Maak 6
6
Prọfed i-Imiinieghe Ukpono
1Yisọs amaakpọñ itie ado ye mme mbed amọ akaa idʌñ amọ. 2Akekem ke usen Sabad, anye amaatọọñọ adikpeep ñkpọ ke sinakọk, ndin idem amaakpa uwak awo se ikikop ukpeebñkpọ amọ; ammọ emaenyʌñ ebịp ete,
“Ke mmọọ ke awo ami akedat afịd ukpeeb ami ato? Nsoo utọ aniọñ ke enọ anye ami? Nsoo ido utọ ñwuọnda utịppeñkpọ a-anye anamma ami? 3Idooho akabinta ado ami? Idooho ayịn Mmeri ado ami, ayịneka awodeen Yems, Yosef#6:3 Ke usem Greek, Yosesado Yosef, Yudas ye Saimọn? Nte nditọeka amọ ibaan ibaaha mi ye ñnyịn?” Ndin ammọ emaeyat esịd ebaña anye.
4Ndin Yisọs amaabo ammọ ate, “Prọfed inanake ukpono ibọhọke ke abio amọ, ye ke atu mme ayakka amọ, ye ke ubon amọ.” 5Anye ikikanna inam mme utịppeñkpọ do, ibọhọke adidot akpọ awo ifañ ubọk ke iwuod i-idem mmiikisọññọ ñnyʌñ ñkọk ammọ udọñọ. 6Idem amaakpa anye eti-eti ke unana mbuọdidem ammọ.
Yisọs Adọñ Mme Mbed Duob mme Iba Utom
Ndin Yisọs amaasaaña ke idʌñ ke idʌñ akpeep ikọ Abasi. 7Akem anye amaakoot mme mbed amọ duob mme iba adọñ ammọ awo iba-iba, ndin amaanyʌñ anọ ammọ adudu adibịn mme ndedeghe sịbidịd nsịññe.
8Anye amaanọ ammọ item ate, “Ikiikama ñkpọ ndomokeed ke isañ ami, nte uyo, me ekpad, me akʌk ke ñkpahaisịn, ibọhọke esañ. 9Isịne ikpaukod, ado ikiikama ukpʌhọ afọñidem. 10Ufọk akeedodo a-ndufo edʌkkọ, itie do tutu ndufo ekpọñ abio ado. 11Ndin itie akeedodo i-imiidaarake ndufo, i-imiinyʌññọ ikpañ utọñ inọ ndufo, imaikpọñ ndo, ikeñ ntan ñkpad ndufo ibono nte ntiense ubiomikpe inọ ammọ.”
12Mme mbed amọ emaewuọñọ ekekwọrọ ikọ Abasi, ete yak mme awo ekappa esịd. 13Ammọ emaenyʌñ ebịn uwak dimọn esịññe mme awo ke idem, eyet mbon udọñọ adan enyʌñ ekọk ammọ udọñọ.
Ekpịkke Yọọn Aduọkmmọọñ Iwuod
14Adidem Herọd amaakop abaña se ikitịppe sia anyịñ Yisọs amaasuana. Usʌk emaetọọñọ etañ#6:14 Usʌk mme akpa ikpañwed ewet, Anye akebo ete, “Yọọn Aduọkmmọọñ aset ke ñkpa, anye ado ntak mme utịppe adudu enamma utom ke idem amọ.”
15Mbon mfen emaebo, “Anye ado Elaiya.”
Usʌk mbon mfen ekekere ebo, “Anye ado prọfed, nte keed ke atu mme prọfed esed.”
16Ado ke ini Herọd akekoppo ami, anye amaabo, “Yọọn, a-ami ñkekpịkkeke iwuod aset ke ñkpa!”
