Maak 12
12
Ñke mme Atọinwañ
1Ndin Yisọs amaatọọñọ aditañ ikọ nnọọ ammọ ke ñke, ate: “Awo keed aketọ inwañ fain. Anye amaabọp ndibene akanna inwañ ado, atịppe ube unyịmme ukọd anyʌñ abọp itie ukpeme. Anye amaaben inwañ ami anọ mme atọinwañ ate ekpeme, ndin adakka akaa isañ ke itie mfen. 2Ini idọk akedikem anye amaadọñ ayịnufọk ate aka akebọ mme atọinwañ ami ubaak mfịd ke inwañ fain. 3Ado ammọ emaemʌm ayịnufọk ami, etịm anye, enyʌñ enọ anye anyọñ ubọk-ubọk. 4Akem anye amaamaana adọñ ayịnufọk mfen aka abịne ammọ; ammọ emaemia anye ado iwuod enyʌñ esuenne anye. 5Anye amaamaana anọ awo mfen aka, anye ami ammọ emaemʌm ewot. Anye amaanọ uwak mbio mfen, ado ammọ etetịm usʌk, enyʌñ ewowot usʌk.
6 “Anye amaanie awo keed a-akesʌhọke anye adidọñ, ayịn amọ awodeen, a-anye akemaaha. Anye akenọ anye aka akpatre, abo ate, ‘Ammọ eyaekpono ayịn mmi.’
7 “Ado mbon e-ekenọọhọ inwañ ekama emaetie edioomo ye emọ-emọ ete, ‘Adiaakpa amọ ado ami. Idi, yak ñnyịn iwot anye, ndin udeeme ñkpọ amọ ayaakappa ado ake ñnyịn.’ 8Ndin ammọ emaemʌm anye ewot, etop akpo amọ esio ke inwañ fain ado.
9 “Nsoo ndin ke andinie inwañ fain ami adiinam? Anye ayaadi adiwoot mbon e-ekekamake inwañ fain ado, anyʌñ aben inwañ fain ado anọ mbon mfen. 10Nte ndufo ikoodo se ewet ke itie Ñwed Abasi ami ete,
“ ‘Itiad a-mme abọbufọk ekesịnne
akappa ado itiad inuuk.
11 Abọọñ anam ami,
ndin anye ado utịppe ñkpọ ke anyen ñnyịn.’ ”
12Ndin mme ñkpoon aku, ye mme akpeeb mbed ye mme ñkpisọñ emaeyem usʌñ naña ekpesaña emʌm anye, sia ammọ emaediọọñọ ke anye aketop ñke ami ibaña mmimọ. Ado ammọ ekebaak atu awo; ado anam ammọ emaedakka ekpọñ anye enyọñọ.
Ukpe Taks Nnọọ Ukara Sisa
13Akem ammọ emaedọñ ubaak mme Farisi ye mbon nsaña Herọd ebịne Yisọs nọ ekemʌm anye ke ikọ inua amọ. 14Mbon ami emaekaa ekebo anye ete, “Andikpeeb, ñnyịn imidiọọñọ ke afo ado awo akpanikọ, awo ikanna aduben fiin ntịn usʌñ sia afo ubaaha awo anyen, ado afo akpeep usʌñ Abasi ke akpanikọ. Nte anen ñnyịn adikpe taks#12:14 Asaña-asaña taks ukara mbon ekebaaha ke idak ukara Sisa ekesikpeeghe, ado mme amanaisọñ Rom ikisikpeeghe ukara nnọọ Sisa, me inenne? 15Ado se ikpe, me itre adikpe?”
Ado Yisọs amaadiọọñọ ñkara ye mbubịk esịd ammọ. Anye amaabịp ammọ ate, “Ntak a-ndufo ekọọhọ afia ennọ miin-e? Iben akʌk ado idi nọ ami nse.” 16Ammọ emaeben akʌk edi. Anye amaabịp ammọ ate, “Ndise anie awo ido ami? Anyịñ anie awo ke ewet ami?”
Ammọ emaebọọrọ ete, “Ake Sisa.”
17Ndin Yisọs amaabo ammọ: “Iyaak ñkpọ se inie Sisa inọ Sisa, ndin se inie Abasi iyaak inọ Abasi.”
