjë xyëëjntyaajky, nits María Magdalena mëët jatu'uk María nyëjkxtë maj jäjp Jesús yyëkpëëmy. 2Nits atsu'ujky mëjk y'ujjx'ajjty, jä'ku tu'uk tsajpjaa'y wyinajjky tsajpjotm, jäts jya'ajty tsaajut'am nits tsaaj tjë'këëy mati' y'ijjty ta'akkë'ëyë'p jäts jämyë ttatsëënë'y'ijxtaajky. 3Najj jä' y'ijjty tsajpjaa'y tyee'kxy naa'xkë'n witsuk, jäts najj y'ijjty wyit pyooppë naa'xkë'n tsajp'öö'pky. 4Kuts tsaajjut ijxy'ijtpë najj t'ijxtë jäts tsyë'ëjkë'y'oo'ktë nits najjyë xyujxkëjxtë. 5Nits jä' tsajpjaa'y tnëëjmjaay to'oxytyëjjktë:
—Katij mtsë'ëkëtë. Nnijaa'w'eepy ëjts jäts Jesús m'ijxtäätyë'p mati' yëk'oo'ktë krus këjxm. 6Kä'äts jä' yaj pyën'ity, tëj jä' jyükypyeky naa'xkë'n jä' wyaany. Nnaxtë jäts x'ijxtë't maj jäjp yyëkkejjxy. 7Nnëjkxtë atëtspekyë jäts nëëjmëtë ixpëjkpëttëjjk: "Tëj Jesús jyükypyeky, jäts Galilea jä' nyijkxy, jämts jatu'kyaajjë mwaamukkëtë't; jäm jä xmëëtnawyaattëtë't." Yë' ëjts miits jä'yë nwanwaajnjääpy.
Jesús nyaknyikä'äjxjë'ëkyë to'oxytyëjjk wyinkujjky
8Nits to'oxytyëjjktë atëtspekyë tsyoo'nëtë jäjp tsaajutjötypy, jäm y'ijjty y'ajtstsë'ëkkëtë jämts y'ijjty ttajotkujjkta'aktë, nits pujtp nyëjkxtë jäts tmatyaajkëtë't ixpëjkpëttëjjk. 9Ku atsu'ujky Jesús kyä'äjxjë'ëjky nits kyajpxpoo'kxëtë, nits jä' to'oxytyëjjktë Jesús twinkunëjkx'eetyë nits t'oyjyaa'w'eetyë ttaxontaktë, nits tyekyëjjxy tmo'kx'oo'ktë, 10nits Jesús nyëë'mxëtë:
—Katij mtsë'ëkëtë. Nëjkx xnëëjmëtë ëjts nmuku'uktëjjk jäts nyëjkxtë't Galilea, jäm ëjts jä' nmëëtnawyaattëtë't.
Tsip'attänääpyë yyëkmujuytyë jäts y'ëëntë't
11Kuts to'oxytyëjjk y'ijjty nyëjkxtë matyakpë, nits ni'ey tsip'attänääpyë nyëjkxtë mëjj kajjpjotm jäts teety niwintsëntëjjk tmatyakkëjjxjäätyë tij y'ijjty tëj tyünyë. 12Nits teety niwintsën t'anëjkx'eetyë majaa'ytyëjjk jä'äts tyamëëtkäjpxy'eetyë tij tyu'ntë'p. Nits këjx'am meeny tmoytyë tsip'attänääpyë, 13jäts mëjk tnëëjmjäätyë:
—Nëm miits mwa'antë't, jäts koots ku miits y'ijjty mma'atë nits jya'atë Jesús y'ixpëjkpëttëjjk jäts nyikkëjjx ttsëmkääjkjäätyë. 14Kuts yëkkuttujkpë tnijawë't, ëëts jä' nmëëtnakyajpxë'p jäts kä' miits tij mtsipjajjtxëtë't.
15Nits tsip'attänääpyë meeny tkontsootë jäts najj ttuntë naa'xkë'n yyëknëëjmjäätyë. Najjts judíostëjjk ixyam paat ya'at ayuujk tkajpxtë tmatya'aktë.
Jesús tunk ttakkë'wanë y'ixpëjkpëttëjjk
(Mr 16.14-18; Lc 24.36-49; Jn 20.19-23)
16Nits wä'n nimajktu'uk ixpëjkpëttëjjk nyëjkxtë Galilea, jä' kojpk këjxm mati' Jesús ttani'ijx'ajjtëtë. 17Ku jäm tmëëtnapyaajtëtë Jesús jäts t'oyjyaa'w'eetyë ttaxontaktë oyë'm jä' y'ijjty nitukkë'yë tkattëyjyaawëtënë'm. 18Nits Jesús nyimiijnëtë winkon jäts nyëë'mxëtë:
—Tëj ëjts Yës Teety xmo'oy mëjk'ajjt jäts nyëkkuttukt tsajpjotm mëët yaj it naxwiiny. 19Nëjkxtë'ts miits tukkë'yë tsajp'akita'aky nax'akita'aky jäts nnëëjmëtë jaa'y nits ëjts xpatuu'yo'oyty; yyëknëppät'të Yës Teety xyëëw këjxm, y'Uu'nk jäts Jyaa'wë'n këjxm, 20jäts ttokjat'të tkuytyu'ntë't tukkë'yë mati' ëjts miits tëj ntappawa'any. Nnijawëtë jäts ijtp ëjts miits nmëëtjää'jëtë't, kunë'm it naxwiin kyutakko'yty
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.