17Sia ado Herọd ke idem amọ akenọọ uyio ate emʌm Yọọn esịn ke ufọk ñkpakọb, anye amaanam ebọp anye ekesịn ke ñkpakọb. Anye akenam ami ke ntak Herọdias, anwaan ayịneka amọ Filib, a-anye Herọd akebenne adọ. 18Sia Yọọn amaasidọkkọ Herọd ate, “Mbed a-akpan afo adidat anwaan ayịneka mfo ndọ.” 19Ami akesịn Herọdias anie udu ke esịd amọ abaña Yọọn anyʌñ ayem usʌñ naña akpewot anye. Ado anye ikikịtte usʌñ adinam ntoro, 20sia Herọd amaabaak Yọọn, anyʌñ akekpeme anye ñko, sia anye amaadiọọñọ abo ke Yọọn akedo nnen-nnen ye adisana awo. Ke ini Herọd akekoppo se Yọọn aketañ, idem amaakpa#6:20 Usʌk mme akpa ikpañwed ewet, anye amaanam uwak-uwak ñkpọ anye, ado kpayeado anye akesʌk amama adikpañ utọñ nnọọ Yọọn.
21Ke akpatre Herọdias amaanie ufañ a-anye akeyemme. Ke usen emana Herọd, anye Herọd amaanam ekamba usọrọ anọ ikpọ mbon utom amọ ke ukara, ye mme adaiso ekọñ, ye mme awuọiso awo mfen ke Kalili. 22Ke idaha a-ayịn abọikpa#6:22 Usʌk mme akpa ikpañwed ewet, Ke idaha ayịn abọikpa amọ Herọdias akedinekke unek ke iso Herọd, anye amaanam esịd anem Herọd ye mme isenawo amọ.
Adidem Herọd amaabo ayịn abọikpa ami ate, “Mbeeñe ñkpọ akeedodo se afo ama, ndin ami ñyaunọ.” 23Herọd aketañ ami ye unwọñọ ate, “Se adodo a-afo abeeñeke, ami ñyaunọ, akpedodo mbakka iba abioubọọñ mmi.”
24Ayịn abọikpa ami amaawuọ akebịp eka amọ ate, “Nsoo ke ami ñkpebeeñe adidem?”
Eka amaabọọrọ ate, “Iwuod Yọọn Aduọkmmọọñ.”
25Ini keed, ayịn abọikpa ado amaasọp afeghe akedọkkọ adidem ate: “Ami ñyem afo annọ miin iwuod Yọọn Aduọkmmọọñ ke usan idahami.”
26Adidem amaafʌhọ eti-eti, ado sia akedooho enwọñọ amọ ye ke ntak mme ikpọ isenawo amọ, anye ikikanna isịn adinọ anye se anye akeyem. 27Ke ndo-ndo ado, adidem amaanọ awodawo adudu ate akekpịkke iwuod Yọọn aben adi. Awo ado amaakaa, akekpịkke Yọọn iwuod ke ufọk ñkpakọb, 28anyʌñ aben adi ke usan. Herọd amaabọ iwuod Yọọn anọ ayịn abọikpa ado, ndin anye amaaben asọk eka amọ. 29Ke ini mme mbed Yọọn ekekoppo etob ami, ammọ emaediben akpo Yọọn ekebuuk ke udi.
Yisọs Anọ Tọsịn Awo Ition Ndidia
30Akem mme abọsịd Yisọs emaedibono ekanna Yisọs ekʌk, enyʌñ etañ afịd ñkpọ se ammọ ekenam ye se ekekpeep enọ anye. 31Ndin sia akedooho uwak awo ededi enyʌñ enyọnyọñọ, ammọ ikinieghe ini se edia kpak ñkpọ, Yisọs amaabo ammọ ate, “Ndufo iñkeene miin nọ ika ndobo-ndobo itie ikibọ nduọkadudu.”
32Ndin ammọ emaedʌk ubom ewat ekaa ndobo-ndobo itie ke idem ammọ ikpọọñ. 33Ado uwak mbon se ikikịt idaha ammọ ekedaañake emaefeeñe abod-abod eto ke afịd mme abio ebem Yisọs ye mme mbed amọ iso ekewuọ itie ammọ ekedibegheke. 34Ke ini Yisọs amaakedibeghe ke isọñ, anyʌñ akịt uwak atu awo, udʌk ammọ amaanam anye sia ammọ ekeba nte mme edọñ i-imiinieghe andikpeme. Ke ntoro, anye amaatọọñọ adikpeep ammọ uwak ñkpọ.