Idem amaakpa ammọ eti-eti abaña anye.
Udọ Ndọ ke Ini Adiset ke Ñkpa
18Ndin mme Sadusi, e-ebooho ke adised ke ñkpa ibaaha, emaeben mbuume ebịne Yisọs ete, 19“Andikpeeb, Moses amaawet abo, awodeen akpekpa akpọñ anwaan ado ibonno nditọ, ayịneka amọ awodeen ana aben ebekpa anwaan ado adọ nọ abon nditọ anọ anye. 20Nditọeka ideen itiaba ekeba. Akpa awo amaadọ anwaan, akpa, inieghe ayịn. 21Ayọhọ iba amaaben ebekpa anwaan ayịneka adọ, ado anye ñko amaakpa inieghe ayịn. Ukem ado aketịppe anọ ayọhọ ayịneka awodeen ita. 22Ke aditʌm ntañ, ndomokeed ke atu nditọeka itiaba e-ekedọọhọ awonwaan ami a-akenieghe ayịn ato anye ikibaaha. Ke akpatre, awonwaan ami amaanyʌñ adikpa. 23Ke ini adised ke ñkpa, anwaan anie ke atu ado ke anye adiido, sia naña awo itiaba emaedọ anye?”
24Yisọs amaabọọrọ ate, “Ikịtte ke ndufo emenam ndudue sia ndufo idiọọñọke ikọ Abasi inyʌññọ idiọọñọ adudu Abasi? 25Mme akpañkpa emaeset, ammọ idiidọọhọ ndọ idiinyʌññọ inọ ke ndọ; ammọ ediitie nte mme enyere ke hefịn. 26Ke abaña mme akpañkpa ediset, ado nte ndufo ikoodo ke ñwed Moses, ke mbʌk i-ikañ aketaaha ikọd, naña Abasi akebo Moses ate, ‘Ami ndo Abasi Ebraham, Abasi Aisik, ye Abasi Yekọb?’ 27Anye idooho Abasi mme akpañkpa, ado Abasi mme aduuwem. Ndufo emenam ataa akpan ndudue!”
Akaakan Mbed
28Keed ke atu mme andikpeeb mbed a-akediighe abịne Yisọs amaakop nte ammọ esʌk efaaña mfaaña. Anye akekop ke Yisọs amaanọ ammọ nnekke-nnekke ibọọrọ, amaabịp anye abo, “Ke atu afịd mme mbed, akee ado akaakan?”
29Yisọs amaabọọrọ ate, “Andikpon ñkan ke afịd mbed ado ami: ‘Kop, O Isrel: Abọọñ Abasi ñnyịn ado keed. 30Ima Abọọñ Abasi ndufo ke afịd esịd ndufo ye ke afịd ukpọñ ndufo ye ke afịd akikere ndufo ye ke afịd adudu ndufo.’ 31Ayọhọ iba ado ami: ‘Ima mbọhọidʌñ ndufo nte idem ndufo.’ Ibaaha mbed a-akponno akan mbon ami.”
32Awo ami amaabọọrọ ate, “Andikpeeb, akpanikọ ke afo atañ, ado ataa nnen-nnen afo adibo ke Abasi ado keed, ke mfen ibaaha ke mmiibọhọke anye. 33Adima anye ke afịd esịd mfo ye ke afịd ifiọk mfo, ye ke afịd adudu mfo, anyʌñ ama mbọhọidʌñ mfo nte idem mfo, a-akpon akan afịd ufọfọb uwa ye mme nsio-nsio uwa mfen.”
34Ke ini Yisọs amaakekịt ke anye amaabọọrọ ye ayọhọ aniọñ, anye amaabo anye ate: “Afo unyọọñọ usʌñ ukpọñ abioubọọñ Abasi.” Ndin tọọñọ ke idaha ado kaa iso awo ndomokeed ikideeghede ibịp anye mbịme mfen aba.
Krais Ado Ayịn Anie?
