Matiu 9
9
Yisọs Afeen Anyʌñ Akọk Awo Akpaubeñ
1Yisọs amaasọiyọ adʌk ubom akanna akewuọ idʌñ ammọ. 2Mme awo emaeben awo udọñọ akpaubeñ, a-akenaaha ke aya esọk anye. Ke Yisọs amaakekịt mbuọdidem ammọ, anye amaabo awo akpaubeñ ado ate, “Ayịn mmi, sọñ esịd, sia efeen mme idiọọkñkpọ mfo.”
3Ubaak mme akpeeb mbed ekekop ami, ammọ emaebo ke esịd ammọ ete, “Awo ami asuuk Abasi uyio.”
4Yisọs a-amaakediọọñọ akikere ammọ, amaabo, “Ntak a-ndufo enieñeke ndiọi akikere ke esịd ndufo-o? 5Akee imem ikan: adibo, ‘Efeen mme idiọọkñkpọ mfo, me adibo, Dakka da saña’? 6Ado ami ñyem inam ndufo ediọọñọ ke Ayịn Awo anie adudu ke isọñ adifeen mme idiọọkñkpọ.” Ndin anye amaabo awo akpaubeñ ado ate, “Dakka da, ben aya mfo nyʌñ nyọñ ufọk.” 7Ndin awo ado amaadakka ada anyọñ ufọk. 8Ke ini atu awo ekekịtte ñkpọ ami, ammọ emaekop akpọsọñ ñkpaidem, enyʌñ etooro Abasi, a-akenọọhọ awo utọ adudu ado.
Ikood Matiu
9Ke Yisọs amaakekpọñ itie ado, anye amaakịt awodeen a-akekereke Matiu naña atie ke atayad ubọ taks. Yisọs amaabo anye, “Ñkeene miin,” Matiu amaadakka ada anyʌñ akeene anye.
10Ke ini Yisọs akesʌkkọ adia ndidia ndubi ke ufọk Matiu, uwak mme abọọ taks ye mme ndiọi awo emaedi edidia ndidia ye anye ye mme mbed amọ. 11Ke ini mme Farisi ekekịtte ami, ammọ emaebịp mme mbed Yisọs ebo, “Ntak eteufọk ndufo asidiaha ndidia ye mme abọọ taks ye mme anam idiọọkñkpọ-ọ?”
12Yisọs akekop ami, anye amaabo, “Ado mbon udọñọ esiyem abiaibọk, idooho mbon nsọñidem esiyem. 13Ado ikaa ikikpeep se ami awuọñọ: ‘Ami ñyem mbọm, idooho uwa.’ Sia ami ñkidiighe adikoot ndinen awo, ado ñkedi adikoot mme anam idiọọkñkpọ.”
Ebịp Yisọs Ebaña Utreudia
14Ndin mme mbed Yọọn emaedibịp anye ete, “Nsoo ido ntak a-ñnyịn ye mme Farisi isitreke ndidia, ado mme mbed mfo itreke?”
15Yisọs amaabọọrọ ammọ ate, Isenawo ebendọ ekpenam die efʌhọ ke ini ebendọ abaaha ye ammọ? Ado ini ayaadi e-ediiben ebendọ idakka ikpọñ ammọ, ini ado ndin ke ammọ ediitre udia.
16 Awo ndomokeed isibenne ufa afọñ ikịm idian isiit adudu akaan afọñ, sia ufa afọñ ado amaadiañña, ayaanam itie se ikiwakka ado adiọọk akan akpa. 17Ñko awo isibenne ufa ukọd inwañña idọñ ke akaan ikịmukọd, adieke enamma ntom, adudu ufa ukọd ayaaduat ikịmukọd abom, ukọd anyʌñ aduọkkọ. Ufa ukọd kpọd ke ana edọñ ke ufa ikịmukọd ndin ikịmukọd ye ukọd eyaekpeene.