35Amaakediwuọ ini ntom ayio amaasọñ, mme mbed amọ emaedi ebịne anye edibo anye ete, “Itie ami anyọọñ usʌñ akpọñ abio, ñko ayio a-anekke asọñ. 36Nam nọ mme awo ami enyọñọ nọ ammọ ekedep ñkpọ edia ke mme ñkanñkʌk esịd idʌñ.”
37Ado anye amaabọọrọ ammọ ate, “Ndufo inọ ammọ ñkpọ se edia.”
Ammọ emaebọọrọ anye ete, “Ado adiikpa ñkpọ nte akʌk utom afiọñ itiokeed. Ñnyịn idiibiat afịd ado ke adinọ ammọ ndidia yak edia?”
38Anye amaabịp ammọ ate, “Ikaa ikise. Eboho uyo ifañ ke ndufo enie?”
Ammọ ekekekịt, ammọ emaebọọrọ ete, “Uyo ition ye iyak iba.”
39Ndin Yisọs amaabo ammọ ate enam nọ afịd awo etie ke eboho ke eboho ke awawa mbid. 40Ammọ emaenyʌñ ebono ke eboho ke eboho, usʌk ikie, usʌk aba mme duob. 41Yisọs amaakeben uyo ition ye iyak iba ado, anyʌñ amaabenne anyen ase hefịn, anọ Abasi ekọọm, anyʌñ abuuñ mme uyo ado, ndin anye amaayaak anọ mme mbed ate edeeme enọ mme atu awo ado. Anye amaanyʌñ abakka iyak iba ado anọ afịd ammọ. 42Afịd ammọ emaedia ñkpọ enyʌñ ekop uyʌkkọ, 43ndin mme mbed emaetañ mme mbeñe uyo ye iyak se ikisʌhọ a-akeyọhọke akpasa duob mme iba. 44Mme ideen se ikidia ñkpọ ekedo tọsịn ition.
Yisọs Asaña ke Anyọñ Mmọọñ
45Idaha-idaha ado, Yisọs amaanam mme mbed amọ edọñọ ubom, ebem anye iso esañ ke Bedsaida ke ini anye akenamma mme atu awo ado enyọñọ. 46Ke anye amaakekpọñ ammọ, anye amaakaa anyọñ abod akebọñ akam.
47Ke akonayio usen ado, ubom a-mme mbed ekesañake amaakewuọ ufọọd ibiok, ado Yisọs akeba ikpọọñ ke abod. 48Anye amaada akịt naña mme mbed amọ edəho ye udeñ ke esịd ubom sia afịm amaafịme eti-eti. Etək ini mbemiso ndañnsiere, anye amaasaña ke anyọñ mmọọñ ado abịne ammọ. Anye akeyem adisaña mboiyo ammọ, 49ado ke ini ammọ ekekịtte naña anye asaña ke anyọñ ibiok, ammọ emaekere ke anye ado ekpo. Ammọ emaenyʌñ ebọñ ñkpo, 50sia afịd ammọ emaekịt anye ndin ndịk amaanam ammọ eti-eti.
Ukem idahado anye amaabo ammọ, “Isọñ esịd. Ami ke ado. Ikiifeghe ndịk.” 51Ndin anye amaadọọk adʌk ubom ye ammọ, afịm ñko amaadobo. Idem amaanekke akpa ammọ eti-eti, 52sia utịppeñkpọ uyo ado ikinwañake ammọ, sia esịd ammọ amaadoro ufiọọn.
53Ammọ emaekekaaña mmọọñ ekebeghe ke Yenesaded, emaeyịt ubom ke esʌk ado. 54Ammọ ekesʌk ewuọwuọọñọ ke ubom, mme awo emaediọọñọ ke Yisọs ado ado. 55Mme awo ndin emaefeeñe eto afịd ñkanñkʌk udo, ekoono mbon udọñọ ke aya ekaa itie nte ammọ ekekokop ke anye mmọdo aba. 56Itie nte anye akekaaka, me esịd idʌñ, me abio, me inwañ, mme awo emaekoono mbon udọñọ edibono ke mme anwa udua. Ammọ emaekpeiye anye ete ayaak mmimọ ituuk akpekọm mben afọñidem amọ, ndin afịd awo se ikituuk emaekop nsọñidem.