35Ke ini Yisọs akesʌkkọ akpeep ñkpọ ke mme akwere tembịd, anye amaabịp ate, “Nsoo ido ntak nọ mme andikpeeb mbed ebo ke Krais ado ayịn Defid? 36Defid ke idem amọ, ke ini atañña ikọ ato ke adudu Adisana Sịbidịd, amaabo anwa-anwa ate:
“ ‘Abọọñ amaabo Abọọñ mmi ate,
“Tie ke ubọk nnasia mmi
tutu ami nsịn mme asua mfo
ke idak ñkpad mfo.” ’
37 Defid ke idem amọ akoot anye ‘Abọọñ.’ Anye akpenam die ndin ado ayịn Defid?”
Uwak atu awo emaekpañ utọñ ekop ikọ amọ ye inemesịd.
Ndʌdutọñ e-Enọọhọ mme Andikpeeb Mbed
38Naña Yisọs akekpeebe ñkpọ, anye amaabo ammọ ate, “Ikpeme mme andikpeeb mbed sia ammọ ema adisịne ñweem-ñweem afọñ nsaaña ke efaak, enyʌñ eyem afịd awo etuak iwuod ekpono ammọ ke anwa udua, 39enyʌñ ema mme ñwuọnda itie ke mme sinakọk ye mme itie ukpono ke mme itie usọrọ. 40Ammọ ema adifuuk mme ebekpa mbọi ufọk, enyʌñ ewọt idem ke edibọñ ñnyan akam. Mme utọ ibon ami eyaebọ ataa akpọsọñ ufen.”
Enọ Ebekpa
41Yisọs amaasuuk atie ke nsakiso akebe usịn enọ anyʌñ ase naña mbon awo esịn enọ ke itie unịmñkpọ tembịd. Uwak mme imọ awo emaesịn uwak akʌk. 42Ado ebekpa keed a-akedooho uweene amaasịn ataa akpatre akʌk amọ, kọbọ iba a-akesịppe akan afịd akʌk.
43Yisọs amaakoot mme mbed amọ anyʌñ abo ammọ ate, “Ke akpanikọ ke ami idọkkọ ndufo nte ke uweene ebekpa ami a-asịn akʌk ke akebe usịn enọ akan afịd mbon ñko. 44Afịd ammọ ekenọ ubaak ke atu uwak inie ammọ, ado awonwaan ami, ke idaha uweene amọ, amaaben afịd se anye akpedat adu uwem adinọ.”
Айни замон обунашуда:
Maak 12: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Maak 12
12
Ñke mme Atọinwañ
1Ndin Yisọs amaatọọñọ aditañ ikọ nnọọ ammọ ke ñke, ate: “Awo keed aketọ inwañ fain. Anye amaabọp ndibene akanna inwañ ado, atịppe ube unyịmme ukọd anyʌñ abọp itie ukpeme. Anye amaaben inwañ ami anọ mme atọinwañ ate ekpeme, ndin adakka akaa isañ ke itie mfen. 2Ini idọk akedikem anye amaadọñ ayịnufọk ate aka akebọ mme atọinwañ ami ubaak mfịd ke inwañ fain. 3Ado ammọ emaemʌm ayịnufọk ami, etịm anye, enyʌñ enọ anye anyọñ ubọk-ubọk. 4Akem anye amaamaana adọñ ayịnufọk mfen aka abịne ammọ; ammọ emaemia anye ado iwuod enyʌñ esuenne anye. 5Anye amaamaana anọ awo mfen aka, anye ami ammọ emaemʌm ewot. Anye amaanọ uwak mbio mfen, ado ammọ etetịm usʌk, enyʌñ ewowot usʌk.
6 “Anye amaanie awo keed a-akesʌhọke anye adidọñ, ayịn amọ awodeen, a-anye akemaaha. Anye akenọ anye aka akpatre, abo ate, ‘Ammọ eyaekpono ayịn mmi.’
7 “Ado mbon e-ekenọọhọ inwañ ekama emaetie edioomo ye emọ-emọ ete, ‘Adiaakpa amọ ado ami. Idi, yak ñnyịn iwot anye, ndin udeeme ñkpọ amọ ayaakappa ado ake ñnyịn.’ 8Ndin ammọ emaemʌm anye ewot, etop akpo amọ esio ke inwañ fain ado.
9 “Nsoo ndin ke andinie inwañ fain ami adiinam? Anye ayaadi adiwoot mbon e-ekekamake inwañ fain ado, anyʌñ aben inwañ fain ado anọ mbon mfen. 10Nte ndufo ikoodo se ewet ke itie Ñwed Abasi ami ete,
“ ‘Itiad a-mme abọbufọk ekesịnne
akappa ado itiad inuuk.