Yisọs Anam Ayịn Abọikpa Aset anyʌñ Akọk Awonwaan Udọñọ
18Ke ini anye akesʌkkọ atañ ikọ anọ ammọ, keed ke atu mme adaaha ke sinakọk amaadi, aditọọñọ edọñ ke iso amọ anyʌñ abo, “Ayịn mmi awonwaan asʌk akpa idahami, ado di didot anye ubọk, ndin anye ayaadu uwem.” 19Yisọs amaadakka ada ye mme mbed amọ akeene anye.
20Kpa ke ukem ini ado, awonwaan keed a-akedọñọke uwuọiyiib ke isua duob mme iba amaato edem-edem asaña akpere Yisọs anyʌñ atuuk mben afọñidem amọ. 21Anye amaabo idem amọ, “Ami ñkpesʌk ñkan ntuuk afọñidem amọ, ñyaakop nsọñidem.”
22Yisọs amaakanna iso akịt anye, anyʌñ abo anye, “Sọñ idem, ayịn awonwaan, mbuọdidem mfo u-ukọk fiin.” Idahado-idahado idem amaasọñ awonwaan ado.
23Ke ini Yisọs amaakedʌk ufọk adaukara ke sinakọk ami, anyʌñ akịt atu awo e-ekenamma uyom ye mbon e-ekefịtte adʌk, 24anye amaabo, “Iwuọñọ mi, etək abọikpa ami ikpaahakpa, anye adadaiya.” Ado ammọ emaesaha anye. 25Ado ke mbon awo emaekewuọñọ anwa, anye amaadʌk esịd ufọk anyʌñ amʌm etək abọikpa ado ke ubọk abenne, ndin anye amaadakka ada. 26Mbʌk ami amaatara ayọhọ afịd ñkanñkʌk ado.
Yisọs Akọk mme Nnan ye Imuum
27Ke Yisọs amaakekpọñ efaak ado, ideen iba e-ekedooho nnan emaebọñ ekeene anye ete, “Yisọs Ayịn Defid, itua ñnyịn mbọm.”
28Ndin ke Yisọs amaakekewuọ ufọk ado, mme nnan iba ami emaekeene anye, ndin anye amaabịp ammọ ate, “Ndufo emenịm ke ami mmekeme adinam ñkpọ ami?”
Ammọ emaebọọrọ, “Abọọñ, iminịm.”
29Ndin anye amaatuuk ammọ anyen anyʌñ abo “Yak asu inọ ndufo nte mbuọdidem ndufo adooho”; 30ndin ammọ emaetịmme ekịt ñkpọ. Ado Yisọs amaanekke adət ammọ utọñ ate, “Ikiiyak awo ndomokeed adiọọñọ abaña adinam ami.” 31Ado ammọ emaedaaña ekesuan etob ami ebaña anye ke afịd ñkanñkʌk efaak ado.
32Ke idaha ammọ ekesʌkkọ ewọwuọ do, emaeben awodeen keed a-dimọn akesọppọ, akenyʌññọ ado imuum esọk Yisọs. 33Ndin ke anye amaakebịne dimọn ado isio, imuum ado amaatañ ikọ. Idem amaakpa atu awo, ammọ emaenyʌñ ebo, “Kpaanam awo ikịtte utọ ñkpọ ami ke Isrel.”
34Ado mme Farisi emaebo, “Anye akama adudu akpan abọọñ mme dimọn abịn mme ndiọi adudu asio.”
Mme Anam Utom Iwakka
35Yisọs amaasaaña akaa afịd mme abio ye mme idʌñ, akpeep ñkpọ ke mme sinakọk ammọ, asuan eti etob abioubọọñ anyʌñ akọk afịd udọñọ ye unana nsọñidem. 36Ke ini Yisọs akekịtte atu awo, mbọm ammọ amaanam anye, sia ammọ emaekịt mfịna inyʌññọ inie unwam, eba nte mme edọñ i-imiinieghe andikpeme. 37Ndin anye amaabo mme mbed amọ ate, “Idọk anekke akpon, ado mme anam utom iwakka. 38Ibeeñe Abọọñ idọk ate anọ mbon utom edi inwañ idọk amọ.”