Айни замон обунашуда:
Maak 6: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Maak 6
6
Prọfed i-Imiinieghe Ukpono
1Yisọs amaakpọñ itie ado ye mme mbed amọ akaa idʌñ amọ. 2Akekem ke usen Sabad, anye amaatọọñọ adikpeep ñkpọ ke sinakọk, ndin idem amaakpa uwak awo se ikikop ukpeebñkpọ amọ; ammọ emaenyʌñ ebịp ete,
“Ke mmọọ ke awo ami akedat afịd ukpeeb ami ato? Nsoo utọ aniọñ ke enọ anye ami? Nsoo ido utọ ñwuọnda utịppeñkpọ a-anye anamma ami? 3Idooho akabinta ado ami? Idooho ayịn Mmeri ado ami, ayịneka awodeen Yems, Yosef#6:3 Ke usem Greek, Yosesado Yosef, Yudas ye Saimọn? Nte nditọeka amọ ibaan ibaaha mi ye ñnyịn?” Ndin ammọ emaeyat esịd ebaña anye.
4Ndin Yisọs amaabo ammọ ate, “Prọfed inanake ukpono ibọhọke ke abio amọ, ye ke atu mme ayakka amọ, ye ke ubon amọ.” 5Anye ikikanna inam mme utịppeñkpọ do, ibọhọke adidot akpọ awo ifañ ubọk ke iwuod i-idem mmiikisọññọ ñnyʌñ ñkọk ammọ udọñọ. 6Idem amaakpa anye eti-eti ke unana mbuọdidem ammọ.
Yisọs Adọñ Mme Mbed Duob mme Iba Utom
Ndin Yisọs amaasaaña ke idʌñ ke idʌñ akpeep ikọ Abasi. 7Akem anye amaakoot mme mbed amọ duob mme iba adọñ ammọ awo iba-iba, ndin amaanyʌñ anọ ammọ adudu adibịn mme ndedeghe sịbidịd nsịññe.
8Anye amaanọ ammọ item ate, “Ikiikama ñkpọ ndomokeed ke isañ ami, nte uyo, me ekpad, me akʌk ke ñkpahaisịn, ibọhọke esañ. 9Isịne ikpaukod, ado ikiikama ukpʌhọ afọñidem. 10Ufọk akeedodo a-ndufo edʌkkọ, itie do tutu ndufo ekpọñ abio ado. 11Ndin itie akeedodo i-imiidaarake ndufo, i-imiinyʌññọ ikpañ utọñ inọ ndufo, imaikpọñ ndo, ikeñ ntan ñkpad ndufo ibono nte ntiense ubiomikpe inọ ammọ.”
12Mme mbed amọ emaewuọñọ ekekwọrọ ikọ Abasi, ete yak mme awo ekappa esịd. 13Ammọ emaenyʌñ ebịn uwak dimọn esịññe mme awo ke idem, eyet mbon udọñọ adan enyʌñ ekọk ammọ udọñọ.
Ekpịkke Yọọn Aduọkmmọọñ Iwuod
14Adidem Herọd amaakop abaña se ikitịppe sia anyịñ Yisọs amaasuana. Usʌk emaetọọñọ etañ#6:14 Usʌk mme akpa ikpañwed ewet, Anye akebo ete, “Yọọn Aduọkmmọọñ aset ke ñkpa, anye ado ntak mme utịppe adudu enamma utom ke idem amọ.”
15Mbon mfen emaebo, “Anye ado Elaiya.”
Usʌk mbon mfen ekekere ebo, “Anye ado prọfed, nte keed ke atu mme prọfed esed.”
16Ado ke ini Herọd akekoppo ami, anye amaabo, “Yọọn, a-ami ñkekpịkkeke iwuod aset ke ñkpa!”
