Sakaraiya 5
5
Ufọfuurọ Ikpañwed
1Ami mmaamaana nse, se ufọfuurọ ikpañwed ke iso mmi.
2Enyere ado amambịp abo, “Nsoo ke afo akịt?”
Ami mmaabọọrọ anye mbo, “Ami ñkịt ufọfuurọ ikpañwed, anyọọñọ anyan kubid edịb anyʌñ anwaña kubid duob#5:2 A-adooho ñkpọ nte ikpad 30 ke unyọọñ ye ikpad 15 ke ukpa me mita 9 ke unyọọñ ye mita 4.5 ke ukpa ke ukpa.”
3Akem anye amambo miin ate, “Anye ami ado isuuñọ a-awuọhọ akara afịd isọñ; sia se anye atañ ke ñkañ keed ado ke eyaebịne afịd inọ esio, ndin se anye atañ ke ñkañ uko ado ke eyaebịne afịd awo se inwọñọ ñkpọ ke nsu esio. 4Abọọñ Andikponñkan abo, ‘Ami ñyaasio isuuñọ mfep, ndin anye ayaadʌk ufọk awo inọ ye ufọk awo a-anwọñọke ñkpọ ke anyịñ mmi ke nsu. Anye ayaasʌhọ ke esịd ufọk ado anyʌñ abiat anye afịd-afịd, asobo eto ye itiad.’ ”
Awonwaan ke Esịd Akpasa
5Ndin enyere a-aketañña ikọ ye ami amaawuọ adi anyʌñ adimbo, “Dịppe anyen mfo ke anyọñ nyʌñ se se iwuọ ida ami.”
6Ami mmaabịp mbo, “Nsoo ido ado?”
Anye amaabọọrọ, “Akpasa ke ado.” Ndin anye amaamaana adian abo, “Anyem ado ukwaññkpọ mme awo ke afịd isọñ.”
7Akem, emaefʌkkọ ukʌb ñked esio, ndin se awonwaan mi nte atie ke esịd akpasa! 8Anye amaabo ate, “Anye ami ado ibak,” enyere ado amaanyʌñ anək awonwaan ado asịn ke akpasa anyʌñ akʌp anye ke ukʌb ñked.
9Ndin ami ñkedịppe anyen ke anyọñ, mmaakịt ibaan iba ke iso mmi, e-ekekamake afịm ke mba ammọ! Ammọ ekenie mba nte ikpañinyañ, ndin ammọ emaebenne akpasa ado ke ufọọd anyọñ ye isọñ.
10Ami mmaabịp enyere a-aketañña ikọ ye ami mbo, “Ammọ eben akpasa ado eka uke?”
11Anye amambọọrọ, “Eben eka idịd Babilọn nọ ekebọp ufọk enọ anye. Emaebọp ufọk ado ema, eyaenịm akpasa ado ke itie amọ.”
Айни замон обунашуда:
Sakaraiya 5: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Sakaraiya 5
5
Ufọfuurọ Ikpañwed
1Ami mmaamaana nse, se ufọfuurọ ikpañwed ke iso mmi.
2Enyere ado amambịp abo, “Nsoo ke afo akịt?”
Ami mmaabọọrọ anye mbo, “Ami ñkịt ufọfuurọ ikpañwed, anyọọñọ anyan kubid edịb anyʌñ anwaña kubid duob#5:2 A-adooho ñkpọ nte ikpad 30 ke unyọọñ ye ikpad 15 ke ukpa me mita 9 ke unyọọñ ye mita 4.5 ke ukpa ke ukpa.”
3Akem anye amambo miin ate, “Anye ami ado isuuñọ a-awuọhọ akara afịd isọñ; sia se anye atañ ke ñkañ keed ado ke eyaebịne afịd inọ esio, ndin se anye atañ ke ñkañ uko ado ke eyaebịne afịd awo se inwọñọ ñkpọ ke nsu esio. 4Abọọñ Andikponñkan abo, ‘Ami ñyaasio isuuñọ mfep, ndin anye ayaadʌk ufọk awo inọ ye ufọk awo a-anwọñọke ñkpọ ke anyịñ mmi ke nsu. Anye ayaasʌhọ ke esịd ufọk ado anyʌñ abiat anye afịd-afịd, asobo eto ye itiad.’ ”
Awonwaan ke Esịd Akpasa
5Ndin enyere a-aketañña ikọ ye ami amaawuọ adi anyʌñ adimbo, “Dịppe anyen mfo ke anyọñ nyʌñ se se iwuọ ida ami.”
6Ami mmaabịp mbo, “Nsoo ido ado?”
Anye amaabọọrọ, “Akpasa ke ado.” Ndin anye amaamaana adian abo, “Anyem ado ukwaññkpọ mme awo ke afịd isọñ.”
7Akem, emaefʌkkọ ukʌb ñked esio, ndin se awonwaan mi nte atie ke esịd akpasa! 8Anye amaabo ate, “Anye ami ado ibak,” enyere ado amaanyʌñ anək awonwaan ado asịn ke akpasa anyʌñ akʌp anye ke ukʌb ñked.
9Ndin ami ñkedịppe anyen ke anyọñ, mmaakịt ibaan iba ke iso mmi, e-ekekamake afịm ke mba ammọ! Ammọ ekenie mba nte ikpañinyañ, ndin ammọ emaebenne akpasa ado ke ufọọd anyọñ ye isọñ.
10Ami mmaabịp enyere a-aketañña ikọ ye ami mbo, “Ammọ eben akpasa ado eka uke?”
11Anye amambọọrọ, “Eben eka idịd Babilọn nọ ekebọp ufọk enọ anye. Emaebọp ufọk ado ema, eyaenịm akpasa ado ke itie amọ.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.