11 Abọọñ anam ami,
ndin anye ado utịppe ñkpọ ke anyen ñnyịn.’ ”
12Ndin mme ñkpoon aku, ye mme akpeeb mbed ye mme ñkpisọñ emaeyem usʌñ naña ekpesaña emʌm anye, sia ammọ emaediọọñọ ke anye aketop ñke ami ibaña mmimọ. Ado ammọ ekebaak atu awo; ado anam ammọ emaedakka ekpọñ anye enyọñọ.
Ukpe Taks Nnọọ Ukara Sisa
13Akem ammọ emaedọñ ubaak mme Farisi ye mbon nsaña Herọd ebịne Yisọs nọ ekemʌm anye ke ikọ inua amọ. 14Mbon ami emaekaa ekebo anye ete, “Andikpeeb, ñnyịn imidiọọñọ ke afo ado awo akpanikọ, awo ikanna aduben fiin ntịn usʌñ sia afo ubaaha awo anyen, ado afo akpeep usʌñ Abasi ke akpanikọ. Nte anen ñnyịn adikpe taks#12:14 Asaña-asaña taks ukara mbon ekebaaha ke idak ukara Sisa ekesikpeeghe, ado mme amanaisọñ Rom ikisikpeeghe ukara nnọọ Sisa, me inenne? 15Ado se ikpe, me itre adikpe?”
Ado Yisọs amaadiọọñọ ñkara ye mbubịk esịd ammọ. Anye amaabịp ammọ ate, “Ntak a-ndufo ekọọhọ afia ennọ miin-e? Iben akʌk ado idi nọ ami nse.” 16Ammọ emaeben akʌk edi. Anye amaabịp ammọ ate, “Ndise anie awo ido ami? Anyịñ anie awo ke ewet ami?”
Ammọ emaebọọrọ ete, “Ake Sisa.”
17Ndin Yisọs amaabo ammọ: “Iyaak ñkpọ se inie Sisa inọ Sisa, ndin se inie Abasi iyaak inọ Abasi.”
Idem amaakpa ammọ eti-eti abaña anye.
Udọ Ndọ ke Ini Adiset ke Ñkpa
18Ndin mme Sadusi, e-ebooho ke adised ke ñkpa ibaaha, emaeben mbuume ebịne Yisọs ete, 19“Andikpeeb, Moses amaawet abo, awodeen akpekpa akpọñ anwaan ado ibonno nditọ, ayịneka amọ awodeen ana aben ebekpa anwaan ado adọ nọ abon nditọ anọ anye. 20Nditọeka ideen itiaba ekeba. Akpa awo amaadọ anwaan, akpa, inieghe ayịn. 21Ayọhọ iba amaaben ebekpa anwaan ayịneka adọ, ado anye ñko amaakpa inieghe ayịn. Ukem ado aketịppe anọ ayọhọ ayịneka awodeen ita. 22Ke aditʌm ntañ, ndomokeed ke atu nditọeka itiaba e-ekedọọhọ awonwaan ami a-akenieghe ayịn ato anye ikibaaha. Ke akpatre, awonwaan ami amaanyʌñ adikpa. 23Ke ini adised ke ñkpa, anwaan anie ke atu ado ke anye adiido, sia naña awo itiaba emaedọ anye?”
24Yisọs amaabọọrọ ate, “Ikịtte ke ndufo emenam ndudue sia ndufo idiọọñọke ikọ Abasi inyʌññọ idiọọñọ adudu Abasi? 25Mme akpañkpa emaeset, ammọ idiidọọhọ ndọ idiinyʌññọ inọ ke ndọ; ammọ ediitie nte mme enyere ke hefịn. 26Ke abaña mme akpañkpa ediset, ado nte ndufo ikoodo ke ñwed Moses, ke mbʌk i-ikañ aketaaha ikọd, naña Abasi akebo Moses ate, ‘Ami ndo Abasi Ebraham, Abasi Aisik, ye Abasi Yekọb?’ 27Anye idooho Abasi mme akpañkpa, ado Abasi mme aduuwem. Ndufo emenam ataa akpan ndudue!”