17Sia ado Herọd ke idem amọ akenọọ uyio ate emʌm Yọọn esịn ke ufọk ñkpakọb, anye amaanam ebọp anye ekesịn ke ñkpakọb. Anye akenam ami ke ntak Herọdias, anwaan ayịneka amọ Filib, a-anye Herọd akebenne adọ. 18Sia Yọọn amaasidọkkọ Herọd ate, “Mbed a-akpan afo adidat anwaan ayịneka mfo ndọ.” 19Ami akesịn Herọdias anie udu ke esịd amọ abaña Yọọn anyʌñ ayem usʌñ naña akpewot anye. Ado anye ikikịtte usʌñ adinam ntoro, 20sia Herọd amaabaak Yọọn, anyʌñ akekpeme anye ñko, sia anye amaadiọọñọ abo ke Yọọn akedo nnen-nnen ye adisana awo. Ke ini Herọd akekoppo se Yọọn aketañ, idem amaakpa#6:20 Usʌk mme akpa ikpañwed ewet, anye amaanam uwak-uwak ñkpọ anye, ado kpayeado anye akesʌk amama adikpañ utọñ nnọọ Yọọn.
21Ke akpatre Herọdias amaanie ufañ a-anye akeyemme. Ke usen emana Herọd, anye Herọd amaanam ekamba usọrọ anọ ikpọ mbon utom amọ ke ukara, ye mme adaiso ekọñ, ye mme awuọiso awo mfen ke Kalili. 22Ke idaha a-ayịn abọikpa#6:22 Usʌk mme akpa ikpañwed ewet, Ke idaha ayịn abọikpa amọ Herọdias akedinekke unek ke iso Herọd, anye amaanam esịd anem Herọd ye mme isenawo amọ.
Adidem Herọd amaabo ayịn abọikpa ami ate, “Mbeeñe ñkpọ akeedodo se afo ama, ndin ami ñyaunọ.” 23Herọd aketañ ami ye unwọñọ ate, “Se adodo a-afo abeeñeke, ami ñyaunọ, akpedodo mbakka iba abioubọọñ mmi.”
24Ayịn abọikpa ami amaawuọ akebịp eka amọ ate, “Nsoo ke ami ñkpebeeñe adidem?”
Eka amaabọọrọ ate, “Iwuod Yọọn Aduọkmmọọñ.”
25Ini keed, ayịn abọikpa ado amaasọp afeghe akedọkkọ adidem ate: “Ami ñyem afo annọ miin iwuod Yọọn Aduọkmmọọñ ke usan idahami.”
26Adidem amaafʌhọ eti-eti, ado sia akedooho enwọñọ amọ ye ke ntak mme ikpọ isenawo amọ, anye ikikanna isịn adinọ anye se anye akeyem. 27Ke ndo-ndo ado, adidem amaanọ awodawo adudu ate akekpịkke iwuod Yọọn aben adi. Awo ado amaakaa, akekpịkke Yọọn iwuod ke ufọk ñkpakọb, 28anyʌñ aben adi ke usan. Herọd amaabọ iwuod Yọọn anọ ayịn abọikpa ado, ndin anye amaaben asọk eka amọ. 29Ke ini mme mbed Yọọn ekekoppo etob ami, ammọ emaediben akpo Yọọn ekebuuk ke udi.
Yisọs Anọ Tọsịn Awo Ition Ndidia
30Akem mme abọsịd Yisọs emaedibono ekanna Yisọs ekʌk, enyʌñ etañ afịd ñkpọ se ammọ ekenam ye se ekekpeep enọ anye. 31Ndin sia akedooho uwak awo ededi enyʌñ enyọnyọñọ, ammọ ikinieghe ini se edia kpak ñkpọ, Yisọs amaabo ammọ ate, “Ndufo iñkeene miin nọ ika ndobo-ndobo itie ikibọ nduọkadudu.”
32Ndin ammọ emaedʌk ubom ewat ekaa ndobo-ndobo itie ke idem ammọ ikpọọñ. 33Ado uwak mbon se ikikịt idaha ammọ ekedaañake emaefeeñe abod-abod eto ke afịd mme abio ebem Yisọs ye mme mbed amọ iso ekewuọ itie ammọ ekedibegheke. 34Ke ini Yisọs amaakedibeghe ke isọñ, anyʌñ akịt uwak atu awo, udʌk ammọ amaanam anye sia ammọ ekeba nte mme edọñ i-imiinieghe andikpeme. Ke ntoro, anye amaatọọñọ adikpeep ammọ uwak ñkpọ.