Айни замон обунашуда:
Matiu 9: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Matiu 9
9
Yisọs Afeen Anyʌñ Akọk Awo Akpaubeñ
1Yisọs amaasọiyọ adʌk ubom akanna akewuọ idʌñ ammọ. 2Mme awo emaeben awo udọñọ akpaubeñ, a-akenaaha ke aya esọk anye. Ke Yisọs amaakekịt mbuọdidem ammọ, anye amaabo awo akpaubeñ ado ate, “Ayịn mmi, sọñ esịd, sia efeen mme idiọọkñkpọ mfo.”
3Ubaak mme akpeeb mbed ekekop ami, ammọ emaebo ke esịd ammọ ete, “Awo ami asuuk Abasi uyio.”
4Yisọs a-amaakediọọñọ akikere ammọ, amaabo, “Ntak a-ndufo enieñeke ndiọi akikere ke esịd ndufo-o? 5Akee imem ikan: adibo, ‘Efeen mme idiọọkñkpọ mfo, me adibo, Dakka da saña’? 6Ado ami ñyem inam ndufo ediọọñọ ke Ayịn Awo anie adudu ke isọñ adifeen mme idiọọkñkpọ.” Ndin anye amaabo awo akpaubeñ ado ate, “Dakka da, ben aya mfo nyʌñ nyọñ ufọk.” 7Ndin awo ado amaadakka ada anyọñ ufọk. 8Ke ini atu awo ekekịtte ñkpọ ami, ammọ emaekop akpọsọñ ñkpaidem, enyʌñ etooro Abasi, a-akenọọhọ awo utọ adudu ado.
Ikood Matiu
9Ke Yisọs amaakekpọñ itie ado, anye amaakịt awodeen a-akekereke Matiu naña atie ke atayad ubọ taks. Yisọs amaabo anye, “Ñkeene miin,” Matiu amaadakka ada anyʌñ akeene anye.
10Ke ini Yisọs akesʌkkọ adia ndidia ndubi ke ufọk Matiu, uwak mme abọọ taks ye mme ndiọi awo emaedi edidia ndidia ye anye ye mme mbed amọ. 11Ke ini mme Farisi ekekịtte ami, ammọ emaebịp mme mbed Yisọs ebo, “Ntak eteufọk ndufo asidiaha ndidia ye mme abọọ taks ye mme anam idiọọkñkpọ-ọ?”
12Yisọs akekop ami, anye amaabo, “Ado mbon udọñọ esiyem abiaibọk, idooho mbon nsọñidem esiyem. 13Ado ikaa ikikpeep se ami awuọñọ: ‘Ami ñyem mbọm, idooho uwa.’ Sia ami ñkidiighe adikoot ndinen awo, ado ñkedi adikoot mme anam idiọọkñkpọ.”
Ebịp Yisọs Ebaña Utreudia
14Ndin mme mbed Yọọn emaedibịp anye ete, “Nsoo ido ntak a-ñnyịn ye mme Farisi isitreke ndidia, ado mme mbed mfo itreke?”
15Yisọs amaabọọrọ ammọ ate, Isenawo ebendọ ekpenam die efʌhọ ke ini ebendọ abaaha ye ammọ? Ado ini ayaadi e-ediiben ebendọ idakka ikpọñ ammọ, ini ado ndin ke ammọ ediitre udia.
16 Awo ndomokeed isibenne ufa afọñ ikịm idian isiit adudu akaan afọñ, sia ufa afọñ ado amaadiañña, ayaanam itie se ikiwakka ado adiọọk akan akpa. 17Ñko awo isibenne ufa ukọd inwañña idọñ ke akaan ikịmukọd, adieke enamma ntom, adudu ufa ukọd ayaaduat ikịmukọd abom, ukọd anyʌñ aduọkkọ. Ufa ukọd kpọd ke ana edọñ ke ufa ikịmukọd ndin ikịmukọd ye ukọd eyaekpeene.
