Sakaraiya 6
6
Ukpadñkpọ Enañmbakara Inaañ
1Ami mmaamaana ndịppe anyen nse, ndin ke iso mmi ami mmaakịt naña ukpadñkpọ enañmbakara inaañ ekewuọñọ ke ufañ ikpọabod iba, mme ikpọabod brọns. 2Akpa ukpadñkpọ akenie ndad-ndad enañmbakara, ayọhọ iba anie mbubịd, 3ayọhọ enañmbakara ita anie mfia, ndin ayọhọ inaañ akedo adọọñọ ñkem, afịd ammọ emaekop adudu. 4Ami mmaabịp enyere a-aketañña ikọ ye ami mbo, “Abọọñ mmi, mme ñkpọ ami edo nsoo?”
5Enyere ado amambọọrọ miin ate, “Mbon ami edo mme sịbidịd inaañ e-etooho anyọñ, e-ewuọñọke eto ke iso Abọọñ afịd ederimbod. 6Anye mme mbubịd enañmbakara aka ukañ abio adoro, anye ake mfia enañmbakara aka ukañ usobutịn, ndin anye ake mme adọọñọ ñkem enañmbakara aka ukañ usuuk.”
7Ke ini mme akop adudu enañmbakara ekewuọñọke, ammọ ekeyem edisọsọp ñkaa ñkekanna afịd iso isọñ. Ndin anye amaabo, “Ikaa ke afịd iso isọñ!” Ke ntoro ammọ emaekaa ekekanna ke afịd iso isọñ.
8Ndin anye amañkoot miin anyʌñ abo ate, “Se, mbon se ika abio adoro e-enọ Sịbidịd mmi nduọkadudu ke isọñ adoro.”
Enọ Yọsua Anyanya
9Ami akeboiyo, ikọ Abọọñ amaadinsịm miin, ate: 10“Bọi silfa ye kold to mbon e-eketañña esio, Heldai, Tobiya ye Yedaiya, e-eketooho Babilọn edi. Kaa ufọk Yosaiya ayịn Sefanaiya kpa usen ado. 11Ben silfa ye kold ado nam anyanya, nyʌñ yat ke iwuod akwa aku, Yọsua ayịn Yosadak. 12Dọkkọ anye bo ke se Abọọñ Andikponñkan atañ ado ami: ‘Anye ami ado awo a-anyịñ amọ adooho Ñkọk, anye ñko ayaasakka awuọ ke itie amọ anyʌñ akebọp tembịd Abọọñ. 13Anye ado awo se idiibọp tembịd Abọọñ, ndin eyaesịn anye afọñ ubọọñ, ñkọ anye ayaatie anyʌñ akara ke ebekpo amọ. Anye ayaanyʌñ ado aku ke ebekpo amọ. Ñko ndukoppo ayaaba ke ufọọd ammọ iba.’ 14Ediinọ Heldai, Tobiya, Yedaiya ye Hen ayịn Sefanaiya anyanya ubọọñ nte ñkpọ aditoiyo ke tembịd Abọọñ. 15Mbon se iba ke anyan usʌñ eyaeto edi edinwam adibọp tembịd Abọọñ, ndin afo ayaadiọọñọ ke Abọọñ Andikponñkan akendọñ miin unọọ fiin. Ami adiitịppe adieke afo anekkeke akpañ utọñ akop uyio Abọọñ Abasi mfo.”
Айни замон обунашуда:
Sakaraiya 6: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Sakaraiya 6
6
Ukpadñkpọ Enañmbakara Inaañ
1Ami mmaamaana ndịppe anyen nse, ndin ke iso mmi ami mmaakịt naña ukpadñkpọ enañmbakara inaañ ekewuọñọ ke ufañ ikpọabod iba, mme ikpọabod brọns. 2Akpa ukpadñkpọ akenie ndad-ndad enañmbakara, ayọhọ iba anie mbubịd, 3ayọhọ enañmbakara ita anie mfia, ndin ayọhọ inaañ akedo adọọñọ ñkem, afịd ammọ emaekop adudu. 4Ami mmaabịp enyere a-aketañña ikọ ye ami mbo, “Abọọñ mmi, mme ñkpọ ami edo nsoo?”
5Enyere ado amambọọrọ miin ate, “Mbon ami edo mme sịbidịd inaañ e-etooho anyọñ, e-ewuọñọke eto ke iso Abọọñ afịd ederimbod. 6Anye mme mbubịd enañmbakara aka ukañ abio adoro, anye ake mfia enañmbakara aka ukañ usobutịn, ndin anye ake mme adọọñọ ñkem enañmbakara aka ukañ usuuk.”
7Ke ini mme akop adudu enañmbakara ekewuọñọke, ammọ ekeyem edisọsọp ñkaa ñkekanna afịd iso isọñ. Ndin anye amaabo, “Ikaa ke afịd iso isọñ!” Ke ntoro ammọ emaekaa ekekanna ke afịd iso isọñ.
8Ndin anye amañkoot miin anyʌñ abo ate, “Se, mbon se ika abio adoro e-enọ Sịbidịd mmi nduọkadudu ke isọñ adoro.”
Enọ Yọsua Anyanya
9Ami akeboiyo, ikọ Abọọñ amaadinsịm miin, ate: 10“Bọi silfa ye kold to mbon e-eketañña esio, Heldai, Tobiya ye Yedaiya, e-eketooho Babilọn edi. Kaa ufọk Yosaiya ayịn Sefanaiya kpa usen ado. 11Ben silfa ye kold ado nam anyanya, nyʌñ yat ke iwuod akwa aku, Yọsua ayịn Yosadak. 12Dọkkọ anye bo ke se Abọọñ Andikponñkan atañ ado ami: ‘Anye ami ado awo a-anyịñ amọ adooho Ñkọk, anye ñko ayaasakka awuọ ke itie amọ anyʌñ akebọp tembịd Abọọñ. 13Anye ado awo se idiibọp tembịd Abọọñ, ndin eyaesịn anye afọñ ubọọñ, ñkọ anye ayaatie anyʌñ akara ke ebekpo amọ. Anye ayaanyʌñ ado aku ke ebekpo amọ. Ñko ndukoppo ayaaba ke ufọọd ammọ iba.’ 14Ediinọ Heldai, Tobiya, Yedaiya ye Hen ayịn Sefanaiya anyanya ubọọñ nte ñkpọ aditoiyo ke tembịd Abọọñ. 15Mbon se iba ke anyan usʌñ eyaeto edi edinwam adibọp tembịd Abọọñ, ndin afo ayaadiọọñọ ke Abọọñ Andikponñkan akendọñ miin unọọ fiin. Ami adiitịppe adieke afo anekkeke akpañ utọñ akop uyio Abọọñ Abasi mfo.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.