Sakaraiya 4
4
Ñkpọ Udodutuenikañ ake Kold ye Eto Ọlif Iba
1Ami akeboiyo, enyere a-aketañña ikọ ye ami amaatịmme adintọi miin, nte awo etọiyọ ke idab. 2Anye amambịp miin ate, “Nsoo ke afo akịt?”
Ami mmaabọọrọ nte, “Ami ñkịt udodutuenikañ a-ataa kold ye ntotəño bọwịd ke anyọñ ye utuenikañ itiaba ke anyọñ amọ, ye mme edemeikañ itiaba ammọ. 3Ñko eto ọlif iba e-eda ekpere anye, keed ke ubọk nnasia bọwịd, keed ke ubọk ufiin.”
4Ami mmaabịp enyere a-aketañña ikọ ye ami mbo, “Abọọñ mmi, mme nsoo ido ami?”
5Enyere amambọọrọ, “Nte afo udiọọñọke se ammọ edoñño?”
Ami mmaabọọrọ, “Iyoo, abọọñ mmi.”
6Ndin anye amambo miin ate, “Ami ado ikọ A-Abọọñ anọọhọ esọk Serubabel: ‘Idooho ke akpọsọñ ukeme me ke adudu, ado ato ke Sịbidịd mmi,’ Abọọñ Andikponñkan atañ.
7“Nsoo ke afo ado, akpọsọñ ekamba abod? Afo ayaakappa ado unaisọñ ke iso Serubabel. Ndin anye ayaasio anaidak itiad nọ ebọñ ñkpo ebo, ‘Abasi adiọñ anye! Abasi adiọñ anye!’ ”
8Akem ikọ Abọọñ amaadi ambịne miin ate: 9“Ubọk Serubabel akesịn itiad idakisọñ tembịd ami; ubọk amọ adiinyʌñ ibọp anye ikiwuọ utịd. Ke ntoro afo ayaadiọọñọ ke Abọọñ Andikponñkan andọñ miin unọọ fiin.
10“Anie awo asịn usen ntək ñkpọ ke ndek, sia anyen Abọọñ itiaba e-edaaha emọọnọ afịd ederimbod eyaenyʌñ edaara ke ini ammọ ekịtte anaidak itiad e-emekke ke ubọk Serubabel?”
11Ndin ami mmaabịp enyere ado nte, “Nsoo ido mme eto ọlif iba ami ke nnasia ye ke ufiin itie ñkpọ udodutuenikañ?”
12Ñko ami mmaamaana mbịp anye mbo, “Nsoo ido mme ñkọk eto ọlif iba ami ke ñkañ adʌk kold iba enwaññake adan kold esio?”
13Anye amaabọọrọ, “Nte afo udiọọñọke se ammọ edo?”
Ami mmaabo, “Iyoo, abọọñ mmi.”
14Ndin anye amaabo, “Ammọ edo mbon se eyet adan enịm adinam ñkpọ nnọọ Abọọñ afịd iso isọñ.”
Айни замон обунашуда:
Sakaraiya 4: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.