Akaakan Mbed
28Keed ke atu mme andikpeeb mbed a-akediighe abịne Yisọs amaakop nte ammọ esʌk efaaña mfaaña. Anye akekop ke Yisọs amaanọ ammọ nnekke-nnekke ibọọrọ, amaabịp anye abo, “Ke atu afịd mme mbed, akee ado akaakan?”
29Yisọs amaabọọrọ ate, “Andikpon ñkan ke afịd mbed ado ami: ‘Kop, O Isrel: Abọọñ Abasi ñnyịn ado keed. 30Ima Abọọñ Abasi ndufo ke afịd esịd ndufo ye ke afịd ukpọñ ndufo ye ke afịd akikere ndufo ye ke afịd adudu ndufo.’ 31Ayọhọ iba ado ami: ‘Ima mbọhọidʌñ ndufo nte idem ndufo.’ Ibaaha mbed a-akponno akan mbon ami.”
32Awo ami amaabọọrọ ate, “Andikpeeb, akpanikọ ke afo atañ, ado ataa nnen-nnen afo adibo ke Abasi ado keed, ke mfen ibaaha ke mmiibọhọke anye. 33Adima anye ke afịd esịd mfo ye ke afịd ifiọk mfo, ye ke afịd adudu mfo, anyʌñ ama mbọhọidʌñ mfo nte idem mfo, a-akpon akan afịd ufọfọb uwa ye mme nsio-nsio uwa mfen.”
34Ke ini Yisọs amaakekịt ke anye amaabọọrọ ye ayọhọ aniọñ, anye amaabo anye ate: “Afo unyọọñọ usʌñ ukpọñ abioubọọñ Abasi.” Ndin tọọñọ ke idaha ado kaa iso awo ndomokeed ikideeghede ibịp anye mbịme mfen aba.
Krais Ado Ayịn Anie?
35Ke ini Yisọs akesʌkkọ akpeep ñkpọ ke mme akwere tembịd, anye amaabịp ate, “Nsoo ido ntak nọ mme andikpeeb mbed ebo ke Krais ado ayịn Defid? 36Defid ke idem amọ, ke ini atañña ikọ ato ke adudu Adisana Sịbidịd, amaabo anwa-anwa ate:
“ ‘Abọọñ amaabo Abọọñ mmi ate,
“Tie ke ubọk nnasia mmi
tutu ami nsịn mme asua mfo
ke idak ñkpad mfo.” ’
37 Defid ke idem amọ akoot anye ‘Abọọñ.’ Anye akpenam die ndin ado ayịn Defid?”
Uwak atu awo emaekpañ utọñ ekop ikọ amọ ye inemesịd.
Ndʌdutọñ e-Enọọhọ mme Andikpeeb Mbed
38Naña Yisọs akekpeebe ñkpọ, anye amaabo ammọ ate, “Ikpeme mme andikpeeb mbed sia ammọ ema adisịne ñweem-ñweem afọñ nsaaña ke efaak, enyʌñ eyem afịd awo etuak iwuod ekpono ammọ ke anwa udua, 39enyʌñ ema mme ñwuọnda itie ke mme sinakọk ye mme itie ukpono ke mme itie usọrọ. 40Ammọ ema adifuuk mme ebekpa mbọi ufọk, enyʌñ ewọt idem ke edibọñ ñnyan akam. Mme utọ ibon ami eyaebọ ataa akpọsọñ ufen.”
Enọ Ebekpa
41Yisọs amaasuuk atie ke nsakiso akebe usịn enọ anyʌñ ase naña mbon awo esịn enọ ke itie unịmñkpọ tembịd. Uwak mme imọ awo emaesịn uwak akʌk. 42Ado ebekpa keed a-akedooho uweene amaasịn ataa akpatre akʌk amọ, kọbọ iba a-akesịppe akan afịd akʌk.
43Yisọs amaakoot mme mbed amọ anyʌñ abo ammọ ate, “Ke akpanikọ ke ami idọkkọ ndufo nte ke uweene ebekpa ami a-asịn akʌk ke akebe usịn enọ akan afịd mbon ñko. 44Afịd ammọ ekenọ ubaak ke atu uwak inie ammọ, ado awonwaan ami, ke idaha uweene amọ, amaaben afịd se anye akpedat adu uwem adinọ.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.