35Amaakediwuọ ini ntom ayio amaasọñ, mme mbed amọ emaedi ebịne anye edibo anye ete, “Itie ami anyọọñ usʌñ akpọñ abio, ñko ayio a-anekke asọñ. 36Nam nọ mme awo ami enyọñọ nọ ammọ ekedep ñkpọ edia ke mme ñkanñkʌk esịd idʌñ.”
37Ado anye amaabọọrọ ammọ ate, “Ndufo inọ ammọ ñkpọ se edia.”
Ammọ emaebọọrọ anye ete, “Ado adiikpa ñkpọ nte akʌk utom afiọñ itiokeed. Ñnyịn idiibiat afịd ado ke adinọ ammọ ndidia yak edia?”
38Anye amaabịp ammọ ate, “Ikaa ikise. Eboho uyo ifañ ke ndufo enie?”
Ammọ ekekekịt, ammọ emaebọọrọ ete, “Uyo ition ye iyak iba.”
39Ndin Yisọs amaabo ammọ ate enam nọ afịd awo etie ke eboho ke eboho ke awawa mbid. 40Ammọ emaenyʌñ ebono ke eboho ke eboho, usʌk ikie, usʌk aba mme duob. 41Yisọs amaakeben uyo ition ye iyak iba ado, anyʌñ amaabenne anyen ase hefịn, anọ Abasi ekọọm, anyʌñ abuuñ mme uyo ado, ndin anye amaayaak anọ mme mbed ate edeeme enọ mme atu awo ado. Anye amaanyʌñ abakka iyak iba ado anọ afịd ammọ. 42Afịd ammọ emaedia ñkpọ enyʌñ ekop uyʌkkọ, 43ndin mme mbed emaetañ mme mbeñe uyo ye iyak se ikisʌhọ a-akeyọhọke akpasa duob mme iba. 44Mme ideen se ikidia ñkpọ ekedo tọsịn ition.
Yisọs Asaña ke Anyọñ Mmọọñ
45Idaha-idaha ado, Yisọs amaanam mme mbed amọ edọñọ ubom, ebem anye iso esañ ke Bedsaida ke ini anye akenamma mme atu awo ado enyọñọ. 46Ke anye amaakekpọñ ammọ, anye amaakaa anyọñ abod akebọñ akam.
47Ke akonayio usen ado, ubom a-mme mbed ekesañake amaakewuọ ufọọd ibiok, ado Yisọs akeba ikpọọñ ke abod. 48Anye amaada akịt naña mme mbed amọ edəho ye udeñ ke esịd ubom sia afịm amaafịme eti-eti. Etək ini mbemiso ndañnsiere, anye amaasaña ke anyọñ mmọọñ ado abịne ammọ. Anye akeyem adisaña mboiyo ammọ, 49ado ke ini ammọ ekekịtte naña anye asaña ke anyọñ ibiok, ammọ emaekere ke anye ado ekpo. Ammọ emaenyʌñ ebọñ ñkpo, 50sia afịd ammọ emaekịt anye ndin ndịk amaanam ammọ eti-eti.
Ukem idahado anye amaabo ammọ, “Isọñ esịd. Ami ke ado. Ikiifeghe ndịk.” 51Ndin anye amaadọọk adʌk ubom ye ammọ, afịm ñko amaadobo. Idem amaanekke akpa ammọ eti-eti, 52sia utịppeñkpọ uyo ado ikinwañake ammọ, sia esịd ammọ amaadoro ufiọọn.
53Ammọ emaekekaaña mmọọñ ekebeghe ke Yenesaded, emaeyịt ubom ke esʌk ado. 54Ammọ ekesʌk ewuọwuọọñọ ke ubom, mme awo emaediọọñọ ke Yisọs ado ado. 55Mme awo ndin emaefeeñe eto afịd ñkanñkʌk udo, ekoono mbon udọñọ ke aya ekaa itie nte ammọ ekekokop ke anye mmọdo aba. 56Itie nte anye akekaaka, me esịd idʌñ, me abio, me inwañ, mme awo emaekoono mbon udọñọ edibono ke mme anwa udua. Ammọ emaekpeiye anye ete ayaak mmimọ ituuk akpekọm mben afọñidem amọ, ndin afịd awo se ikituuk emaekop nsọñidem.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.