Yisọs Anam Ayịn Abọikpa Aset anyʌñ Akọk Awonwaan Udọñọ
18Ke ini anye akesʌkkọ atañ ikọ anọ ammọ, keed ke atu mme adaaha ke sinakọk amaadi, aditọọñọ edọñ ke iso amọ anyʌñ abo, “Ayịn mmi awonwaan asʌk akpa idahami, ado di didot anye ubọk, ndin anye ayaadu uwem.” 19Yisọs amaadakka ada ye mme mbed amọ akeene anye.
20Kpa ke ukem ini ado, awonwaan keed a-akedọñọke uwuọiyiib ke isua duob mme iba amaato edem-edem asaña akpere Yisọs anyʌñ atuuk mben afọñidem amọ. 21Anye amaabo idem amọ, “Ami ñkpesʌk ñkan ntuuk afọñidem amọ, ñyaakop nsọñidem.”
22Yisọs amaakanna iso akịt anye, anyʌñ abo anye, “Sọñ idem, ayịn awonwaan, mbuọdidem mfo u-ukọk fiin.” Idahado-idahado idem amaasọñ awonwaan ado.
23Ke ini Yisọs amaakedʌk ufọk adaukara ke sinakọk ami, anyʌñ akịt atu awo e-ekenamma uyom ye mbon e-ekefịtte adʌk, 24anye amaabo, “Iwuọñọ mi, etək abọikpa ami ikpaahakpa, anye adadaiya.” Ado ammọ emaesaha anye. 25Ado ke mbon awo emaekewuọñọ anwa, anye amaadʌk esịd ufọk anyʌñ amʌm etək abọikpa ado ke ubọk abenne, ndin anye amaadakka ada. 26Mbʌk ami amaatara ayọhọ afịd ñkanñkʌk ado.
Yisọs Akọk mme Nnan ye Imuum
27Ke Yisọs amaakekpọñ efaak ado, ideen iba e-ekedooho nnan emaebọñ ekeene anye ete, “Yisọs Ayịn Defid, itua ñnyịn mbọm.”
28Ndin ke Yisọs amaakekewuọ ufọk ado, mme nnan iba ami emaekeene anye, ndin anye amaabịp ammọ ate, “Ndufo emenịm ke ami mmekeme adinam ñkpọ ami?”
Ammọ emaebọọrọ, “Abọọñ, iminịm.”
29Ndin anye amaatuuk ammọ anyen anyʌñ abo “Yak asu inọ ndufo nte mbuọdidem ndufo adooho”; 30ndin ammọ emaetịmme ekịt ñkpọ. Ado Yisọs amaanekke adət ammọ utọñ ate, “Ikiiyak awo ndomokeed adiọọñọ abaña adinam ami.” 31Ado ammọ emaedaaña ekesuan etob ami ebaña anye ke afịd ñkanñkʌk efaak ado.
32Ke idaha ammọ ekesʌkkọ ewọwuọ do, emaeben awodeen keed a-dimọn akesọppọ, akenyʌññọ ado imuum esọk Yisọs. 33Ndin ke anye amaakebịne dimọn ado isio, imuum ado amaatañ ikọ. Idem amaakpa atu awo, ammọ emaenyʌñ ebo, “Kpaanam awo ikịtte utọ ñkpọ ami ke Isrel.”
34Ado mme Farisi emaebo, “Anye akama adudu akpan abọọñ mme dimọn abịn mme ndiọi adudu asio.”
Mme Anam Utom Iwakka
35Yisọs amaasaaña akaa afịd mme abio ye mme idʌñ, akpeep ñkpọ ke mme sinakọk ammọ, asuan eti etob abioubọọñ anyʌñ akọk afịd udọñọ ye unana nsọñidem. 36Ke ini Yisọs akekịtte atu awo, mbọm ammọ amaanam anye, sia ammọ emaekịt mfịna inyʌññọ inie unwam, eba nte mme edọñ i-imiinieghe andikpeme. 37Ndin anye amaabo mme mbed amọ ate, “Idọk anekke akpon, ado mme anam utom iwakka. 38Ibeeñe Abọọñ idọk ate anọ mbon utom edi inwañ idọk amọ.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.